បញ្ជូនក្រុមអ្នកលេងដាវស៊ាំម៉ូរ៉ៃ ទៅដេកគុកព្រៃស

ព្រហស្បតិ, 29 កក្កដា 2010 18:16

ភ្នំពេញ ៖ យុវជនឈាមរាវ ដែលបានព្រួតគ្នាវាយកាប់ចាប់ប្រើប្រាស់ដំបងដែក ពិសេសដាវ ស៊ាំម៉ូរ៉ៃ បណ្ដាលឲ្យយុវជនម្នាក់ទៀតរងរបួសស្ទើរបាត់បង់ជីវិត ដោយគ្រាន់តែប៉ះពាក្យសំដីគ្នាពេលផឹកស៊ី កាលពីថ្ងៃទី២៦ ខែកក្កដា ឆ្នាំ២០១០នោះ ត្រូវបានប៉េអឹមក្រុងភ្នំពេញបញ្ជូនខ្លួនទៅដេកគុកព្រៃស តាមដីកាសម្រេចឃុំខ្លួនរបស់តុលាការ សាលាដំបូងរាជធានីភ្នំពេញ។

ជនរងគ្រោះដែលមានរបួសដៃម្ខាងត្រូវបានក្រុមជនបង្កកាប់ស្ទើរដាច់ដៃនោះ បានរួចផុតពី សេចក្ដីស្លាប់ហើយ ក្រោយពេលគ្រូពេទ្យជួយសង្រ្គោះទាន់ពេលវេលារួចមក។

យុវជនឈាមរាវដែលត្រូវឃុំខ្លួនមានចំនួន៥នាក់ មានឈ្មោះប្រាក់ចិន្តា អាយុ២២ឆ្នាំ, ឈ្មោះកុយ ចាន់ថា អាយុ២២ឆ្នាំ, ឈ្មោះពក រតនៈ អាយុ២០ឆ្នាំ, ឈ្មោះជ័យ វណ្ណា អាយុ២៣ឆ្នាំ,ឈ្មោះជ័យ កុសល ហៅកាក់ អាយុ២២ឆ្នាំ ពួកគេរស់នៅផ្ទះជួលម្ដុំសួនច្បារកាណាឌីយ៉ាដូចគ្នា៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៧ ខែកញ្ញា ឆ្នាំ២០១០ មានចំនួន៩លើក ស្លាប់២នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៧ ខែកញ្ញា កើតឡើងចំនួន៩លើក បណ្ដាលឲ្យមនុស្សស្លាប់ ២នាក់(ប្រុស) រងរបួសធ្ងន់១០នាក់(ប្រុស៩) របួសស្រាល៤នាក់(ប្រុស)។ គ្រោះថ្នាក់ចរាចរសម្រាប់ថ្ងៃទី៧ ខែកញ្ញានេះ បើប្រៀបធៀបថ្ងៃទី៦ ខែកញ្ញាកន្លងទៅឃើញថា មានសភាពថយចុះ៣លើកនិងអ្នកស្លាប់មានការថយចុះ៤នាក់៕