បក្សភឿថៃបង្ហើបពីផែនការរបស់រដ្ឋាភិបាលនិងប្រើដែកគោលបំបែកកង់ឡានក្រុមអាវក្រហម

សៅរ៍, 06 មិនា 2010 19:08

ប្រភពកាសែតថៃបាននិយាយថា លោកជិរ៉ាយុ ហួងសាប់ អ្នកនាំពាក្យគណបក្សភឿថៃបាន បង្ហើបប្រាប់ថា បើយោងតាមទិន្នន័យក្រុមស៊ើបការណ៍របស់បក្សភឿថៃ បានរាយការណ៍មកថា រដ្ឋា ភិបាលមានវិធានការទប់ស្កាត់ក្បួនធ្វើដំណើរ ចូលទីក្រុងបាងកក របស់ក្រុមអាវក្រហម ដោយបញ្ជាឲ្យ គេធ្វើដែកគោលក្នុងចំនួនជាច្រើនតោនទាំងនៅភាគខាងជើង ភាគឦសាន មិនតែប៉ុណ្ណោះបាន កុម្ម៉ង់ទិញវិទ្យុទាក់ទងជាច្រើនទៀត។

អ្នកនាំពាក្យរូបនេះបាននិយាយពីផែនការរបស់រដ្ឋាភិបាលថា គេមានគំរោងធ្វើ ការងារនេះ ជា ក្រុមដោយរៀបចំជាក្រុមA ជាឈុតតូចៗមានមនុស្សចំនួនប្រមាណ៥នាក់បំពេញតួនាទី ជាក្រុម ទំនាក់ទំនងព័ត៌មានឲ្យដឹងមុន។ នៅពេលក្រុមអាវក្រហមធ្វើដំណើរមកដល់ក្នុងរយៈចំងាយ១០គីឡូ ម៉ែត្រ ក្រុមA នឹងទំនាក់ទំនងវិទ្យុប្រាប់ទៅក្រុមB ដែលមានតួនាទីជាអ្នករាយដែកគោលនៅលើដង ផ្លូវដើម្បីបំបែកកង់រថយន្ត។ បន្ទាប់មកក្រុមC ដែលបានបន្លំខ្លួនធ្វើជាក្រុមអាវក្រហមដែរនោះ នឹងរង់ ចាំប្រមូលដែកគោលទាំងអស់ឡើងមកវិញ៕