ជ្រូកឆ្លងដែនពីវៀតណាមតាមច្រករបៀង ឃុំព្រៃទន្លេ ១៨ក្បាល ត្រូវបានជំនាញបង្រ្កាប

ពុធ, 28 កក្កដា 2010 19:24

ខេត្តកំពត ៖ ជ្រូកចំនួន១៨ក្បាល ដែលឈ្មួញដឹកពីប្រទេសវៀតណាម ឆ្លងដែនចូលមកតាម ច្រករបៀង ហើយដឹកតាមរថយន្តចូលប្រទេសកម្ពុជាតាមច្រកមុំ៣ ចំណុចព្រែកអស្សា ឃុំព្រៃទន្លេ ស្រុកបន្ទាយមាស ខេត្តកំពតនោះត្រូវបានសមត្ថកិច្ចជំនាញសហការគ្នាស្រាវជ្រាវចាប់បានទាំងជ្រូក និងរថយន្តរួមទាំងម្ចាស់ជ្រូក ហើយធ្វើសំណុំរឿងបញ្ជូនទៅនាយកដ្ឋានបសុព្យាបាល អនុវត្តតាមនីតិ វិធី។

មន្រ្តីបសុព្យាបាលមួយរូប សុំមិនបញ្ចេញឈ្មោះ បានប្រាប់ឲ្យដឹងថា នៅចំណុចច្រករបៀង ឃុំព្រៃទន្លេនេះ ឈ្មួញខិលខូចតែងតែលួចនាំជ្រូកមកពីប្រទេសវៀតណាមជារឿយៗ។ ប៉ុន្តែខាងជំ នាញពុំបានជួបប្រទះទេ ព្រោះថាការនាំសត្វជ្រូកតាមច្រករបៀងនេះ ឈ្មួញបានដឹកជញ្ជូនតែពេល យប់។ នៅរាត្រីថ្ងៃទី២៨ ខែកក្កដា ឆ្នាំ២០១០ វេលាម៉ោង២និង២៥នាទី កំលាំងជំនាញបង្រ្កាបបាន ជាក់ស្ដែង នូវសត្វជ្រូកចំនួន១៨ក្បាល ដែលឈ្មួញដឹកតាមរថយន្តតួរីស ពាក់ស្លាកលេខ ភ្នំពេញ 2F 8983 ដែលមានអ្នកបើកបរឈ្មោះណុប ប៊ុនធឿន ភេទប្រុស អាយុ២៤ឆ្នាំ ព្រមទាំងម្ចាស់ជ្រូកឈ្មោះ រ័ត្ន សុភី ភេទប្រុស អាយុ៥១ឆ្នាំ អ្នកទាំង២មានទីលំនៅភូមិរបោះខ្ទំ ឃុំដំបូកខ្ពស់ ស្រុកអង្គរជ័យ ខេត្តកំពត។

លោកសូ វិទូ ប្រធានបសុព្យាបាលខេត្តកំពត បានឲ្យដឹងថា ដោយអនុវត្តតាមបទបញ្ជារបស់ លោកកែវ ផល ប្រធាននាយកដ្ឋាន បសុព្យាបាលក៏ដូចជាបទបញ្ជារបស់ក្រសួងកសិកម្ម រុក្ខាប្រមាញ់ និងនេសាទ សហការជាមួយមន្រ្តីពាក់ព័ន្ធ បង្រ្កាបបទល្មើសបានទាន់ពេលវេលា៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៧ ខែកញ្ញា ឆ្នាំ២០១០ មានចំនួន៩លើក ស្លាប់២នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៧ ខែកញ្ញា កើតឡើងចំនួន៩លើក បណ្ដាលឲ្យមនុស្សស្លាប់ ២នាក់(ប្រុស) រងរបួសធ្ងន់១០នាក់(ប្រុស៩) របួសស្រាល៤នាក់(ប្រុស)។ គ្រោះថ្នាក់ចរាចរសម្រាប់ថ្ងៃទី៧ ខែកញ្ញានេះ បើប្រៀបធៀបថ្ងៃទី៦ ខែកញ្ញាកន្លងទៅឃើញថា មានសភាពថយចុះ៣លើកនិងអ្នកស្លាប់មានការថយចុះ៤នាក់៕