ទឹកបឹងអាចម៌ក្អែកជនលិចស្រូវប្រជាពលរដ្ឋរាល់ឆ្នាំមិនដែលឃើញមន្ទីរធនធានទឹកជួយដោះស្រាយ

ពុធ, 28 កក្កដា 2010 16:22

កំពង់ស្ពឺ ៖ ក្រុមប្រជាពលរដ្ឋចំនួន៤ភូមិ ដែលរស់នៅឃុំចំនួន២ ជុំវិញបឹងអាចម៌ក្អែក បាន មានប្រតិកម្មចំពោះមន្ទីរធនធានទឹកខេត្តកំពង់ស្ពឺ ថាមិនបានយកចិត្តទុកដាក់ជួយដោះស្រាយនិង រាយការណ៍ទៅថ្នាក់លើពីរឿងទឹកបឹងជន់លិចស្រូវរបស់ពួកគាត់ជាច្រើនឆ្នាំមកហើយ។

តំណាងប្រជាពលរដ្ឋដែលរស់នៅភូមិស្គុះ ភូមិគោករងាង ភូមិបិល ដែលស្ថិតនៅក្នុងឃុំស្គុះស្រុកសំរោងទង ខេត្តកំពង់ស្ពឺ និងភូមិបាក់ធ្មេញ ភូមិទំលាប់ ដែលស្ថិតនៅក្នុងឃុំរលាំងចក ស្រុកសំរោងទង ខេត្តកំពង់ស្ពឺ បានប្រាប់កាសែតកម្ពុជាថ្មីថា ជារៀងរាល់ឆ្នាំអ្នកភូមិមានមុខរបរធ្វើស្រែ តែងជួបប្រទះការលិចលង់ស្រូវរបស់ពួកគាត់ជារៀងរាល់ឆ្នាំមិនដែលខានឡើយ ទាំងនេះបណ្ដាល មកពីទឹកបឹងអាចម៌ក្អែក បានជន់លិចមួយផ្នែកធំនៃឃុំទាំងពីរខាងលើ ដោយហូរតាមប្រឡាយតា ហោ ហើយហៀរមកតំបន់ទំនាបភូមិខាងលើតាមសន្ទះលូដែលមន្ទីរធនធានទឹកបានកសាង។

លោកហង់ គឹមញ៉េន គណៈអភិបាលស្រុកសំរោងទង បានប្រាប់ថា រូបលោកបានដឹងពីបញ្ហា នេះដែរ។ ហើយថាប្រជាពលរដ្ឋចំនួន១២០ហិកតា ដែលប៉ះពាល់ខ្លាំងជាងគេ គឺនៅឃុំស្គុះ និងឃុំរលាំងចក។ ប្រជាពលរដ្ឋដែលរងការប៉ះពាល់មានចំនួន១៣៦គ្រួសារ។ លោកបញ្ជាក់ថា លោកមាន ការសោកស្ដាយយ៉ាងខ្លាំងចំពោះរឿងទឹកលិចស្រូវប្រជាពលរដ្ឋនេះ។ ប៉ុន្តែ លោកថាជៀសមិនផុត ឡើយ បើសិនជាមិនទាន់ធ្វើប្រឡាយបញ្ចៀសទឹកជូនពួកគាត់ គឺមានតែមន្ទីរពាក់ព័ន្ធទេ ដែលទទួល ភារកិច្ចរាយការណ៍ជម្លោះប្រជាពលរដ្ឋទាំង១៣៦គ្រួសារនោះ៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៧ ខែកញ្ញា ឆ្នាំ២០១០ មានចំនួន៩លើក ស្លាប់២នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៧ ខែកញ្ញា កើតឡើងចំនួន៩លើក បណ្ដាលឲ្យមនុស្សស្លាប់ ២នាក់(ប្រុស) រងរបួសធ្ងន់១០នាក់(ប្រុស៩) របួសស្រាល៤នាក់(ប្រុស)។ គ្រោះថ្នាក់ចរាចរសម្រាប់ថ្ងៃទី៧ ខែកញ្ញានេះ បើប្រៀបធៀបថ្ងៃទី៦ ខែកញ្ញាកន្លងទៅឃើញថា មានសភាពថយចុះ៣លើកនិងអ្នកស្លាប់មានការថយចុះ៤នាក់៕