ជនជាតិបារាំងជិះម៉ូតូ R.X ដើរទេសចរជួបគ្រោះថ្នាក់តាមបណ្ដោយផ្លូវជាតិលេខ៤

អង្គារ, 27 កក្កដា 2010 18:22

កំពង់ស្ពឺ ៖ គ្រោះថ្នាក់ចរាចរមួយបានកើតឡើងនៅភូមិសង្រ្គោះជាតិ ឃុំត្រពាំងគង ស្រុក សំរោងទង ខេត្តកំពង់ស្ពឺ កាលពីថ្ងៃទី២៧ ខែកក្កដា ឆ្នាំ២០១០ វេលាម៉ោង ១១ថ្ងៃត្រង់ ម្ដុំចំណុច KM34 និងKM 35 បណ្ដាលឲ្យមនុស្ស៨នាក់ រងរបួសធ្ងន់៣នាក់ក្នុងនោះមានជនជាតិបារាំង២នាក់។

ប្រភពនៅកន្លែងកើតហេតុបានឲ្យដឹងថា ម៉ូតូម៉ាក RX ពណ៌ស ពាក់ស្លាកលេខ 1AM 7144 បើកបរដោយជនជាតិបារាំង មានឈ្មោះអាឡិច សាន់ឌ័រ អាយុ២២ឆ្នាំ និងស្រ្តីឈ្មោះ អូរ យ៉ាន់ ជា ជនជាតិបារាំងដូចគ្នា បានបើកបរឌុបគ្នាពីទិសខាងកើត ទៅទិសខាងលិច។

ប្រភពបន្តថា ពេលមកដល់ចំណុចខាងលើ ម៉ូតូដែលបើកដោយជនជាតិបារាំងបានបើកវ៉ា រថយន្តមួយគ្រឿងដែលធ្វើដំណើរស្របទិសគ្នា យ៉ាងលឿនបណ្ដាលឲ្យជ្រុលទៅបុករ៉ឺម៉ក ដឹកបាយ ម្ហូប ទៅលក់នៅមុខរោងចក្រពេញមួយទំហឹង ធ្វើឲ្យជនជាតិបារាំងទាំងពីរនាក់រងរបួសបាក់ភ្លៅខាងឆ្វេងដូចគ្នា។

ប្រភពពីមន្រ្តីប៉ូលិសចរាចបានឲ្យដឹងថា ករណីគ្រោះថ្នាក់ចរាចរខាងលើ គឺបណ្ដាលមកពីម៉ូតូ RX បើកវ៉ាក្នុងល្បឿនលឿនបាត់បង់ម្ចាស់ការ ហើយជ្រុលទៅបុករម៉កក្នុងចំណែកផ្លូវខាងស្ដាំដៃគេ យ៉ាងពេញទំហឹង។ ប៉ូលិសបានកសាងសំណុំរឿងទៅស្នងការខេត្តកំពង់ស្ពឺ ដើម្បីដោះស្រាយតាម ផ្លូវច្បាប់៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៧ ខែកញ្ញា ឆ្នាំ២០១០ មានចំនួន៩លើក ស្លាប់២នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៧ ខែកញ្ញា កើតឡើងចំនួន៩លើក បណ្ដាលឲ្យមនុស្សស្លាប់ ២នាក់(ប្រុស) រងរបួសធ្ងន់១០នាក់(ប្រុស៩) របួសស្រាល៤នាក់(ប្រុស)។ គ្រោះថ្នាក់ចរាចរសម្រាប់ថ្ងៃទី៧ ខែកញ្ញានេះ បើប្រៀបធៀបថ្ងៃទី៦ ខែកញ្ញាកន្លងទៅឃើញថា មានសភាពថយចុះ៣លើកនិងអ្នកស្លាប់មានការថយចុះ៤នាក់៕