មានគ្រាប់បែក១គ្រាប់ត្រូវបានជនល្មើសបង្កប់ទុកចោលនៅក្នុងទីក្រុងបាងកក

ពុធ, 10 មិនា 2010 19:39

ប្រភពកាសែតថៃបានឲ្យដឹងថា នៅវេលាម៉ោង៧ព្រឹក ថ្ងៃទី១០ ខែមីនា មានហេតុការណ៍ ផ្អើលឆោឡោមួយនៅក្បែរផ្លូវបំបែកកាងរឿន វិថីប្រជាធិបតេយ្យ ខណ្ឌតុសិត ទីក្រុងបាងកក ដោយ មានប្រជាជនជាច្រើនកំពុងចោមរោមមើលវត្ថុដែលគេសង្ស័យថា ជាគ្រាប់ បែក។ ក្នុងហេតុការណ៍ ថ្ងៃនោះគេឃើញកំលាំងប៉ូលិសបានធ្វើការរារាំងការពារមិនឲ្យប្រជាជនចូលទៅក្បែរ ដោយពួកគេ បាននាំយកកង់រថយន្តមកហ៊ុមព័ទ្ធកន្លែងមានគា្រប់បែកទៅតាមបច្ចេកទេសដោះគ្រឿងផ្ទុះ។

ប្រភពបានបន្តថា វត្ថុជាតិផ្ទុះនោះមានលក្ខណៈដូចជាបំពង់មួយមានប្រវែង ប្រហែលជា២០ សង់ទីម៉ែត្រនិងមានខ្សែភ្លើងលានចេញមកខាងក្រៅ។ ចំណុចដែលជនល្មើសដាក់គ្រាប់បែកនោះ គឺ ស្ថិតនៅចំណុចប្រឈមខ្លាំង ព្រោះស្ថិតនៅក្បែរកន្លែងធ្វើការរបស់រាជការសំខាន់ៗជាច្រើនកន្លែង។

បើតាមសំដីប៉ូលីសបានឲ្យដឹងថា វត្ថុនោះគឺជាបំពង់សំរាប់ដាក់កូនសី និងមានខ្សែភ្លើងរុំព័ទ្ធ ខាងក្រៅ ក៏ប៉ុន្តែផ្នែកខាងក្នុងពុំឃើញមានផ្ទុកអ្វីនោះទេ។ ក្រុមប៉ូលិសក៏បាននាំយកវត្ថុតាងនេះ ទៅ ពិនិត្យជាបន្ត ដើម្បីតាមរកជនល្មើសមកកាត់ទោសតាមច្បាប់៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៨ ខែកញ្ញា ឆ្នាំ២០១០ មានចំនួន១៦លើក ស្លាប់៤នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៨ ខែកញ្ញា កើតឡើងចំនួន១៦លើក បណ្ដាលឲ្យមនុស្សស្លាប់ ៤នាក់(ប្រុស) រងរបួសធ្ងន់១៤នាក់(ប្រុស៧) របួសស្រាល១១នាក់(ប្រុស៨)។ គ្រោះថ្នាក់ចរាចរសម្រាប់ថ្ងៃទី៨ ខែកញ្ញានេះ បើប្រៀបធៀបថ្ងៃទី៧ ខែកញ្ញាកន្លងទៅឃើញថា មានការកើនឡើង៧លើកនិងអ្នកស្លាប់មានការកើនឡើង២នាក់៕