គេហទំព័រ កម្ពុជាថ្មី

អ្នកនយោបាយថៃត្រូវបញ្ឈប់ល្បែងបំពុលបរិយាកាស

2010-09-08T12:41:37Z

ភ្នំពេញ ៖ គណៈកម្មាធិការជាតិបេតិកភណ្ឌពិភពលោកបានស្នើឲ្យឥស្សរជននយោបាយថៃ បញ្ឈប់ យុទ្ធនាការបំពុលបរិយាកាសដើម្បីបោកប្រាស់មតិសាធារណជន និងបញ្ឈប់សំដែងសុឆន្ទៈក្លែងក្លាយធ្វើឲ្យ មានការស្អប់ខ្ពើមរបស់ប្រជាជនថៃមកលើកម្ពុជា។

យោងតាមសេចក្ដីថ្លែងការណ៍របស់គណៈកម្មាធិការជាតិបេតិកភណ្ឌពិភពលោក(យូណេស្កូ) ដែល កម្ពុជាថ្មីទទួលបាននៅថ្ងៃទី០៨ ខែកញ្ញា បានរៀបរាប់ថា គណៈកម្មាធិការជាតិបេតិកភណ្ឌពិភពលោក បានកត់សំគាល់ថា កាលពីថ្ងៃទី៣១ ខែសីហា ឆ្នាំ២០១០ សារព័ត៌មាន The Nation របស់ថៃបានចុះផ្សាយថាលោក សុវិត ឃុនគិតទិ រដ្ឋមន្រ្តីក្រសួងធនធានធម្មជាតិនិងបរិស្ថានថៃ បានប្រាប់ដល់បណ្ដាញឃោសនាអំពីការសុំ ជួបប្រធានមជ្ឈមណ្ឌល បេតិកភណ្ឌពិភពលោក និងលោកស្រីអគ្គនាយកអង្គការយូណេស្កូ នៅទីក្រុងប៉ារីស ដើម្បីពិភាក្សាលើបញ្ហាចុះបញ្ជីប្រាសាទព្រះវិហារនៅក្នុងបញ្ជីបេតិកភណ្ឌពិភពលោក បន្ទាប់ពីកម្ពុជាបានដាក់ ឯកសាររបស់ខ្លួនដល់មជ្ឈមណ្ឌលនេះរួចហើយនោះ។

នៅក្នុងសេចក្ដីប្រកាសព័ត៌មានរបស់គណៈកម្មាធិការជាតិបេតិកភណ្ឌពិភពលោក ក៏បានរៀបរាប់យ៉ាងលំអិតពិស្ដារចំនួន៤ចំណុចធំៗដើម្បីបង្ហាញលោករដ្ឋមន្រ្តីស៊ូវិត ឃុនគិតទិ ឲ្យបានដឹង ហើយគណៈកម្មា ធិការជាតិបេតិកភណ្ឌពិភពលោក បានសំដែងការសោកស្ដាយយ៉ាងខ្លាំងចំពោះយុទ្ធនាការបំពុលបរិយាកាស មិនចេះឈប់ឈរនិងគ្មានការទទួលខុសត្រូវរបស់លោករដ្ឋមន្រ្តីស៊ូវិត ឃុនគិតទិ ខណៈដែលប្រទេសទាំង២ កំពុងស្ថិតនៅលើវិថីឆ្ពោះទៅកាន់ទំនាក់ទំនងធម្មតាទៅវិញទៅមក ដែលក្នុងនោះជំហានទី១គឺការបញ្ជូនឯក អគ្គរាជទូតរៀងៗខ្លួនឲ្យមកបំពេញបេសកកម្មវិញ៕

កោះកែវ

មន្រ្តីរដ្ឋបាលព្រៃឈើឈូងសមុទ្រដឹកនាំកម្លាំងបង្រ្កាបបានឈើមួយរថយន្តកែច្នៃ

2010-09-08T12:41:02Z

កំពត ៖ រថយន្តកែច្នៃកូរ៉េ១គ្រឿង ដឹកឈើប្រណិតសម្រុកទៅប្រទេសវៀតណាម ត្រូវបានកម្លាំង អធិការឈូងសមុទ្រ សហការជាមួយកងរាជអាវុធហត្ថលើផ្ទៃប្រទេសបង្រ្កាប ខណៈពេលធ្វើសកម្មភាពដឹក ជញ្ជូនឈើគ្រញូងបម្រុងឆ្លងដែនទៅប្រទេសវៀតណាម នៅវេលាម៉ោង២២ និង៣០នាទីយប់ ថ្ងៃទី៧ ខែកញ្ញា ឆ្នាំ២០១០ ស្ថិតនៅក្នុងភូមិខ្នាចរមាស ឃុំនរាយ ស្រុកឈូក ខេត្តកំពត។

មន្រ្តីរដ្ឋបាលព្រៃឈើបានឲ្យដឹងថា កម្លាំងរដ្ឋបាលព្រៃឈើបានសហការជាមួយនឹងកម្លាំងកងរាជអា វុធហត្ថលើផ្ទៃប្រទេស បានដាក់គោលដៅពួនស្ទាក់និងតាមឃ្លាំមើលជានិច្ចនូវបទល្មើសផ្សេងៗដែលប្រុងឆ្លង ដែនខុសច្បាប់។ ជាលទ្ធផលនៅយប់ថ្ងៃទី៧ កម្លាំងសមត្ថកិច្ចបានបង្រ្កាបឈើគ្រញូង១រថយន្ត ដែលមានអ្នក បើកបរឈ្មោះឃុន ហឿន ភេទប្រុស អាយុ៣១ឆ្នាំ រស់នៅភូមិព្រៃពក ឃុំដងទង់ ស្រុកដងទង់ ខេត្តកំពត និង កម្មករម្នាក់ទៀតឈ្មោះអៀវ កេត អាយុ៤៣ឆ្នាំ រស់នៅភូមិជាមួយគ្នា។

មកដល់ពេលនេះចំនួននិងទម្ងន់ឈើពិតប្រាកដមិនទាន់ដឹងនៅឡើយទេ រង់ចាំពិនិត្យជាក្រោយ។ ចំពោះអ្នកបើកបរនិងកម្មករម្នាក់ទៀត សមត្ថកិច្ចនឹងកសាងសំណុំរឿងបញ្ជូនទៅតុលាការ៕

ប្រជាពលរដ្ឋទីទ័លក្រចំនួន២៤១គ្រួសារ នៅឃុំកំពង់ឃ្លាំង ទទួលអំណោយសង្រ្គោះពីកាកបាទក្រហមខេត្ត

2010-09-08T12:40:26Z

ខេត្តសៀមរាប ៖ កាកបាទក្រហមកម្ពុជា ខេត្តសៀមរាប បាននាំយកជំនួយសង្រ្គោះជូនប្រជាពលរដ្ឋ ទីទ័លក្រខ្វះខាតស្បៀងចំនួន២៤១គ្រួសារ មកពីភូមិចំនួន១០ ក្នុងឃុំកំពង់ឃ្លាំង ស្រុកសូទ្រនិគម ខេត្តសៀម រាប កាលពីថ្ងៃទី៤ ខែកញ្ញា ឆ្នាំ២០១០ ក្រោមអធិបតីភាពលោក ស៊ូ ភិរិន្ទ ប្រធានគណៈកម្មាធិការកាកបាទ ក្រហមកម្ពុជាខេត្តសៀមរាប និងជាអភិបាលនៃគណៈអភិបាលខេត្ត។

លោកស៊ុំ សំអន នាយកប្រតិបត្តិកាកបាទក្រហមខេត្ត បានរាយការណ៍ថា ប្រជាពលរដ្ឋខ្វះខាតក្នុងភូមិកំពង់ឃ្លាំង មានចំនួន២៤១គ្រួសារ ស្មើនឹង១.០៩៩នាក់ ក្នុងនោះមានកុមារកំព្រា១នាក់ ពិការម្នាក់ ចាស់ ជរាទីទ័លក្រគ្មានទីពឹងចំនួន២២នាក់ ស្រ្តីមេម៉ាយក្រីក្រ៦១នាក់ និងប្រជាពលរដ្ឋទីទ័លក្រចំនួន១៤៨នាក់។

អំណោយដែលទទួលបានក្នុងម្នាក់ៗមាន អង្ករ២៥គីឡូក្រាម មុង១ ភួយ១ សារុង១ និងក្រមា១៕

ដួលធុងទឹកកកសង្កត់មនុស្សស្លាប់ម្នាក់

2010-09-08T12:39:43Z

បន្ទាយមានជ័យ ៖ យុវជនកម្មករក្នុងរោងសិប្បកម្មផលិតទឹកកកម្នាក់ បានស្លាប់ភ្លាមៗ បន្ទាប់ពីធុង ដែកដែលមានដើមទឹកកកចំនួន៧ដើម ដួលសង្កត់លើកាលពីវេលាម៉ោង ៩ព្រឹក ថ្ងៃទី៧ ខែកញ្ញា ឆ្នាំ២០១០ ស្ថិតនៅក្នុងភូមិ១ សង្កាត់ព្រះពន្លា ក្រុងសិរីសោភណ្ឌ ខេត្តបន្ទាយមានជ័យ។

យុវជនម្នាក់ឈិន ប៊ុន អាយុ២០ឆ្នាំ មានទីលំនៅភូមិក្រាំង ឃុំព្រៃឡឹក ស្រុកពារាំង ខេត្តព្រៃវែង មករស់ធ្វើជាកម្មករនៅក្នុងរោងសិប្បកម្ម ផលិតទឹកកក យីហោ សេះហោះមានជ័យ ស្ថិតនៅភូមិ១ សង្កាត់ព្រះពន្លា ក្រុងសិរីសោភណ្ឌ តាមបណ្ដោយផ្លូវជាតិលេខ៦ ត្រូវបានធុងទឹកកក ដួលសង្កត់ពីលើខណៈពេលដែល យុវជននោះរង់ចាំទឹកកកដែលគេស្ទូចចេញពីកន្លែងកំណត់ ដើម្បីដកចេញពីធុងដែកលើកដាក់រថយន្ត។ ធុង ទឹកកកមានចំនួន៧ និងមានទឹកកកចំនួន៧ដើមទឹកកក ត្រូវដួលសង្កត់លើរហូតដល់ស្លាប់ភ្លាមៗ។

តាមការសន្និដ្ឋានរបស់ប៉ូលិស ដែលចុះទៅពិនិត្យទីតាំងកើតហេតុ បាននិយាយថា មូលហេតុដែលនាំ ឲ្យធុងទឹកកកដែលមានទឹកកកនៅក្នុងនោះដួលចំជនរងគ្រោះ រហូតដល់ស្លាប់ គឺបណ្ដាលមកពីខុសបច្ចេក ទេស៕

អ. ពៅ

បាញ់គំរាម២គ្រាប់ នៅមុខហាងម្លប់ឫស្សី រឿងស្នេហាស្រីឡង់សេ

2010-09-08T12:38:42Z

ភ្នំពេញ ៖ ស្នូរសម្លេងគ្រាប់កាំភ្លើង បានផ្ទុះឡើងផ្ទួនគ្នាប្រមាណ2-3 គ្រាប់ នៅចំណុចមុខហាងម្លប់ឫស្សី ដែលមានទីតាំងជាប់ផ្លូវលេខ១៩៨៦ ស្ថិតក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ កាលពីវេលាម៉ោង ប្រហែល២៣យប់ ថ្ងៃទី៧ ខែកញ្ញា ឆ្នាំ២០១០ ដែលការផ្ទុះអាវុធនោះ ត្រូវបានសមត្ថកិច្ចមូលដ្ឋានរាយការណ៍ថាបង្កឡើងដោយអង្គរក្សអ្នកធំម្នាក់ផឹកស៊ីស្រវឹង...។

មន្រ្តីប៉ូលិសមូលដ្ឋាន ខណ្ឌសែនសុខបាននិយាយថាជនបង្កមានឈ្មោះពិដោ ជាអង្គរក្សរបស់លោក ម៉ឹង ពន្លក។ នៅកន្លែងកើតហេតុ សមត្ថកិច្ចបានរកឃើញសំបកកាទូសគ្រាប់កាំភ្លើងខ្លីម៉ាក K59 ចំនួន២គ្រាប់ ជាវត្ថុតាងដែលជនល្មើសបានបង្កការបាញ់បោះដោយសេរីនៅទីនោះ។

លោកម៉ក់ ហុង អធិការប៉ូលិសខណ្ឌសែនសុខ បានមានប្រសាសន៍ថា ពិតជាមានរឿងផ្ទុះអាវុធខ្លី កើត ឡើងមែន ដែលបង្កឡើងដោយអង្គរក្សលោកធំម្នាក់ ប៉ុន្តែជនល្មើសបានគេចខ្លួនបាត់ភ្លាមៗ។ តាមប្រសាសន៍ លោកថា រឿងនេះផ្ដើមចេញពីរឿងដណ្ដើមស្រីស្នេហ៍គ្នា ហើយជនល្មើសស្រវឹងស្រាមិនសប្បាយចិត្ត ក៏ដើរ ចេញមកខាងក្រៅហាងបាញ់គំរាមឡើងលើ២គ្រាប់ រួចជិះម៉ូតូគេចខ្លួនតែម្ដង៕

ចៅចិត្ត

លើកពេលប្រកាសសាលក្រមលើសំណុំរឿងសម រង្ស៊ី ក្លែងឯកសារសាធារណៈ

2010-09-08T12:27:51Z

ភ្នំពេញ ៖ តុលាការរាជធានីភ្នំពេញ បានសម្រេចលើកពេលប្រកាសសាលក្រមលោកសម រង្ស៊ី ក្នុងសំណុំរឿងក្លែងឯកសារសាធារណៈ ដែលបានបើកសវនាការកាលពីថ្ងៃទី០៨ ខែកញ្ញា ឆ្នាំ២០១០នេះ។

សវនាការនេះមានលោកកែ សាខន ជាប្រធានអង្គជំនុំជម្រះ, លោកសុខ រឿន ជា តំណាងអយ្យការ និងលោកស្រីចាន់ ស៊ីណាត ជាចៅក្រម, លោកជា សុខហាង ជាចៅក្រម។

តំណាងមេធាវីរាជរដ្ឋាភិបាលមានលោកគី តិច បានស្នើឲ្យតុលាការផ្តន្ទាទោសលោកសម រង្ស៊ី តាមផ្លូវ ច្បាប់ និងស្នើឲ្យសងការខូចខាតព្រមទាំងការបាត់បង់ជាថវិកាចំនួន១០លានរៀល។

ចំណែកលោកជូង ជូងី មេធាវីការពារក្ដីឲ្យលោកសម រង្ស៊ី បន្ទាប់ពីដេញដោលអំពីបច្ចេកទេសរួច បាន លើកឡើងថា កូនក្ដីរបស់ខ្លួនមិនបានក្លែងលិខិតសាធារណៈទេ ដោយលោកអះអាងថា ដែលហៅថាឯកសារ សាធារណៈផ្លូវការ លុះត្រាតែចេញដោយមន្រ្តីសាធារណៈ ឬសមត្ថកិច្ចសាធារណៈ ហើយកំពុងមានតម្លៃ និង មានសុពលភាព។ ចំណែកលិខិតដែលផ្សព្វផ្សាយដោយលោកសម រង្ស៊ី មិនចាត់ទុកជាឯកសារផ្លូវការទេ ហើយតុលាការក៏មិនអាចចោទប្រកាន់ពីបទក្លែងបន្លំលិខិតសាធារណៈនោះបានដែរ។

បន្ទាប់ពីបានដេញដោលអស់ពេលយ៉ាងយូរ លោកសុខ រឿន ព្រះរាជអាជ្ញារង និងតំណាងអយ្យការ បានធ្វើការសន្និដ្ឋានថា លោកសម រង្ស៊ី ប្រធានគណបក្សសម រង្ស៊ី គឺជានីតិជន និងជាបញ្ញវន្តមានការចេះដឹង មិនមែនជាមនុស្សល្ងង់ ដូច្នេះការផ្សព្វផ្សាយឯកសារទាំងនោះ គឺមានបំណងបំភ័ន្តមតិជាតិ អន្តរជាតិឲ្យមាន ការយល់ច្រឡំ និងលើកពេលប្រកាសសាលក្រមទៅថ្ងៃក្រោយ៕

កោះកែវ

ផ្តន្ទាទោសជនជាតិបារាំងដែលចូលប្លន់ធនាគារអាស៊ី ដាក់ពន្ធនាគារ៦ឆ្នាំ

2010-09-08T10:52:48Z

ភ្នំពេញ ៖ បុរសជនជាតិបារាំងម្នាក់ ឈ្មោះចាតូ ហ្រ្វំងស្វ័រចច ភេទប្រុស អាយុ៤៨ឆ្នាំ បានបង្កើតឲ្យមានរឿងភ្ញាក់ផ្អើលមួយ កាលពីវេលាម៉ោង៨និង៣០នាទីយប់ថ្ងៃទី០៨ ខែកុម្ភៈ ឆ្នាំ២០១០ ដោយសារតែជននេះបានកាន់កាំភ្លើងខ្លីចូលទៅភ្ជង់បុគ្គលិកធនាគារអាស៊ីប្លន់យកប្រាក់បានជាង១លានរៀល តែត្រូវបុគ្គលិក ស្រីរបស់ធនាគារដណ្ដើមយកកាំភ្លើងបាន ជាហេតុធ្វើឲ្យជនល្មើសត្រូវចាប់ខ្លួន។

ជនត្រូវចោទបានសារភាពថា នៅថ្ងៃកើតហេតុខ្លួនពិតជាបានយកកាំភ្លើងខ្លីម៉ាកឡុកចូលទៅភ្ជង់បុគ្គ លិក ធនាគារអាស៊ីគំរាមប្លន់យកប្រាក់មែន ប៉ុន្តែអំពើនោះវាបានកើតឡើងដោយសារតែគាត់មានវិបត្តិក្នុងគ្រួ សារ ហើយផឹកស្រាស្រវឹងភ្លេចភ្លាំងស្មារតី ទើបហ៊ានប្រព្រឹត្តិអំពើខុសច្បាប់នោះ។

នៅព្រឹកថ្ងៃទី០៨ ខែកញ្ញា ឆ្នាំ២០១០ ដោយសម្រេចផ្តន្ទាទោសចាតូ ហ្រ្វំងស្វ័រចច ដាក់ពន្ធនាគាររយៈ ពេល៦ឆ្នាំ និងបង្គាប់ឲ្យសងប្រាក់ដល់ដើមបណ្ដឹងចំនួន២លាន ១សែន ៩ម៉ឺនរៀល ក្រោមការចោទប្រកាន់ពី បទប្លន់ និងប្រើប្រាស់អាវុធខុសច្បាប់៕

អមតៈ

ល្បួងក្មេងស្រីអាយុ១៣ឆ្នាំ រួមភេទបាន៦ដង ត្រូវឪពុកតាមចាប់ខ្លួនប្រគល់ឲ្យប៉ូលិស

2010-09-08T10:52:08Z

ភ្នំពេញ ៖ បុរសម្នាក់ត្រូវបានប៉ូលិសឃាត់ខ្លួន ក្រោយពីបានលួងលោមកូនស្រីអ្នកកំពង់សោមម្នាក់ អាយុ១៣ឆ្នាំ រួមភេទបានសម្រេច៦ដងហើយថែមទាំងល្បួងយកកូនស្រីគេមកដល់រាជធានីភ្នំពេញទៀតផង។

ជនសង្ស័យដែលប៉ូលិសឃាត់ខ្លួនឈ្មោះអ៊ឹម សុវណ្ណ ភេទប្រុស អាយុ៣១ឆ្នាំ ជនជាតិខ្មែរ បច្ចុប្បន្ន ស្នាក់នៅផ្ទះប្លុកបុរីសន្តិភាព២ សង្កាត់ចោមចៅ ខណ្ឌដង្កោ មុខរបរកម្មករសំណង់។ ចំណែកក្មេងស្រីរងគ្រោះដែលត្រូវជនល្មើសល្បួងនាំយកទៅរួមភេទបានសម្រេចជាបន្តបន្ទាប់ឈ្មោះស.រ.ត អាយុ១៣ឆ្នាំ មានទីលំនៅ បច្ចុប្បន្ននៅកំពង់សោម។

ពាក់ព័ន្ធនឹងការចាប់ខ្លួនរឿងល្បួងកូនស្រីអ្នកក្រុងកំពង់សោមរំលោភបានសម្រេចជាបន្តបន្ទាប់នេះ ឈ្មោះអ៊ឹម សុវណ្ណ ជាឪពុកក្មេងស្រី បានរៀបរាប់ឲ្យដឹងថា កាលពីអំឡុងខែមេសា ក្រោយពេលចូលឆ្នាំខ្មែររួច ខ្លួនបានទៅធ្វើការងារសំណង់នៅឯក្រុងកំពង់សោម។ ក្នុងពេលធ្វើជាកម្មករនៅក្រុងកំពង់សោម ខ្លួនបាន ស្គាល់ក្មេងស្រីរងគ្រោះដោយសារតែចេញចូលទៅផឹកកាហ្វេនៅផ្ទះនាងជាញឹកញាប់ ព្រោះឪពុកនាងជាអ្នក លក់កាហ្វេ។ ពេលស្គាល់គ្នាច្បាស់ហើយ ក៏បានសុំលេងទូរស័ព្ទនាង ហើយក៏តែងតែទំនាក់ទំនងណាត់ជួប នាងជាញឹកញាប់នៅតាមឆ្នេរសមុទ្រ ហើយក៏ឈានទៅដល់ការស្រឡាញ់គ្នា និងបានរួមភេទជាមួយគ្នានៅ លើផ្ទាំងថ្មកន្ទុយនាគចំនួន៤ដងបានសម្រេចរាល់លើក។

លោកកែវ ធា នាយការិយាល័យប្រឆាំងការជួញដូរមនុស្ស និងការពារអនីតិជនរាជធានីភ្នំពេញ បាន បញ្ជាក់ឲ្យដឹងថា ករណីរួមភេទជាមួយអនីតិជនអាយុក្រោម១៥ឆ្នាំនេះ ប៉ូលិសកំពុងកសាងសំណុំរឿងបញ្ជូន ឈ្មោះអ៊ឹម សុវណ្ណ ទៅឲ្យតុលាការចោទប្រកាន់តាមផ្លូវច្បាប់៕

អមតៈ

ខឹងសមត្ថកិច្ចចុះបង្រ្កាបកាប់ព្រួលកាប់លប លើកគ្នាមកយំតវ៉ានៅមុខខេត្ត

2010-09-08T09:06:49Z

កំពង់ឆ្នាំង ៖ ប្រជាពលរដ្ឋចំនួន២៦នាក់ ជាអ្នកប្រកបមុខរបរនេសាទត្រី បានកាន់ព្រួល លបបែកបាក់ មកយំស្រែកតវ៉ា សុំជួបចៅហ្វាយខេត្ត ដើម្បីឲ្យជួយដោះស្រាយព្រោះតែខឹងសមត្ថកិច្ចចម្រុះបង្រ្កាបកាប់ព្រួល និងលបពួកគាត់ កាលពីល្ងាចថ្ងៃទី៧ ខែកញ្ញា ឆ្នាំ២០១០។

ប្រជាពលរដ្ឋមួយក្រុម កាលពីវេលាម៉ោង៨ព្រឹក ថ្ងៃទី៨ ខែកញ្ញា ឆ្នាំ២០១០នេះ រស់នៅភូមិសំរោង សង្កាត់ផ្សារឆ្នាំង ក្រុងកំពង់ឆ្នាំងបានលើកគ្នាមកតវ៉ា នៅមុខសាលាខេត្ត ដោយសារតែអាជ្ញាធរកាប់លប ព្រួលពួកគាត់។

ស្រ្តីម្នាក់ឈ្មោះម៉ី សំអុន អាយុ៤២ឆ្នាំ និយាយថា លប និងព្រួលគាត់ត្រូវសមត្ថកិច្ចកាប់បំផ្លាញខ្ទេចខ្ទី អស់កាលពីល្ងាចថ្ងៃទី៧ ខែកញ្ញា នៅចំណុចបឹងធំខាងកើតភូមិសំរោង។ គាត់បានបន្តថា មិនគួរសមត្ថកិច្ចធ្វើ បាបអ្នកក្រីក្រដូចពួកគាត់ទេ។ ពួកគាត់គ្រាន់តែដាក់លបតូចតាចបានត្រីក្នុងមួយថ្ងៃ២ឬ៣គីឡូ គ្រាន់ទិញអង្ករ ហូបតែប៉ុណ្ណោះ។ ចំណែកលុយដែលពួកគាត់ទិញព្រួល ឬលបទាំងនោះសុទ្ធតែចងការប្រាក់ពីធនាគារអម្រឹត ចំនួន៩០ម៉ឺនរៀល ដែលគេយកការប្រាក់ក្នុង១ខែ ២៧.០០០រៀល ហើយបើសមត្ថកិច្ចកាប់បំផ្លាញអស់ដូច្នេះ តើពួកគាត់បានអ្វីចិញ្ចឹមក្រពះ និងបានលុយអីទៅសងធនាគារ?

សមត្ថកិច្ចនគរបាលបានឲ្យដឹងថា តាមការស្រាវជ្រាវ សួរនាំពីប្រជាពលរដ្ឋម្ចាស់លប ឲ្យដឹងថា ពួកគាត់មួយចំនួន ដែលរកត្រីបានបង់ប្រាក់ឲ្យជលផលមួយចំនួនហើយ ប៉ុន្តែអ្នកដាក់លបខ្លះ មិនទាន់បង់ប្រាក់ ឲ្យគេទេ ទើបគេនាំគ្នាចុះបង្រ្កាបទាំងអស់បែបនេះ។

ប្រជាពលរដ្ឋដែលបានមកតវ៉ានៅមុខសាលាខេត្តកាលពីថ្ងៃទី៨ ខែកញ្ញានេះ គេសង្កេតឃើញមាន សមត្ថកិច្ចជាច្រើនការពារសណ្ដាប់ធ្នាប់ ហើយក្រោយមកគេបានសម្រុះសម្រួលឲ្យពួកគាត់ត្រឡប់ទៅផ្ទះវិញ ដើម្បីធ្វើពាក្យបណ្ដឹងរៀងៗខ្លួន៕

ផ្ទុះបំពង់ផ្សារដែកអ៊ីណុក របួសម្នាក់និងរំជួយញ័របែកកញ្ចក់២ផ្ទះជាប់គ្នា

2010-09-08T08:08:10Z

ភ្នំពេញ ៖ មានការភ្ញាក់ផ្អើលមួយ បានកើតឡើង ខណៈពេលគេបានឮសម្លេងផ្ទុះដ៏កក្រើក នៅចំណុច ផ្ទះបើករកស៊ីផ្សារដែកអ៊ីណុកមួយកន្លែង ដោយសារតែផ្ទុះបំពង់ផ្សារអ៊ីណុកដោយមិនដឹងពីមូលហេតុ បណ្ដាលឲ្យបុរសជនជាតិវៀតណាមម្នាក់ ពេលអង្គុយលេងនៅទីនោះបានរងរបួសជាទម្ងន់។ចំណែកឯកញ្ចក់ ទ្វារ និងកញ្ចក់បង្អួច២ផ្ទះជាប់គ្នា ត្រូវញ័ររំជួយបែកខូចខាតផងដែរ។

ហេតុការណ៍នោះ បានកើតឡើង កាលពីវេលាម៉ោង១៦ និង៤៥នាទី ល្ងាចថ្ងៃទី០៧ ខែកញ្ញា ឆ្នាំ២០១០ នៅចំណុចផ្ទះបើករកស៊ីផ្សារដែកអ៊ីណុក ដែលមានទីតាំងលេខ2BE0 ផ្លូវលេខ៦១ ក្នុងសង្កាត់វត្តភ្នំ ខណ្ឌដូនពេញ ដែលមានម្ចាស់អាជីវកម្មឈ្មោះសុខ ហេង ភេទប្រុស អាយុ៣១ឆ្នាំ ជនជាតិវៀតណាម ស្នាក់ នៅផ្ទះលេខ98E0 ផ្លូវលេខ១០៨ សង្កាត់វត្តភ្នំ ខណ្ឌដូនពេញ។

ជនរងគ្រោះមានឈ្មោះហ្វាង តឹង ភេទប្រុស អាយុ៤៥ឆ្នាំ មុខរបររត់ម៉ូតូឌុប ជាជនជាតិវៀតណាម ស្នាក់នៅផ្ទះលេខ41E4 ផ្លូវលេខ១២៨ សង្កាត់ផ្សារថ្មីទី៣ ខណ្ឌដូនពេញ ត្រូវរបួសត្រង់ចិញ្ចើមខាងឆ្វេង បញ្ជូនទៅព្យាបាលនៅមន្ទីរពេទ្យព្រះកេតុមាលា។

ប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ ជនរងគ្រោះឈ្មោះហ្វាង តឹង បានមកអង្គុយនិយាយគ្នាលេង ជាមួយមិត្តភក្តិ២នាក់ទៀត នៅផ្ទះកើតហេតុ ខណៈនោះមិនដឹងជាយ៉ាងម៉េច ស្រាប់តែបំពង់ញាត់ថ្មស្អុយ សម្រាប់ផ្សារដែកអ៊ីណុកដែលគេទុកសម្រាប់ផ្សារ បានផ្ទុះឡើងលាន់សូរដូចគ្រាប់បែក បណ្ដាលឲ្យកញ្ចក់ទ្វារផ្ទះកើតហេតុ រួមទាំងសម្ភារៈផ្សេងទៀត បានរងការខូចខាត និងអំបែងកញ្ចក់ បានខ្ទាតមុតត្រូវជនរងគ្រោះហូរឈាមស្រោចខ្លួន។

ពាក់ព័ន្ធក្នុងហេតុការណ៍នេះ ប្រជាពលរដ្ឋក្បែរខាងខ្លះបាននិយាយថា ការផ្ទុះនោះអាចមកពីជាងប្រើ បំពង់ផ្សារនោះរួចធ្វេសប្រហែស ដោយមិនបានមួលបិទក្បាលរូមីណេ បញ្ចេញហ្គាសឲ្យបានជិត ទើបធ្លាយ ចេញហ្គាសបង្កជាការផ្ទុះបំពងសម្លេងបែបនេះ៕

គេហទំព័រ កម្ពុជាថ្មី

អ្នក​នយោបាយ​ថៃ​ត្រូវ​បញ្ឈប់​ល្បែង​បំពុល​បរិយាកាស

មន្រ្តី​រដ្ឋបាល​ព្រៃឈើ​ឈូង​សមុទ្រ​ដឹក​នាំ​កម្លាំង​បង្រ្កាប​បាន​ឈើ​មួយ​រថយន្ត​កែច្នៃ

ដួល​ធុង​ទឹក​កក​សង្កត់​មនុស្ស​ស្លាប់​ម្នាក់

បាញ់​គំរាម​២​គ្រាប់ នៅ​មុខ​ហាង​ម្លប់​ឫស្សី រឿង​ស្នេហា​ស្រី​ឡង់សេ

លើក​ពេល​ប្រកាស​សាល​ក្រម​លើ​សំណុំ​រឿង​សម រង្ស៊ី ក្លែង​ឯកសារ​សាធារណៈ

ផ្តន្ទាទោស​ជន​ជាតិ​បារាំង​ដែល​ចូល​ប្លន់​ធនាគារ​អាស៊ី ដាក់​ពន្ធនាគារ​៦​ឆ្នាំ

ល្បួង​ក្មេង​ស្រី​អាយុ​១៣​ឆ្នាំ រួម​ភេទ​បាន​៦​ដង ត្រូវ​ឪពុក​តាម​ចាប់​ខ្លួន​ប្រគល់​ឲ្យ​ប៉ូលិស

ខឹង​សមត្ថកិច្ច​ចុះ​បង្រ្កាប​កាប់​ព្រួល​កាប់​លប លើក​គ្នា​មក​យំ​តវ៉ា​នៅ​មុខ​ខេត្ត

ផ្ទុះ​បំពង់​ផ្សារ​ដែក​អ៊ីណុក របួស​ម្នាក់​និង​រំជួយ​ញ័រ​បែក​កញ្ចក់​២​ផ្ទះ​ជាប់​គ្នា