ការដឹកឈើប្រណីតរបស់ក្រុមឈ្មួញកំរើកឡើងវិញហើយនៅខេត្តក្រចេះ

ពុធ, 28 កក្កដា 2010 19:23

ខេត្តក្រចេះ ៖ រថយន្តគ្រប់ប្រភេទរបស់ក្រុមឈ្មួញល្មើសច្បាប់កំពុងតែធ្វើចរាចរដឹកឈើប្រណីតយ៉ាងប្រសេចប្រសាចដ៏អនាធិបតេយ្យបំផុតលើកំណាត់ផ្លូវជាតិលេខ៧ ពីក្រចេះឆ្ពោះទៅ កាន់ស្រុកស្នួល យកទៅលក់នៅព្រំប្រទល់ប្រទេសវៀតណាម។

តាមសេចក្ដីរាយការណ៍ របស់ប្រជាពលរដ្ឋនៅស្រុកចិត្របូរី មួយចំនួនដែលសុំមិនបញ្ចេញ ឈ្មោះបានប្រាប់កម្ពុជាថ្មីថា ការធ្វើចរាចរដឹកឈើប្រណីតរបស់ក្រុមឈ្មួញកំពុងតែកំរើកឡើងវិញជា បណ្ដើរៗហើយ ក្រោយពីមានការស្ងប់ស្ងាត់មួយរយៈពេល។ ប្រភេទដែលឈ្មួញរកស៊ីដឹកឈើទាំង នោះមានរថយន្តឡង់គ្រីស័រ កាមរីបិទគូទ និងកាត់គូទ សេរីទំនើបៗ។ ក្រុមឈ្មួញទាំងនោះ បានរក ស៊ីដឹកឈើប្រណីតយ៉ាងគឃ្លើនជារៀងរាល់យប់ ដោយបានការបើកភ្លើងខៀវពីមន្រ្តីពាក់ព័ន្ធផងដែរ បើមិនអ៊ីចឹងទេ ពួកឈ្មួញរកស៊ីឈើទាំងនោះមិនអាចដឹកឈើចេញពីព្រំប្រទល់ស្ទឹងត្រែង ឬចេញ ពីស្រែស្បូវឆ្លងកាត់ទឹកដីស្រុកសំបូរ និងស្រុកចិត្របូរីបានទេ៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៧ ខែកញ្ញា ឆ្នាំ២០១០ មានចំនួន៩លើក ស្លាប់២នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៧ ខែកញ្ញា កើតឡើងចំនួន៩លើក បណ្ដាលឲ្យមនុស្សស្លាប់ ២នាក់(ប្រុស) រងរបួសធ្ងន់១០នាក់(ប្រុស៩) របួសស្រាល៤នាក់(ប្រុស)។ គ្រោះថ្នាក់ចរាចរសម្រាប់ថ្ងៃទី៧ ខែកញ្ញានេះ បើប្រៀបធៀបថ្ងៃទី៦ ខែកញ្ញាកន្លងទៅឃើញថា មានសភាពថយចុះ៣លើកនិងអ្នកស្លាប់មានការថយចុះ៤នាក់៕