អ៊ីស្រាអែល អះអាងឡើងវិញអំពីការសន្យា ដើម្បីសន្តិភាពជាមួយប្រទេសស៊ីរី

សុក្រ, 05 កុម្ភៈ 2010 15:37

នាយករដ្ឋមន្ត្រីអ៊ីស្រាអែល លោកបែនចាមីន ណេតានីយ៉ាហ៊ូ និងរដ្ឋមន្ត្រីក្រសួងការបរទេស លោកអាវីតដ័រ ឡាយប៊ើម៉ែន កាលពីថ្ងៃព្រហស្បតិ៍ បាននិយាយថា អ៊ីស្រាអែលស្វែងរកសន្តិភាព ជាមួយប្រទេសស៊ីរី ប៉ុន្តែនឹងបញ្ចេញប្រតិកម្មតបប្រឆាំងនឹង ការគម្រាមកំហែងណាមួយ ខណៈដែល សត្រូវនៅមជ្ឈឹមបូព៌ាទាំងពីរនេះ បានចាប់ផ្ដើមនៅក្នុងការឆ្លើយឆ្លងដាក់គ្នាកាន់តែខ្លាំងឡើងនោះ។

នៅក្នុងសេចក្ដីថ្លែងការណ៍រួមមួយ ដែលត្រូវបានរៀបរាប់យ៉ាងទូលំទូលាយ ដោយប្រព័ន្ធផ្សព្វ ផ្សាយ នៅក្នុងស្រុកនោះ លោកណេតានីយ៉ាហ៊ូ និងលោកឡាយ ប៊ើម៉ែន បាននិយាយថា ប្រទេស របស់ពួកគេចង់បានសន្តិភាពយ៉ាងខ្លាំង និងកំពុងតែមានបំណងដើម្បីធ្វើការចរចា ដោយគ្មានលក្ខ ខ័ណ្ឌ ជាមួយប្រទេសជិតខាងនៅខាងជើងប្រទេសរបស់ខ្លួន។ នេះជាការរៀបរាប់ឲ្យ ដឹងនៅក្នុង សេចក្ដីថ្លែងការណ៍មួយ។

សេចក្ដីថ្លែងការណ៍នោះ បានបន្តថា «ទោះជាយ៉ាងណាក៏ដោយ ក៏អ៊ីស្រាអែល នឹងបន្តការ ឆ្លើយតបដ៏ខ្លាំងក្លា និងដ៏ម៉ឺងម៉ាត់ ចំពោះការគម្រាមកំហែងដ៏មានសក្ដានុពលណាមួយនោះ»។ ជាមួយនិងការគម្រាមកំហែងមួយ កាលពីព្រឹកថ្ងៃព្រហស្បតិ៍ លោកឡាយ ប៊ើម៉ែន បានព្រមានប្រធា នាធិបតី ស៊ីរី លោក បាសា អាល់អាសាត កុំឲ្យបង្ករឿងជាមួយអ៊ីស្រាអែល។ លោកឡាយ ប៊ើម៉ែន បាននិយាយនៅក្នុងអំឡុងធ្វើសន្ទរកថា នៅសាកលវិទ្យាល័យដ៏ល្បីឈ្មោះរបស់អ៊ី ស្រាអែល Bar-llan ថា«ប្រសិនបើអ្នកប្រកាសសង្រ្គាមមកលើប្រទេសអ៊ីស្រាអែល អ្នកនិងគ្រួសារអ្នកនឹងបាត់បង់រជ្ជកាល របស់ខ្លួន»។

បន្ទាប់ពីអ្នកការទូតជាន់ខ្ពស់របស់ខ្លួនបានថ្លែងដូច្នេះមក លោកណេតាន់យ៉ាហ៊ូ បានស្នើឲ្យ រដ្ឋមន្ត្រីរបស់លោកទាំងអស់ ចៀសវាងការធ្វើការកត់សម្គាល់ អំពីប្រទេសស៊ីរី នៅក្នុងគោលបំណង មួយដើម្បីឲ្យការពារនូវការអធិប្បាយមិនសមរម្យណាមួយ និងការជះឥទ្ធិពលអវិជ្ជមានរបស់ពួកគេ។

ការគម្រាមរបស់លោកឡាយ ប៊ើម៉ែន បានកើតមានឡើងបន្ទាប់ពីប្រធានាធិបតី ស៊ីរី កាលពីថ្ងៃពុធ បានចោទប្រកាន់អ៊ីស្រាអែលថា បានសាបព្រោះគ្រាប់ពូជនៃសង្គ្រាម។ គេបានរាយការណ៍ថា លោកអាស្រាត បានថ្លែងថា អ៊ីស្រាអែលមិនបានឯកភាពប្រាកដប្រជាអំពីការសម្រេចបាននូវសាក្ខី ភាពនោះទេ ចាប់តាំងពីហេតុការណ៍ទាំងឡាយបានបង្ហាញថា អ៊ីស្រាអែលកំពុងតែជម្រុញតំបន់នេះ ឆ្ពោះទៅរកសង្រ្គាមជាជាងសន្តិភាពនោះ។

ការប្រយុទ្ធគ្នាខាងពាក្យសំដីចុងក្រោយបំផុត បានចាប់ផ្ដើមនៅពេលដែល រដ្ឋមន្ត្រីក្រសួងការ ពារប្រទេសអ៊ីស្រាអែល លោកអេហ៊ូតបារ៉ាក់ បាននិយាយប្រាប់នាយទាហានជាន់ខ្ពស់ កាលពីថ្ងៃ ច័ន្ទថា នៅក្នុងពេលអវត្តមាន នៃការសម្រុះសម្រួលជាមួយស៊ីរីនោះ យើងអាចចូលទៅក្នុងការប៉ះទង្គិចនៃការរករឿង ប្រទូសរាយនេះ ដែលអាចទៅដល់ចំណុចនៃសង្រ្គាមនៅក្នុងតំបន់។

ជាការឆ្លើយតប ចំពោះការព្រមានរបស់លោកបារ៉ាក់នេះ រដ្ឋមន្ត្រីក្រសួងការបរទេសស៊ីរី លោកវ៉ាលីត អាល់មលឡឹម បាននិយាយថា អ៊ីស្រាអែលមិនត្រូវសាកល្បងជាមួយការប្ដេជ្ញារបស់ ស៊ីរីនោះទេ អ៊ីស្រាអែលដឹងថាសង្រ្គាមនឹងធ្វើចលនាឆ្ពោះទៅរកទីក្រុងវិងឡាយ របស់អ៊ីស្រាអែល៕