អគ្គលេខាធិការUN ព្យាយាមធ្វើឲ្យរស់ឡើងវិញ នូងការចរចាស្ដីពីការដកហូតអាវុធ

សុក្រ, 23 កក្កដា 2010 16:00

មន្រ្តីរបស់អង្គការសហប្រជាជាតិ(UN) បាននិយាយកាលពីថ្ងៃព្រហស្បតិ៍ថា អគ្គលេខាធិការ UN លោកបានគីមូន នឹងអញ្ជើញរដ្ឋមន្រ្តីទាំងឡាយមកពីប្រទេសជាសមាជិករបស់UN ចំនួន១៩២ ប្រទេសដើម្បីមកចូលរួមប្រជុំនៅក្នុងខែកញ្ញា ដើម្បីធ្វើឲ្យមានជីវិតឡើងវិញនូវការចរចាស្ដីពីការដក ហូតអាវុធរបស់UN ដែលត្រូវបានទាល់ច្រកអស់រយៈពេលជាង២០ឆ្នាំមកហើយនោះ។

លោកអគ្គលេខាធិការ UN មានការខកចិត្ត ដោយសារពុំមានសកម្មភាព របស់សន្និសីទ ស្ដីពី ការដកហូតអាវុធនេះ ដែលត្រូវបានគេសន្មតថា ជាអង្គការចរចាដកហូតអាវុធដ៏សំខាន់របស់UN នោះ។ សន្និសីទនេះត្រូវបានទាល់ច្រក ចាប់តាំងពីខ្លួនបានសរសេរសន្ធិសញ្ញាស្ដីពីការហាមឃាត់ ការសាកល្បងនុយក្លេអ៊ែរ នៅក្នុងឆ្នាំ១៩៩៦ ដែលតម្រូវឲ្យមានការយល់ព្រមពីប្រទេសជាសមាជិក ទាំង៦៥ប្រទេស។

ដោយមានបណ្ដារដ្ឋមន្រ្តីជាច្រើន មានក្ដីសង្ឃឹមនៅក្នុងសម័យមហាសន្និបាត របស់មន្រ្តីជាន់ ខ្ពស់នៅក្នុងឆ្នាំនេះ លោកបានបានសម្រេចដើម្បីបើកកិច្ចប្រជុំមួយ នៅខាងក្រៅសង្វៀននៃមហាសន្និបាតនេះនៅថ្ងៃទី២៤ ខែកញ្ញា ដើម្បីពិភាក្សាអំពីមធ្យោបាយទាំងឡាយ ដើម្បីបំបែកភាពទាល់ ច្រកស្ដីពីការដកហូតអាវុធនេះ។ មន្រ្តីរបស់UN និងពួកអ្នកការទូតលោកខាងលិច បាននិយាយដូច្នេះ នៅក្នុងលក្ខខ័ណ្ឌមិនបញ្ចេញឈ្មោះ ព្រោះមិនមានសេចក្ដីប្រកាសជាសាធារណៈត្រូវបានធ្វើឡើង។

លោកអង្គលេខាធិការUN បានមានប្រសាសន៍នៅក្នុងសន្ទរកថា បើកសន្និសីទពិនិត្យមើល ឡើងវិញ សន្ធិសញ្ញាស្ដីពីការហាមសាយភាយនុយក្លេអ៊ែរ នៅក្នុងខែឧសភាថាលោកចង់ឲ្យសន្និសីទ ស្ដីពីការដកហូតអាវុធ ចាប់ផ្ដើមធ្វើការចរចាភ្លាមៗ ស្ដីពីសន្ធិសញ្ញាហាមការផលិតសម្ភារៈបរមាណូ ដែលមានជាតិអ៊ុយរ៉ាញូម ចម្រាញ់កំរិតខ្ពស់និងជាតិព្លុយតូនីញ៉ូម សម្រាប់ផលិតអាវុធនុយក្លេអ៊ែរ។

លោកបានថ្លែងថា វាប្រហែលជាត្រូវការនូវសម្ទុះដ៏ខ្លាំងមួយពីថ្នាក់អ្នកនយោបាយ ដែលមាន ឋានៈខ្ពស់ជាង និងបានផ្ដល់នូវយោបល់អំពីលទ្ធភាពនៃកិច្ចប្រជុំថ្នាក់រដ្ឋមន្រ្តី នៅខាងក្រៅសៃង្វៀន នៃមហាសន្និបាតរបស់អង្គការសហប្រជាជាតិ នៅក្នុងខែកញ្ញា។ នៅក្នុងឯកសារបញ្ចប់របស់ខ្លួន នៅ ថ្ងៃទី២៩ ខែឧសភា ប្រទេសចំនួន១៨៩ ដែលស្ថិតនៅក្នុងសន្ធិសញ្ញា NPT បានអំពាវនាវឲ្យបើកធ្វើ សន្និសីទមួយស្ដីពីការដកហូតអាវុធចាប់ផ្ដើមធ្វើការងារស្ដីអំពីសិទ្ធិសញ្ញាកាត់បន្ថយសម្ភារៈបរមាណូ និងស្ដីអំពីការសម្រុះសម្រួលអន្តរជាតិដ៏មានប្រសិទ្ធភាព ដើម្បីធានាដល់បណ្ដារដ្ឋដែលគ្មានអាវុធ នុយក្លេអ៊ែរថា អាវុធនុយក្លេអ៊ែរនឹងមិនត្រូវបានប្រើប្រាស់ប្រឆាំងនឹងពួកគេនោះឡើយ៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៧ ខែកញ្ញា ឆ្នាំ២០១០ មានចំនួន៩លើក ស្លាប់២នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៧ ខែកញ្ញា កើតឡើងចំនួន៩លើក បណ្ដាលឲ្យមនុស្សស្លាប់ ២នាក់(ប្រុស) រងរបួសធ្ងន់១០នាក់(ប្រុស៩) របួសស្រាល៤នាក់(ប្រុស)។ គ្រោះថ្នាក់ចរាចរសម្រាប់ថ្ងៃទី៧ ខែកញ្ញានេះ បើប្រៀបធៀបថ្ងៃទី៦ ខែកញ្ញាកន្លងទៅឃើញថា មានសភាពថយចុះ៣លើកនិងអ្នកស្លាប់មានការថយចុះ៤នាក់៕