ជាប់ពន្ធនាគារ៣ដង មិនរៀងចេញមកលួចម៉ូតូនិងវាយគេលើសដើម

អង្គារ, 27 កក្កដា 2010 16:20

កំពង់ឆ្នាំង ៖ ជនល្មើសម្នាក់ ធ្លាប់ជាប់ពន្ធនាគារ៣ដងរួចមកហើយ ក្រោយពេលចេញពីពន្ធ នាគារគេមិនព្រមកែខ្លួនទេ នៅតែប្រព្រឹត្តអំពើលួចឆក់ទៀត ដែលលើកក្រោយនេះ រួបគេត្រូវជាប់ ចោទពីបទប៉ុនប៉ងធ្វើមនុស្សឃាត និងលួចម៉ូតូ១គ្រឿង ហើយត្រូវសមត្ថកិច្ចចាប់ខ្លួនបាន។

ជនល្មើសរូបនោះឈ្មោះចេង គង់ ភេទប្រុស អាយុ៣០ឆ្នាំ ទីលំនៅភូមិឡទឹកត្រី សង្កាត់កំពង់ ឆ្នាំង ក្រុងកំពង់ឆ្នាំង។

លោកប្រធានការិយាល័យ នគរបាលព្រហ្មទណ្ឌកំរិតធ្ងន់ខេត្ត បាននិយាយឲ្យដឹងថា ឈ្មោះ ចេង គង់ ធ្លាប់ជាប់គុក៣ដងរួចមកហើយ គឺលើកទី១ នៅឆ្នាំ១៩៩៩ ជាប់គុកពីបទលួច, លើកទី២ នៅឆ្នាំ២០០៣ ជាប់គុកពីបទបំផ្លិចបំផ្លាញទ្រព្យសម្បត្តិអ្នកដទៃ និងលើកទី៣ នៅឆ្នាំ២០០៩ ជាប់គុក ពីបទលួចម៉ូតូ។ ដោយឡែក នៅពេលនេះបានប្រព្រឹត្តល្មើស២ករណីទៀត គឺលើកទី១ នៅថ្ងៃទី១៧ ខែឧសភា ឆ្នាំ២០១០ ឈ្មោះ ចេង គង់ និងបក្ខពួក២នាក់ទៀត បានព្រួតគ្នាវាយទៅលើបុរសម្នាក់ ឈ្មោះសួង ភក្ដី អាយុ៣០ឆ្នាំ នៅភូមិម៉ុងបារាំង សង្កាត់ប្អេរ ក្រុងកំពង់ឆ្នាំង មានមុខរបរជាជាងជួស ជុលឡាន បណ្ដាលឲ្យរបួសធ្ងន់ ក្រោយពេលបង្កហេតុឈ្មោះចេង គង់ និងបក្ខពួកគេម្នាក់ទៀត បាន រត់គេចខ្លួនបាត់។ ចំណែកគ្នាគេម្នាក់ទៀត ត្រូវសមត្ថកិច្ចចាប់ខ្លួនបានបញ្ជូនទៅផ្តន្ទាទោសនៅតុលា ការខេត្ត។ បទល្មើសទី២ គឺកាលពីថ្ងៃទី១៤ ខែកក្កដា ឆ្នាំ២០១០ វេលាម៉ោង១២ថ្ងៃត្រង់ គេបានលួច ម៉ូតូ សង់កូរ៉េ១គ្រឿងនៅចំណុចស្ថានីយបូមទឹកទួលអំពិល។

ពេលនេះ ឈ្មោះចេង គង់ ត្រូវចូលក្នុងពន្ធនាគារខេត្តជាលើកទី៤ហើយតាមចម្លើយសារភាព របស់គេថា ឈ្មោះឃុត សំអាតដែលសមត្ថកិច្ចចាប់ខ្លួនកាលពីថ្ងៃទី២៥ ខែកក្កដា ឆ្នាំ២០១០ ពីបទ លាក់ទុកអាវុធខុសច្បាប់ នោះគឺសុទ្ធតែជាមិត្តភក្ដិស្គាល់គ្នាក្នុងគុក ហើយពេលចេញមកវិញក៏នាំគ្នា រកស៊ីអត់ដើមទៀតទៅ៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៧ ខែកញ្ញា ឆ្នាំ២០១០ មានចំនួន៩លើក ស្លាប់២នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៧ ខែកញ្ញា កើតឡើងចំនួន៩លើក បណ្ដាលឲ្យមនុស្សស្លាប់ ២នាក់(ប្រុស) រងរបួសធ្ងន់១០នាក់(ប្រុស៩) របួសស្រាល៤នាក់(ប្រុស)។ គ្រោះថ្នាក់ចរាចរសម្រាប់ថ្ងៃទី៧ ខែកញ្ញានេះ បើប្រៀបធៀបថ្ងៃទី៦ ខែកញ្ញាកន្លងទៅឃើញថា មានសភាពថយចុះ៣លើកនិងអ្នកស្លាប់មានការថយចុះ៤នាក់៕