ប្រជាពលរដ្ឋកាប់អុសនៅតាមក្បាលស្រែយកមកដុតធ្យូងមានការគំរាមទារលុយ

ព្រហស្បតិ, 29 កក្កដា 2010 18:19

ខេត្តឧត្តរមានជ័យ ៖ ប្រជាពលរដ្ឋរស់នៅភូមិអូរស្រម៉ ឃុំត្រពាំងតា ស្រុកអន្លង់វែង ខេត្តឧត្តរ មានជ័យ បានផ្ដល់ព័ត៌មានឲ្យកម្ពុជាថ្មីដឹងថា មានកំលាំងប្រដាប់អាវុធ គឺជាទាហាននិងក្រុមបរិស្ថាន ផងនោះ បានទារប្រាក់ពីពួកគាត់ដែលកាប់ឈើនៅតាមក្បាលស្រែ ដើម្បីយកទៅដុតធ្វើធ្យូង។ នៅ ពេលកាប់បានហើយ ពេលដឹកតាមគោយន្តកន្រ្តៃ ក្រុមទាហាននិងមន្រ្តីបរិស្ថាន តែងតែទារលុយពី ពួកគាត់ បើគ្មានប្រាក់ទេពួកគេអាចយកជាមាន់ ទា ជំនួសក៏បាន។

ប្រជាពលរដ្ឋមួយក្រុមរស់នៅភូមិអូរស្រម៉ បានរៀបរាប់ប្រាប់កម្ពុជាថ្មីថា ប្រជាពលរដ្ឋជាទូទៅ នៅភូមិនេះជាកសិករ ធ្វើស្រែចំការ ឯខ្លះមានដីតែគ្មានលទ្ធភាព មានគោក្របី ឬគោយន្តភ្ជួរដីស្រែ នោះទេ រំពឹងកាប់ឈើអុស ទៅដុតធ្យូង ហើយឈើទាំងនោះមិនមែនទៅកាប់ក្នុងព្រៃហាមឃាត់ទេ គឺកាប់តាមព្រៃដីស្រែចំការផងខ្លួនតែប៉ុណ្ណោះ។

ពាក់ព័ន្ធនឹងបញ្ហាខាងលើ ប្រជាពលរដ្ឋសូមសំណូមពរទៅដល់ទាហាន ដែលបានធ្វើសកម្ម ភាពទារប្រាក់បង់ថ្លៃគោយន្តដឹកឈើទាំងនោះ មេត្តាយោគយល់ដល់ពួកគាត់ផង ហើយពួកគាត់ សំណូមពរដល់អ្នកទទួលខុសត្រូវ មេអង្គភាពឲ្យបានដឹងនូវទង្វើរបស់ក្រុមទាហានជាបុគ្គល ដែលបានធ្វើសកម្មភាពជំរិតទារប្រាក់ពីពួកគាត់៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៧ ខែកញ្ញា ឆ្នាំ២០១០ មានចំនួន៩លើក ស្លាប់២នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៧ ខែកញ្ញា កើតឡើងចំនួន៩លើក បណ្ដាលឲ្យមនុស្សស្លាប់ ២នាក់(ប្រុស) រងរបួសធ្ងន់១០នាក់(ប្រុស៩) របួសស្រាល៤នាក់(ប្រុស)។ គ្រោះថ្នាក់ចរាចរសម្រាប់ថ្ងៃទី៧ ខែកញ្ញានេះ បើប្រៀបធៀបថ្ងៃទី៦ ខែកញ្ញាកន្លងទៅឃើញថា មានសភាពថយចុះ៣លើកនិងអ្នកស្លាប់មានការថយចុះ៤នាក់៕