ប្រធានាធិបតី អាហ្វ ហ្គានីស្ថាន ទាមទារឲ្យមានការឯករាជ្យខាងតុលាការ

ច័ន្ទ, 08 កុម្ភៈ 2010 15:30

ប្រធានាធិបតី អាហ្វ ហ្គានីស្ថាន ហាមីត កាហ្សៃ បានមានប្រសាសន៍ កាលពីថ្ងៃច័ន្ទថា ប្រ ទេសរបស់លោក ចង់បានមកវិញនូវឯករាជ្យទាំងស្រុងខាងតុលាការ ឲ្យបានឆាប់តាមដែលអាចធ្វើ ទៅបាន។ ដើម្បីកាត់បន្ថយការខូចខាតជីវិតរបស់ប្រជាជនស៊ីវិល ទាំងស្រុងនោះ កងកម្លាំងយោធា អន្តរជាតិ ត្រូវការបញ្ឈប់ប្រតិបត្តិការទាំងឡាយនៅក្នុងភូមិនានា របស់ប្រទេសអាហ្វ ហ្គានីស្ថាន។

លោកកាហ្សៃ បានថ្លែងដូច្នេះ នៅឯសន្និសីទ ស្ដីពីបញ្ហាសន្តិភាព នៅទីក្រុងមុយនិច ដោយ បានបន្ថែមថា «យើងជឿថាសង្រ្គាមប្រឆាំងភេរវជនមិនមែននៅក្នុងភូមិទាំងឡាយរបស់អាហ្វ ហ្គានី ស្ថាន និងនៅក្នុងផ្ទះរបស់ពួកគេនោះទេ»។

លោកកាហ្សៃបានបន្តថា«បញ្ចប់ប្រតិបត្តិការយោធានៅក្នុងភូមិទាំងឡាយរបស់ប្រទេសអាហ្វ ហ្គានីស្ថាននោះ គឺជាអ្វីដែលប្រជាជនអាហ្វ ហ្គានីស្ថាន បាននិងកំពុងតែស្វែងរកធ្វើជាអាទិភាពនោះ។ នេះមានន័យថា ប្រទេសអាហ្វ ហ្គានីស្ថាន ទទួលបានមកវិញនូវឯករាជ្យទាំងស្រុងខាងផ្លូវ ច្បាប់ និងនៅក្នុងពេលឆាប់នេះ»។ លោកកាហ្សៃ បានបន្ថែមថា «ប្រទេសអាហ្វ ហ្គានីស្ថាន ត្រូវតែ មានលទ្ធភាព (ក្នុងឋានៈជារដ្ឋាភិបាល មានអធិបតេយ្យចំពោះយុត្តិធម៌របស់ប្រជាជនខ្លួន) ដើម្បី ពន្យល់អំពីមូលហេតុអ្វី ដែលប្រជាជនត្រូវបានគេចាប់ខ្លួននោះ។ ប្រជាជនដែលត្រូវបានគេចាប់ខ្លួន នេះ មិនត្រូវបានចាប់ខ្លួនដោយកងទ័ពអន្តរជាតិនោះឡើយ។ ជនសង្ស័យត្រូវតែបានចាប់ខ្លួន ដោយ កងទ័ពអាហ្វ ហ្គានីស្ថាន តាមរយៈប្រព័ន្ធតុលាការអាហ្វ ហ្គានីស្ថាន និងតាមរយៈច្បាប់របស់ប្រទេស អាហ្វ ហ្គានីស្ថាន»។

លោកកាហ្សៃ ដែលបានស្នើឲ្យសហគមន៍អន្តរជាតិដើរតួនាទីជាអ្នកគាំទ្រ ជាជាងអ្នកប្រឆាំង ចំពោះរដ្ឋាភិបាលអាហ្វ ហ្គានីស្ថាន និងដកយកចេញនូវសកម្មភាពស្របគ្នាណាមួយ ចំពោះប្រជាជនអាហ្វ ហ្គានីស្ថាន។

លោកកាហ្សៃ បន្តទៀតថា«សកម្មភាពណាមួយ ដែលត្រូវបានអនុវត្តន៍នៅក្នុងមុខងាររបស់ រដ្ឋាភិបាល ដោយមិត្តភក្ដិអន្តរជាតិនោះ គឺជាការធ្វើស្របគ្នាចំពោះរដ្ឋាភិបាលរបស់យើង និងកំពុង តែកាត់បន្ថយនូវសមត្ថភាពរបស់ប្រជាជនអាហ្វ ហ្គានីស្ថាន»។

សន្និសីទ សន្តិសុខនៅទីក្រុងមុយនិច (MSC) លើកទី៤៦ បានចូលដល់ថ្ងៃទី៣ និងជាថ្ងៃចុង ក្រោយនៅថ្ងៃអាទិត្យ។ មន្ត្រីថ្នាក់ខ្ពស់ប្រហែល ៣០០នាក់ បានពិភាក្សាគ្នាចាប់តាំងពីប្រធានបទ ដ៏ តឹងតែងរួមទាំងធនធានសន្តិសុខ និងការប្ដូរអំណាចរបស់ពិភពលោក អនាគតអឺរ៉ុប និងសន្តិភាព ពិភពលោក ការត្រួតត្រាអាវុធ និង NPT (សន្ធិសញ្ញាសាយភាយនុយក្លេអ៊ែរ) យុទ្ធសាស្រ្តថ្មី របស់អង្គការ Nato និងបេសកកម្ម និងប្រទេសអាហ្វ ហ្គានីស្ថាន។

សន្និសីទ សន្តិសុខនៅទីក្រុងមុយនិច ត្រូវបានបង្កើតឡើងដោយអ្នកបោះពុម្ពផ្សាយជនជាតិ អាល្លឺម៉ង់ Ewald vow klest នៅក្នុងឆ្នាំ១៩៦២៕