អ្នកទេសចរភាគច្រើនកំពុងចាប់អារម្មណ៍រមណីយដ្ឋានពុទ្ធមណ្ឌលព្រឹទ្ធាចារ្យហ៊ុន នាង

ព្រហស្បតិ, 04 កុម្ភៈ 2010 14:36

ពុទ្ធមណ្ឌលព្រឹទ្ធាចារ្យហ៊ុន នាង និងឧទ្យានសុបិនចំការព្រីង ដែលជាទីរមណីយដ្ឋានបែបព្រះ ពុទ្ធសាសនាស្ថិតនៅក្នុងភូមិចេ្រស សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ត្រូវបានឧប្បត្តិកឡើងក្រោមការខិតខំយ៉ាងយកចិត្តទុកដាក់ របស់ឧកញ៉ាទ្រី ហេង ជាម្ចាស់វិនិយោគទុនលើ ផ្ទៃដីទំហំប្រមាណ៨ហិកតា ឲ្យមានសោភណ្ឌភាពសម្រស់បែបរមណីយដ្ឋានកែឆ្នៃមានខ្យល់អា កាសត្រជាក់បរិសុទ្ធអម ដោយផ្ទៃទឹកថ្លាឈ្វេង មើលទៅដូចមិនមែនជាស្នាដៃរបស់មនុស្សយើង។

បច្ចុប្បន្នរមណីយដ្ឋានទាំង២បាននិងកំពុងទាក់ទាញភ្ញៀវទេសចររាប់ម៉ឺននាក់ ពិសេសអ្នករស់នៅ ក្នុងក្រុងភ្នំពេញ ចូលមកកំសាន្តលំហែកាយនាពេលចុងសប្ដាហ៍ និងថ្ងៃសំរាកផ្សេងៗ។

នៅពេលទៅដល់ទីតាំងខាងលើ ភ្ញៀវទេសចរទាំងអស់ពិតជាបាត់អស់នូវភាពនឿយហត់ ដោយបានឃើញនូវរមណីយដ្ឋានកែឆ្នៃបែបធម្មជាតិយ៉ាងប្រណីត ជាមួយនឹងខ្លោងទ្វារយ៉ាងអស្ចារ្យ ដែលមានរូបព្រះកេសព្រះព្រហ្មមុខ៤ញញឹមយ៉ាងស្រស់ស្រាយហាក់រីករាយទទួលស្វាគមន៍ នៃការ មកដល់របស់បណ្ដាភ្ញៀវទេសចរទាំងឡាយ។ ក្រោយពីចូលផុតខ្លោងទ្វារបន្តិចភ្ញៀវទេសចរទាំងអស់ ប្រាកដជាមានការភ្ញាក់ផ្អើលជាមួយទិដ្ឋភាពដ៏ស្រស់បំព្រងនៃទីរមណីយដ្ឋាន បែបព្រះពុទ្ធសាសនា ទី១ គឺពុទ្ធមណ្ឌលព្រឹទ្ធាចារ្យហ៊ុន នាង ដែលសង់នៅលើផ្ទៃដីទំហំប្រមាណ២ហិកតា។ នៅក្នុងប្រា សាទកំពូល៣នេះផងដែរ គេឃើញមានរូបសំណាកនៃព្រះពុទ្ធអង្គយ៉ាងធំមួយព្រះអង្គធ្វើអំពីថ្មកែវ មានកំពស់៣.៨ម៉ែត្រ និងបណ្ដោយព្រះភ្នែន២.៦ម៉ែត្រសង់អំពីថ្មកែវ ជាពិសេសនៅក្នុងបរិវេណនៃ ពុទ្ធមណ្ឌលនេះមានសំណង់ស្ថាបត្យកម្មជាច្រើនដែលបានបញ្ជាក់ពីទីកន្លែងគោរពសក្ការៈ របស់ប្រ ជាពុទ្ធបរិស័ទ ដែលជាអ្នកកាន់ព្រះពុទ្ធសាសនាទាំងបែបហិនយានផង និងមហាយានផង។ នៅក្នុង ពុទ្ធមណ្ឌលនេះគេសង្កេតឃើញមានរូបដិមាជាព្រះពុទ្ធរូប ជាព្រះនាងគង់ស៊ីអ៊ីម ព្រះអង្គប្រក់នាគ និងមានប្រាសាទព្រះនាងលាវ យី ផងដែរ។ លើសពីនេះគេឃើញមានរូបចម្លាក់ និងគំនូរដែល និយាយពីដំណើរជីវិតនៃការសាងព្រះធម៌របស់ព្រះពុទ្ធក្នុងលក្ខណៈជាចម្លាក់ផុសជាមួយនឹងម្លប់ដ៏ ត្រជាក់របស់ដើមឈើហូបផ្លែនិងម្លប់ឫស្សី ដែលដុះនៅប្របមាត់ស្រះស្រង់សមជាទីកន្លែងកសាងធម៌សមាទានសីល៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៤ ខែកញ្ញា ឆ្នាំ២០១០ មានចំនួន១០លើក ស្លាប់៤នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៤ ខែកញ្ញា កើតឡើងចំនួន១០លើក បណ្ដាលឲ្យមនុស្សស្លាប់ ៤នាក់(ប្រុស) រងរបួសធ្ងន់៩នាក់(ប្រុស៧) របួសស្រាល៣នាក់(ប្រុស១)។ គ្រោះថ្នាក់ចរាចរសម្រាប់ថ្ងៃទី៤ ខែកញ្ញានេះ បើប្រៀបធៀបថ្ងៃទី៣ ខែកញ្ញាកន្លងទៅឃើញថា មានសភាពកើនឡើង២លើកនិងអ្នកស្លាប់មានការកើនឡើងម្នាក់៕