ឧត្ដមសេនីយ៍យោធាថៃប្រកាសបង្កើតកងទ័ពប្រជាជន

សុក្រ, 05 កុម្ភៈ 2010 14:23

កាសែតក្នុងស្រុកថៃចេញផ្សាយថ្ងៃទី០៤ ខែកុម្ភៈ ឆ្នាំ២០១០ឲ្យដឹងថា ឧត្ដមសេនីយ៍ឯក ផាត់ លប់ ពិនមុនី ព្រមជាមួយនឹងឧត្តមសេនីយ៍ត្រីខាត់ទីយ៉ាក់ បានវិល ត្រឡប់មកដល់ប្រទេសថៃវិញ ហើយកាលពីព្រឹកម្សិល បន្ទាប់ពីបានទៅឌូបៃ ដើម្បីជួបលោកថាក់ស៊ីន។ លោកឧត្ដមសេនីយ៍ផាត់ លប់ បានប្រកាសប្រាប់ពីការតែងតាំងលោកឆាវលីត យុងឆៃយុទ្ធ ប្រធានគណបក្សភឿថៃ ជាមេ បញ្ជាការដឹកនាំកងទ័ពប្រជាជនក្រុមអាវក្រហម។

កាលពីវេលាម៉ោង១២និង៣០នាទី ថ្ងៃទី០៤ ខែកុម្ភៈនេះ លោកថាក់ស៊ីន បានចុះផ្សាយនៅ ក្នុងវេបសាយពីករណីដែលមានការបង្កើតកងទ័ពប្រជាជន ដោយក្រុមអាវក្រហមព្រមទាំងការតែង តាំងលោកឆាវវ៉ាលីត ប្រធានគណបក្សភឿថៃ ជាមេបញ្ជាការជាន់ខ្ពស់របស់កងទ័ពប្រជាជនថា សូម កុំឲ្យតក់ស្លុតទៅនឹងព័ត៌មាននេះ ព្រោះពុំមានអ្វីធ្ងន់ធ្ងរទេ។ ខ្ញុំសុំប្រាប់អ្នកទាំងអស់គ្នាថា យើងត្រូវការតស៊ូ ដើម្បីភាពបរិសុទ្ធដោយសន្តិវិធី។ ការនិយាយរបស់ឧត្ដមសេនីយ៍ខាត់ទីយ៉ាក់ គឺជាការក្រើន រំលឹករដ្ឋាភិបាលមិនឲ្យធ្វើការបង្ក្រាបទៅលើប្រជាជនតែប៉ុណ្ណោះ៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៤ ខែកញ្ញា ឆ្នាំ២០១០ មានចំនួន១០លើក ស្លាប់៤នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៤ ខែកញ្ញា កើតឡើងចំនួន១០លើក បណ្ដាលឲ្យមនុស្សស្លាប់ ៤នាក់(ប្រុស) រងរបួសធ្ងន់៩នាក់(ប្រុស៧) របួសស្រាល៣នាក់(ប្រុស១)។ គ្រោះថ្នាក់ចរាចរសម្រាប់ថ្ងៃទី៤ ខែកញ្ញានេះ បើប្រៀបធៀបថ្ងៃទី៣ ខែកញ្ញាកន្លងទៅឃើញថា មានសភាពកើនឡើង២លើកនិងអ្នកស្លាប់មានការកើនឡើងម្នាក់៕