អាប់ភីស៊ីត បញ្ជាឲ្យលេខាធិការសភាសន្តិសុខជាតិថៃជំទាស់ការចុះបញ្ជីប្រាសាទព្រះវិហារ

ពុធ, 28 កក្កដា 2010 19:29

រដ្ឋលេខាធិការសភាសន្តិសុខជាតិថៃបាននិយាយថា ប្រសិនបើស្ថានការឈានដល់ទីបំផុត ហើយភាគីថៃជំទាស់មិនសម្រេចរហូតមានការចុះបញ្ជីនោះ នាយករដ្ឋមន្រ្តីបានប្រគល់ភារកិច្ច ឲ្យសភាសន្តិសុខជាតិពិចារណាមើលពីវិធានការផ្សេងៗ ដែលយើងនឹងសំដែងសិទ្ធិរបស់ខ្លួននៅលើ ផ្ទៃដីដែលយើងបានអះអាងជាសិទ្ធិរបស់យើងនោះ។

រដ្ឋលេខាធិការរូបនេះបន្តទៀតថា នៅក្នុងកិច្ចប្រជុំសភាសន្តិសុខជាតិ យើងបានពិចារណា ត្រៀមវិធានការពេញទំហឹងដែលអាចអះអាងបានថា រឿងនេះគណៈរដ្ឋមន្រ្តីបានប្រគល់ភារកិច្ចឲ្យ រយៈពេល2-3 សប្ដាហ៍រួចទៅហើយ។

មន្រ្តីរូបនេះបន្តទៀតថា ថៃនឹងបន្តជំទាស់ឲ្យអស់ពីលទ្ធភាព ហើយនៅតែរក្សាសិទ្ធិនៅលើ ផ្ទៃដី៤.៦ គីឡូម៉ែត្រក្រឡា ហើយប្រសិនបើការជំទាស់ចុះបញ្ជីមិនបានជោគជ័យ នឹងមានវិធានការ ដទៃទៀត ក៏ប៉ុន្តែជាការពិតប្រហែលជាមិនអាចឈានទៅរកការធ្វើសង្រ្គាម ព្រោះរឿង MOU នៅ មានសារៈសំខាន់នៅឡើយ៕