ថៃគំរាមដកខ្លួនចេញពីភាគីបោះឆ្នោតប្រាសាទព្រះវិហារជាមរតកពិភពលោក

ពុធ, 28 កក្កដា 2010 19:28

តាមប្រភពព័ត៌មានរបស់ថៃបានឲ្យដឹងថា កិច្ចប្រជុំគណៈកម្មការមរតកពិភពលោក នៅប្រទេសប្រេស៊ីល ដើម្បីពិចារណាមើលពីផែនការរៀបចំផ្ទៃប្រាសាទព្រះវិហាររបស់កម្ពុជា ជាមរតក ពិភពលោកនោះ ថៃបានសំដែងជំហរទាមទារនិងប្រឆាំងរឿងនេះជាផ្លូវការរួចទៅហើយ។

ប្រភពបានបញ្ជាក់ថា គណៈកម្មការតំណាងពីរដ្ឋាភិបាលថៃ ដែលមានរដ្ឋមន្រ្តីក្រសួងធនធាន ធម្មជាតិ និងបរិស្ថានបានបដិសេធមិនទទួលយកគណៈកម្មការរួម៧ប្រទេស ដែលបង្កើតឡើងដើម្បី ធ្វើការអភិវឌ្ឍតំបន់ត្រួតគ្នា ហើយថៃក៏នឹងមិនចូលរួមប្រជុំគណៈកម្មការរួមខាងលើនេះផងដែរ។

ប្រភពព័ត៌មានថៃបន្តទៀតថា ប្រសិនបើគណៈកម្មការពិចារណាសម្រេចមតិករណីចុះប្រាសាទព្រះវិហារជាមរតកពិភពលោកមិនថា ជាផ្លូវការឬកំបាំងមុខថៃនឹងដកខ្លួនចេញពីភាគីសមាជិក Walk Out ពីកិច្ចប្រជុំភ្លាមៗ៕