ស៊ូថេប សង្ស័យអ្នកគប់លាមកមនុស្សចូលផ្ទះអាប់ហ៊ីស៊ីត ជាប់ទាក់ទងក្រុមអាវក្រហម

ស៊ូថេប សង្ស័យអ្នកគប់លាមកមនុស្សចូលផ្ទះអាប់ហ៊ីស៊ីត ជាប់ទាក់ទងក្រុមអាវក្រហម

អង្គារ, 02 កុម្ភៈ 2010 19:29

លោកឧបនាយករដ្ឋមន្ត្រីស៊ូថេប បាននិយាយនៅក្នុងទីភ្នាក់ងារព័ត៌មាន TNA ថាកញ្ចប់លាមកចំនួន៤កញ្ចប់ ដែលគប់ចូលផ្ទះនាយករដ្ឋមន្ត្រីអាប់ហ៊ីស៊ីត អាចជាប់ ទាក់ទងជាមួយក្រុមអាវ ក្រហម។

លោកស៊ូថេបនិយាយកាលពីថ្ងៃច័ន្ទថា កញ្ចប់លាមកមនុស្សនិងកញ្ចប់លាមក ត្រីត្រូវបានគេ ចោលទៅលើផ្ទះលោកអាប់ហ៊ីស៊ីត បានធ្លាក់ចូលក្នុងបរិវេណផ្ទះ និងទើរលើដំបូល។ ក្រុមប៉ូលិសកំពុងធ្វើការស៊ើបអង្កេត អ្នកដែលប្រព្រឹត្តផ្ទាល់នោះហើយ។ លោកស៊ូថេប និយាយថា ការសង្ស័យ ភ្ជាប់នឹងក្រុមអាវក្រហមអំពីការចោលលាមកនេះ ដោយសារតែមុនថ្ងៃកើតហេតុក្រុមអាវក្រហមបាន ដង្ហែក្បួនក្បែរៗនេះរួចហើយព្រមានពាក្យពេចន៍អសុរស និងប្រមាថមកលើ នាយករដ្ឋមន្ត្រីអាប់ហ៊ីស៊ីត។ នៅពេលដែលក្រុមអ្នកកាសែតសួរថា តើមានអត្តសញ្ញាណច្បាស់លាស់ទេ ដែលចាត់ទុកថាក្រុមអាវក្រហមនៅពីក្រោយការ គប់លាមកនេះ? លោកស៊ូថេបបានឆ្លើយថា មិនទាន់ជាក់លាក់ទេ ដែលចាត់ទុកថាក្រុមអាវក្រហមនៅពីក្រោយការគប់លាមកនេះ? លោកស៊ូថេប បានឆ្លើយថា មិនទាន់ជាក់លាក់ដែលអាចនិយាយប្រាប់ក្រុមអ្នកកាសែតឲ្យច្បាស់ទេ ព្រោះហេតុការណ៍នេះស្ថិតនៅ ក្នុងការស៊ើបអង្កេតនៅឡើយ៕