អ៊ីរ៉ង់ចាប់ផ្ដើមផលិតកាំជ្រួច Cruise

ច័ន្ទ, 08 មិនា 2010 15:17

ប្រទេសអ៊ីរ៉ង់បានប្រកាស កាលពីថ្ងៃអាទិត្យថា ខ្លួនបានចាប់ផ្ដើមនូវខ្សែផលិតកម្មថ្មីមួយ នៃ កាំជ្រួចដែលបាញ់ត្រង់នៅក្នុងរង្វង់ប្រតិបត្តិការខ្លី ដែលមានឈ្មោះ ថា កាំជ្រួចគ្រួស(Cruise missiles)។ ដែលនឹងបន្ថែមទៅលើសមាសភាពថ្មី ចំពោះខ្មាំងអាវុធដ៏សម្បើមរបស់ប្រទេសនេះមានរួចហើយ នោះ។

លោកឧត្តមសេនីយ៍ អាម៉េត វ៉ារ៉ាឌី បាននិយាយប្រាប់ទូរទស្សន៍រដ្ឋអ៊ីរ៉ង់ថា កាំជ្រួច Cruise ដែលគេហៅថា Nasr 1 មានសមត្ថភាពបំផ្លាញគោលដៅរហូតដល់ចំណុះទំហំចំនួន ៣០០០០តោន ឯណោះ។

រដ្ឋមន្រ្តីក្រសួងការពារប្រទេសបាននិយាយថា កាំជ្រួចនេះអាចត្រូវបានបាញ់ ចេញពីជើងទម្រ បាញ់នៅលើដី ក៏ដូចជាបាញ់ចេញពីនាវាផងបានដែរ។ ប៉ុន្តែ កាំជ្រួចនេះ នឹងត្រូវបានគេកែសម្រួល តម្រូវឲ្យបាញ់ចេញពីឧទ្ធម្ភាគចក្រនិងពីនាវាមុជទឹកថែមទៀត។

មហាអំណាចនៅលោកខាងលិច មានការព្រួយបារម្ភរួចហើយ អំពីសមត្ថភាពកងទ័ពរបស់ ប្រទេសអ៊ីរ៉ង់ ជាពិសេសការជាប់ទាក់ទងនឹងកម្មវិធីនុយក្លេអ៊ែររបស់ខ្លួន។ អាមេរិកនិងសម្ព័ន្ធមិត្តរបស់ខ្លួនមួយចំនួន ក៏ដូចជាភ្នាក់ងារថាមពលបរមាណូ អន្តរជាតិ(IAEA) មានការភ័យខ្លាចថា អ៊ីរ៉ង់ កំពុងតែព្យាយាម ដើម្បីផលិតអាវុធនុយក្លេអ៊ែរ ជាការចោទប្រកាន់មួយដែលអ៊ីរ៉ង់បានបដិសេធ។

លោកខាងលិច កំពុងតែពិចារណាអំពីការដាក់ទណ្ឌកម្ម កាន់តែខ្លាំងប្រឆាំងនឹងប្រទេសអ៊ីរ៉ង់ ដើម្បីព្យាយាមបង្ខុះឲ្យប្រទេសនេះបញ្ឈប់ការចម្រាញ់អ៊ុយរ៉ា នីញ៉ូម ជាដំណើរការមួយសម្រាប់ប្រើ ប្រាស់ខាងស៊ីវិល ប៉ុន្តែក៏អាចត្រូវបានប្រើប្រាស់សម្រាប់ផលិតអាវុធនុយក្លេអ៊ែរផងដែរ ប្រសិនបើអ៊ុយរ៉ានីញ៉ូមនេះ ត្រូវបានចម្រាញ់ដល់កំរិត៩០%នោះ។

ក្រុងតេអេរ៉ង់ បានជម្រុញការផលិតរយៈចម្ងាយខ្លី និងមធ្យមផងដែរ ដែលមានសមត្ថភាព បាញ់ទៅលើគោលដៅទាំងឡាយ នៅក្នុងតំបន់ និងភាគច្រើននៅអឺរ៉ុប។ ក្រុងតេអេរ៉ង់ ជាញឹកញាប់ បានធ្វើការប្រកាសស្ដីអំពីបច្ចេកវិជ្ជាយោធាជឿនលឿនថ្មី ដែលមិនអាចត្រូវបានគេបញ្ជាក់អះអាង ដោយឯករាជ្យបាននោះ។

លោកឧត្តមសេនីយ៍ វ៉ាហ៊ីឌី បានបន្ថែមថា ការផលិតកាំជ្រួច Cruise នេះ ដែលត្រូវចំណាយ ពេល២ឆ្នាំ ដើម្បីអភិវឌ្ឍន៍នោះ បានបង្ហាញថា ការដាក់ទណ្ឌកម្មលើប្រទេសអ៊ីរ៉ង់បានទទួលបរាជ័យ។ លោកវ៉ាហ៊ីឌី បានបន្តថា កាំជ្រួច Cruise នឹងពង្រឹងកម្លាំងនាវារបស់អ៊ីរ៉ង់។

កាំជ្រួច Cruiseជាអាវុធជឿនលឿនខ្លាំងណាស់ ជាអាវុធរ៉ុក្កែត ដែលអាចរត់ទៅត្រូវគោលដៅ ដ៏ត្រង់ក្រៃលែង។ អាមេរិកបានប្រើប្រាស់កាំជ្រួច Cruise ជាច្រើន នៅក្នុងការវាយប្រហាររបស់ខ្លួន នៅទីក្រុងបាដាត នៅក្នុងឆ្នាំ២០០២ ដោយបាញ់ចេញភាគច្រើនពីនាវាចម្បាំងនៅឈូងសមុទ្រពែក្ស៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៨ ខែកញ្ញា ឆ្នាំ២០១០ មានចំនួន១៦លើក ស្លាប់៤នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៨ ខែកញ្ញា កើតឡើងចំនួន១៦លើក បណ្ដាលឲ្យមនុស្សស្លាប់ ៤នាក់(ប្រុស) រងរបួសធ្ងន់១៤នាក់(ប្រុស៧) របួសស្រាល១១នាក់(ប្រុស៨)។ គ្រោះថ្នាក់ចរាចរសម្រាប់ថ្ងៃទី៨ ខែកញ្ញានេះ បើប្រៀបធៀបថ្ងៃទី៧ ខែកញ្ញាកន្លងទៅឃើញថា មានការកើនឡើង៧លើកនិងអ្នកស្លាប់មានការកើនឡើង២នាក់៕