បទភ្លេងក៏អាចព្យាបាលរោគបានដែរ

ពុធ, 25 វិច្ឆិកា 2009 12:54

សូរសៀងតន្រ្តីដែលយើងបានស្តាប់រាល់ថ្ងៃក្រៅពីជួយបង្កើតសេចក្តីសុខខាងអារម្មណ៍ឲ្យយើងហើយនោះកន្លមកមានការងារពិសោធន៍ពីបរទេសបានគូសបញ្ជាក់ថា សូរសៀងតន្រ្តីវាអាច

ជួយព្យាបាលរោគបានទៀតផង។ គេឃើញមានអ្នកជំងឺជាច្រើនដែលមានសកម្មភាពឆេវឆាវជាច្រើននាក់បានចូលទៅសាកល្បងព្យាបាលដោយសូរសៀងតន្រ្តី។ គ្រូពេទ្យបានប្រាប់ថាអាការៈរបស់អ្នកជំងឺទាំងនេះបានល្អប្រសើរឡើងក្រោយពេលបានស្តាប់បទភ្លេង។
តន្រ្តីខ្លះក៏មានកំរិតរលកពិសេសអាចធ្វើឲ្យផ្លាស់ប្តូរពណ៌និងខ្នាតរបស់កោសិកាគ្រាប់ឈាមក្រហម ណោត A ទៅជាពណ៌ស៊ីជម្ពូរ។ ណោត C ធ្វើឲ្យកាសិកាលូតកាន់តែវែងឡើង ណោត E ធ្វើរូបរាងកោសិកាកាន់តែមូល។ ក្រៅពីនេះណោត ចាប់ពី A-B នៅក្នុងកំរិតរលកប្រមាណ៤០០-៤៨០Hz អាចធ្វើឲ្យកោសិកាមហារីកបែករលាយបាន។
អ្នកពិសោធន៍ប៉ាន់ស្មានទុកថា រលកកំរិតរបស់ណោតភេ្លងខ្លះមានរលកកំរិតដូចគ្នាទៅនឹងកោសិកាប្រភេទខ្លះនៅក្នុងរាងកាយមនុស្សដែរ។ ទោះបីជាយ៉ាងណាក៏ដោយការព្យាបាលអ្នកជំងឹដោយសូរសៀងតន្រ្តីវាគ្រាន់តែជាជំរើសមួយប៉ុណ្ណោះ ហើយបទ ចំរៀងដែលប្រើព្យាបាលអ្នកជំងឺគួរជាបទចំរៀងប្រភេទក្លាសិកដែលជួយបង្កើតអារម្មណ៍សប្បាយតែមួយមុខប៉ុណ្ណោះ៕