អ្នកលេងភ្លេងម្នាក់ អង្គុយក្អួតឈាមរហូតដល់ស្លាប់យ៉ាងអាណោចអាធ័មបំផុត

ព្រហស្បតិ, 29 កក្កដា 2010 18:17

ក្រុងព្រះសីហនុ ៖ បុរសអភ័ព្វជាអ្នកលេងភ្លេងម្នាក់ ដែលគេអះអាងថាមានជម្ងឺប្រចាំកាយរ៉ាំរ៉ៃ យូរឆ្នាំហើយនោះបានអង្គុយក្អួតធ្លាក់ឈាម រហូតដល់ស្លាប់យ៉ាងអាណោចអាធ័មបំផុតកាលពីវេលា ម៉ោង១៣ថ្ងៃទី២៨ ខែកក្កដា ឆ្នាំ២០១០ នៅតាមបណ្ដោយផ្លូវសាធារណៈត្រង់ចំណុចក្បែររបងផ្ទះ លោកទៀ វិញ ស្ថិតនៅក្នុងភូមិ៣ សង្កាត់លេខ៣ ក្រុងព្រះសីហនុ។

សមត្ថកិច្ចប៉ូលិសបានឲ្យដឹងថា ជនរងគ្រោះខាងលើមានឈ្មោះបាក់ ដាណែល ភេទប្រុស អាយុ៤៧ឆ្នាំ មានស្រុកកំណើតនៅភូមិកណ្ដាលស្ទឹង ស្រុកកណ្ដាលស្ទឹង ខេត្តកណ្ដាល បច្ចុប្បន្នរស់ នៅតំបន់កើតហេតុ មានមុខរបរជាអ្នកលេងភ្លេងចល័ត«កាន់ផ្នែកចុចអក»។

ទាក់ទិននឹងការស្លាប់នេះ បើតាមសាក្សីជាប៉ូលិសចរាចរម្នាក់ ដែលបំពេញភារកិច្ចនៅក្បែរ កន្លែងកើតហេតុនោះបាននិយាយថា មុនពេលកើតហេតុប្រហែល១ម៉ោង គេឃើញជនរងគ្រោះបាន ជិះម៉ូតូ១គ្រឿងម៉ាកវ៉េវ ដែលជាម៉ូតូរបស់គាត់បានមកអង្គុយលេងនៅចំណុចកើតហេតុ បន្ទាប់មកក៏ ឃើញគាត់មានអាការៈក្អក ក្អួតយ៉ាងខ្លាំងរហូតដល់ធ្លាក់ឈាមយ៉ាងច្រើនបណ្ដាលឲ្យស្លាប់ភ្លាមៗ មួយរំពេចតែម្ដង។

មិត្តភក្ដិជាអ្នកលេងភ្លេងជាមួយជនរងគ្រោះបានឲ្យដឹងថា ជនរងគ្រោះឈ្មោះបាក់ ដាណែល នេះគាត់មានជម្ងឺរបេងសួតប្រចាំកាយជាច្រើនឆ្នាំមកហើយ ព្យាបាលមិនជាសោះ ហើយជារៀងរាល់ ថ្ងៃជនរងគ្រោះតែងតែអស់សង្ឃឹមលើជីវិតរស់នៅរបស់ខ្លួន ដែលមានជម្ងឺប្រចាំកាយរហូតមានពេល ខ្លះជនរងគ្រោះពិបាកចិត្តខ្លាំងពេក បានផឹកស្រាឡើងស្រវឹងទៀតផង។

បច្ចុប្បន្នជនរងគ្រោះត្រូវបានគេដឹកយកទៅតម្កល់ទុកនៅវត្តក្រោម ដើម្បីធ្វើបុណ្យតាមប្រពៃ ណី៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៧ ខែកញ្ញា ឆ្នាំ២០១០ មានចំនួន៩លើក ស្លាប់២នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៧ ខែកញ្ញា កើតឡើងចំនួន៩លើក បណ្ដាលឲ្យមនុស្សស្លាប់ ២នាក់(ប្រុស) រងរបួសធ្ងន់១០នាក់(ប្រុស៩) របួសស្រាល៤នាក់(ប្រុស)។ គ្រោះថ្នាក់ចរាចរសម្រាប់ថ្ងៃទី៧ ខែកញ្ញានេះ បើប្រៀបធៀបថ្ងៃទី៦ ខែកញ្ញាកន្លងទៅឃើញថា មានសភាពថយចុះ៣លើកនិងអ្នកស្លាប់មានការថយចុះ៤នាក់៕