ក្រុមអាវក្រហមអះអាងថា នឹងនាំគោយន្ត៣៥០០០គ្រឿងចូលទីក្រុងបាងកកឲ្យបាន

សៅរ៍, 06 មិនា 2010 19:12

កាសែតថៃចេញថ្ងៃទី០៦ ខែមីនា ឆ្នាំ២០១០ បានផ្សាយសំដីមេដឹកនាំក្រុមអាវក្រហមគឺលោក វុធឌិ សៃគឿ ដែលគេស្គាល់ថា ជាមេដឹកនាំសំខាន់ទូទាំងប្រទេសបាននិយាយថា ចំពោះករណីលោកស៊ូថេប ថងស៊ូបាន ប្រកាសប្រើច្បាប់ចរាចរហាមនាំគោយន្ត និងរថយន្តតូចចូលទីក្រុងបាងកកនោះ មេដឹកនាំ អាវក្រហមរូបនេះបានឆ្លើយ តបវិញថា សូមឲ្យលោកស៊ូថេប ប្រើអំណាចរបស់ខ្លួនឲ្យបានពេញទី ព្រោះប្រហែលជាមិនអាចនៅកាន់អំណាចបានយូរតទៅ ទៀតឡើយ។

លោកវុធឌិ និយាយទៀតថា អ្វីដែលឧបនាយរដ្ឋមន្រ្តីរូបនេះប្រកាសប្រើរថយន្តស្ទូចនោះ គឺជាគំនិតគ្មានហេតុផលបង្ហាញឲ្យឃើញពីមនុស្សគំនិតសុញ។ លោកនិយាយទៀតថា ប្រសិនបើស្ទូច ឡានទាល់តែស្ទូចយកទាំងមនុស្សផង ហើយប្រសិនបើលោកស៊ូថេបប្រើប្រាស់រថយន្តស្ទូចមែន យើងសុំរក្សាសិទ្ធិរឹប អូសយករថយន្តស្ទូចទុកមួយរយៈ ហើយនឹងប្រគល់ឲ្យរាជការនៅពេល ក្រោយ។

លោកវុធឌិ បន្តទៀតថា ចំណែកករណីលោកអាប់ភីស៊ីត នាយករដ្ឋមន្រ្តីកំណត់ធ្វើដំណើរទៅ ប្រទេសអូស្រ្តាលីក្នុងអំឡុងថ្ងៃទី១៣-១៧ ខែមីនានោះ គឺជាការសំរេចចិត្តគ្មានលក្ខណៈជាមេដឹកនាំ ព្រោះប្រៀបដូចក្មេងម្នាក់ទុកបញ្ហាឲ្យ មនុស្សចាស់ដោះស្រាយ។ មេដឹកនាំអាវក្រហមរូបនេះគូសបញ្ជាក់ថា ខណៈពេលនេះមានរថយន្តនិងគោយន្ត បានមកចុះឈ្មោះចូលរួមធ្វើសកម្មភាព ជាមួយ ក្រុមអាវក្រហមរហូតដល់ទៅ៣៥០០០គ្រឿងរួចទៅហើយ ដោយពួកគេមិនខ្វល់ពីច្បាប់ចរាចររបស់ លោកស៊ូថេបនោះឡើយ៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៨ ខែកញ្ញា ឆ្នាំ២០១០ មានចំនួន១៦លើក ស្លាប់៤នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៨ ខែកញ្ញា កើតឡើងចំនួន១៦លើក បណ្ដាលឲ្យមនុស្សស្លាប់ ៤នាក់(ប្រុស) រងរបួសធ្ងន់១៤នាក់(ប្រុស៧) របួសស្រាល១១នាក់(ប្រុស៨)។ គ្រោះថ្នាក់ចរាចរសម្រាប់ថ្ងៃទី៨ ខែកញ្ញានេះ បើប្រៀបធៀបថ្ងៃទី៧ ខែកញ្ញាកន្លងទៅឃើញថា មានការកើនឡើង៧លើកនិងអ្នកស្លាប់មានការកើនឡើង២នាក់៕