អូបាម៉ា ស្វែងរកការត្រួតត្រាការខូចខាតពីការធ្លាយការសម្ងាត់នៃសង្រ្គាមនៅអាហ្វហ្គានីស្ថាន

ពុធ, 28 កក្កដា 2010 15:40

ប្រធានាធិបតីអាមេរិក លោកបារ៉ាក់ អូបាម៉ា កាលពីថ្ងៃអង្គារ បានស្វែងរកដើម្បីកំរិតការខូច ខាត ពីការលេចធ្លាយឯកសារសម្ងាត់ ដ៏ធំសម្បើម ស្ដីអំពីសង្រ្គាមនៅប្រទេសអាហ្វហ្គានីស្ថាន ដោយបានថ្លែងថា លោកមានការព្រួយបារម្ភអំពីការបញ្ចេញឲ្យដឹងនូវឯកសារសម្ងាត់នេះ ប៉ុន្តែថា ឯកសារខ្លះគេមិនទាន់ដឹងនៅឡើយទេ។

ដោយការពារយុទ្ធសាស្រ្តរបស់លោក ចំពោះសង្រ្គាមដ៏អប្រជាប្រិយនេះ លោកអូបាម៉ា បាន ថ្លែងថា ការលេចធ្លាយនូវឯកសារសម្ងាត់ នៅក្នុងរបាយការណ៍៩១.០០០ទំព័រនេះ ត្រូវការឲ្យមាន ការដោះស្រាយ ហើយលោកបានអំពាវនាវដល់សមាជិកសភាឲ្យអនុម័តថវិកាចំនួន ៣៧ពាន់លាន ដុល្លារសម្រាប់ផ្ដល់ឲ្យមូលនិធិនៅក្នុងការធ្វើសង្រ្គាមនេះ។

សភាបានតម្រូវតាមសំណើនៅពេលក្រោយមកនៅក្នុងថ្ងៃនេះខណៈដែលសភាតំណាងរាស្រ្ត បានប្រកាន់យកនូវសកម្មភាព នៅទីបញ្ចប់ដើម្បីអនុម័តថវិកានេះ គឺ៣៣ពាន់លានដុល្លារសម្រាប់ កងទ័ព និង៤ពាន់លានដុល្លារ សម្រាប់បំរើឲ្យផ្នែកស៊ីវិល ដែលសំណើនេះមានរយៈពេលរាប់ខែ បន្ទាប់ពីលោកប្រធានាធិបតី បានស្នើសុំនោះ។

លោកអូបាម៉ា បានថ្លែងប្រាប់ក្រុមអ្នករាយការណ៍ ព័ត៌មាននៅក្នុងការធ្វើអធិប្បាយ ជាសាធា រណៈលើកដំបូងរបស់លោកស្រីអំពីបញ្ហានេះថា«នៅក្នុងឯកសារទាំងនេះ មិនបានបញ្ចេញឲ្យដឹង អំពីបញ្ហាណាមួយដែលមិនបានជម្រាបជូនដល់សាធារណជនរបស់យើង ស្ដីអំពីសង្រ្គាមនៅក្នុង ប្រទេសអាហ្វហ្គានីស្ថាននេះទេ»។

រដ្ឋការរបស់លោកអូបាម៉ា បានវារប្រវេសប្រវាស ក្នុងការឆ្លើយតបចំពោះការលេចធ្លាយ នូវ ឯកសារខាងយោធានេះ ដែលបានលាបនូវរូបភាពមិនល្អមួយ នៅក្នុងសង្រ្គាម ដែលដឹកនាំដោយ អាមេរិកនិងបានធ្វើឲ្យរត់ឡើងវិញ នូវការសង្ស័យចំពោះសម្ពន្ធមិត្តប៉ាគីស្ថានដ៏សំខាន់នេះ។

ការចេញផ្សាយនូវឯកសារនេះ ត្រូវបានគេរំពឹងថា នឹងបញ្ឆេះនូវភាពមិនប្រាកដប្រជា នៅក្នុង សភានៅក្នុងពេលដ៏សំខាន់ ដែលលោកអូបាម៉ា បានបញ្ជូនទាហាន ៣០.០០០នាក់ថែមទៀត ទៅ ប្រយុទ្ធដើម្បីបំបែកពួកបះបោរតាលីបង់។

ឯកសារនេះ ត្រូវបានផ្សព្វផ្សាយជាសាធារណៈ ហើយវេបសាយរបស់ក្រុម Wikileaks ដោយ បានចោទប្រកាន់ថា កងទ័ពអាមេរិកបានស្វែងរកដើម្បីលាក់បិទបាំង ការស្លាប់របស់ប្រជាជនស៊ីវិល ក៏ដូចជាការខ្វល់ខ្វាយរបស់អាមេរិកថាប្រទេសប៉ាគីស្ថាន បានជួយជាសម្ងាត់ដល់ពួកអ្នកសកម្មប្រ យុទ្ធតាលីបង់ សូម្បីតែប៉ាគីស្ថានបានទទួលជំនួយរាប់ពាន់លានដុល្លារ ពីអាមេរិកក៏ដោយចុះ។

ឯកសារទាំងនេះ គឺជាការប្រមូលផ្ដុំពីភ្នាក់ងារស៊ើបការណ៍សម្ងាត់ និងរបាយការណ៍គម្រាម ចាប់តាំងពីមុនលោកអូបាម៉ា បញ្ជាឲ្យបង្កើនទាហាននៅក្នុងខែធ្នូ ដោយបានបង្ហាញនូវការវាយតម្លៃ ដ៏ងងឹតអាប់អួររបស់មន្ទីរប៉ង់តាហ្គោនស្ដីអំពីសង្រ្គាមនៅអាហ្វហ្គានីស្ថាននៅក្នុងចំណោមបញ្ហាសន្តិភាពដែលចេះតែយ៉ាប់យ៉ឺនទៅៗ និងការកញ្ជ្រោលឡើងរបស់ពួកតាលីបង់នោះ៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៧ ខែកញ្ញា ឆ្នាំ២០១០ មានចំនួន៩លើក ស្លាប់២នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៧ ខែកញ្ញា កើតឡើងចំនួន៩លើក បណ្ដាលឲ្យមនុស្សស្លាប់ ២នាក់(ប្រុស) រងរបួសធ្ងន់១០នាក់(ប្រុស៩) របួសស្រាល៤នាក់(ប្រុស)។ គ្រោះថ្នាក់ចរាចរសម្រាប់ថ្ងៃទី៧ ខែកញ្ញានេះ បើប្រៀបធៀបថ្ងៃទី៦ ខែកញ្ញាកន្លងទៅឃើញថា មានសភាពថយចុះ៣លើកនិងអ្នកស្លាប់មានការថយចុះ៤នាក់៕