កម្មកររោងចក្រPCCS ជាង៣.០០០នាក់ បន្តធ្វើកូដកម្មទ្រង់ទ្រាយធំ

ពុធ, 28 កក្កដា 2010 19:25

ភ្នំពេញ ៖ កម្មកររោងចក្រកាត់ដេររបស់ក្រុមហ៊ុន PCCS ប្រមាណ៣០០០នាក់ បាននាំគ្នាបន្ត ធ្វើកូដកម្ម ជាលក្ខណៈទ្រង់ទ្រាយធំ នៅព្រឹកថ្ងៃទី២៧ និងថ្ងៃទី២៨ ខែកក្កដា ឆ្នាំ២០១០ នៅមុខរោង ចក្រនោះ ដែលមានទីតាំងនៅជាប់ដងមហាវិថីសហព័ន្ធរុស្ស៊ី ក្នុងសង្កាត់ទឹកថ្លា ខណ្ឌសែនសុខ រាជ ធានីភ្នំពេញ។

អាជ្ញាធរអះអាងថា បានកើតឡើងជាង១សប្ដាហ៍មកហើយ គឺផ្ដើមចេញពីរឿងក្រុមហ៊ុន បាន បណ្ដេញតំណាងកម្មករម្នាក់មិនឲ្យធ្វើការដោយគ្មានដំណោះស្រាយ ដែលកម្មករបានទាមទារសុំឲ្យ តំណាងរបស់គេបានធ្វើការឡើងវិញ។

លោកជា មុន្នី ប្រធានសហជីពសេរីកម្មករ បាននិយាយថាកូដកម្មនេះបានកើតឡើងចាប់តាំង ពីថ្ងៃទី១៧ ខែកក្កដានេះ ដែលផ្ដើមចេញពីរឿងប្រធានក្រុមហ៊ុនPCCS បានបណ្ដេញតំណាងកម្មករ ម្នាក់ឈ្មោះម៉ម ចាន់ណា ភេទស្រី អាយុប្រហែលជាង៣០ឆ្នាំ ជាតំណាងសហជីពសេរីកម្មករប្រចាំ រោងចក្រនេះ មិនឲ្យចូលធ្វើការដោយគ្មានមូលហេតុ។ លោកបន្តថា ក្រុមប៉ូលិសប្រដាប់ដោយដំបង ឆក់ និងខែល បានមកបង្រ្កាបកម្មករមិនឲ្យតវ៉ា ហើយបានប្រើអំពើហិង្សា ដេញវាយកម្មករឲ្យចូល រោងចក្រវិញ បណ្ដាលឲ្យរងរបួសជាង១០នាក់ ដែលក្នុងនោះមាន២នាក់រងរបួសធ្ងន់ធ្ងរ។

លោកម៉ក់ ហុង អធិការប៉ូលិសខណ្ឌសែនសុខ បានមានប្រសាសន៍ថា កូដកម្មនេះប៉ូលិសពុំ បានប្រើអំពើហិង្សាអ្វីទៅលើកម្មករបណ្ដាលឲ្យរងរបួសធ្ងន់ធ្ងរដូចការចោទប្រកាន់នោះទេ។ លោក បន្តថា ប៉ូលិសគ្រាន់តែប្រើដំបងឆក់ ចុចឡើងលើដើម្បីឲ្យកម្មករខ្លាចនាំគ្នាចូលក្នុងរោងចក្រវិញ ពីព្រោះពួកគេបាននាំគ្នាចេញមកតវ៉ាកណ្ដាលផ្លូវ សហព័ន្ធរុស្ស៊ី ដែលជាច្រកផ្លូវមួយដ៏សំខាន់សំរាប់ អ្នកដំណើរ និងជាច្រកអន្តរជាតិដែលមានភ្ញៀវជាតិ អន្តរជាតិ និងគណៈប្រតិភូធ្វើដំណើរជាប្រចាំ៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៧ ខែកញ្ញា ឆ្នាំ២០១០ មានចំនួន៩លើក ស្លាប់២នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៧ ខែកញ្ញា កើតឡើងចំនួន៩លើក បណ្ដាលឲ្យមនុស្សស្លាប់ ២នាក់(ប្រុស) រងរបួសធ្ងន់១០នាក់(ប្រុស៩) របួសស្រាល៤នាក់(ប្រុស)។ គ្រោះថ្នាក់ចរាចរសម្រាប់ថ្ងៃទី៧ ខែកញ្ញានេះ បើប្រៀបធៀបថ្ងៃទី៦ ខែកញ្ញាកន្លងទៅឃើញថា មានសភាពថយចុះ៣លើកនិងអ្នកស្លាប់មានការថយចុះ៤នាក់៕