ឡានស្ទួចបើកទាក់ខ្សែភ្លើងធ្លាក់ពេញផ្លូវធ្វើឲ្យអ្នកដំណើរភ័យខ្លាច

ព្រហស្បតិ, 04 កុម្ភៈ 2010 14:44

ភ្នំពេញ ៖ រថយន្តស្ទួចដ៏ធំ១គ្រឿងត្រូវបានប៉ូលិសមូលដ្ឋានឃាត់ភ្លាមៗក្រោយពេលរថយន្ត នោះ បានបើកទាក់ខ្សែភ្លើងបណ្ដាលឲ្យដាច់ធ្លាក់ពេញផ្លូវធ្វើឲ្យអ្នកធ្វើដំណើរកកស្ទះនិងខ្លាចឆក់ គ្រប់គ្នា។

ហេតុការណ៍នោះបានកើតឡើង កាលពីវេលាម៉ោង១១ព្រឹក ថ្ងៃទី០៣ ខែកុម្ភៈ ឆ្នាំ២០១០ នៅ ចំណុចសណ្ឋាគារខាសល ដែលមានទីតាំងផ្លូវលេខ១៤៨ កែងផ្លូវព្រះស៊ីសុវត្ថិ ក្នុងសង្កាត់ផ្សារ កណ្ដាលទី១ ខណ្ឌដូនពេញ រាជធានីភ្នំពេញ។

រថយន្តដែលបង្កហេតុនោះម៉ាក CONDOR ប្រភេទរថយន្តកូរ៉េពាក់ផ្លាកលេខភ្នំពេញ 5A 0390 បើកបរដោយបុរសម្នាក់ដែលព្យាយាមមិនព្រមប្រាប់អត្តសញ្ញាណឡើយ ហើយអ្នកបើកបររូបនោះ រួមទាំងរថយន្តបង្កត្រូវបានប៉ូលិសមូលដ្ឋានឃាត់ភ្លាមៗផងដែរ។

ប្រភពព័ត៌មានពីប្រជាពលរដ្ឋដែលនៅកន្លែងកើតហេតុនោះបានឲ្យដឹងថា នៅមុនពេលកើត ហេតុគេបានឃើញរថយន្តស្ទួចដ៏ធំ១គ្រឿង បើកដឹកម៉ាស៊ីនបោះពុម្ពដោយធ្វើដំណើរតាមផ្លូវលេខ ១៤៨ ពីលិចមកកើត លុះមកដល់ចំណុចមុខសណ្ឋាគារ CASTLE ក៏បានដាច់ខ្សែភ្លើង និងប្រមោយ ដងស្ទួច បណ្ដាលឲ្យខ្សែភ្លើងជាច្រើនសរសៃត្រូវធ្លាក់កាត់ទទឹងផ្លូវធ្វើឲ្យអ្នកដំណើរក៏ដូចជាអ្នកជិតខាងនាំគ្នាភ័យខ្លាចឆក់គ្រប់គ្នា។

ប្រភពព័ត៌មានបានបន្តទៀតថា ក្រោយពេលមានហេតុការណ៍នោះកើតឡើងរួចមក ប៉ូលិស មូលដ្ឋានបានចុះមកកន្លែងកើតហេតុ ដើម្បីសំរួលចរាចរ និងហាមឃាត់មិនឲ្យអ្នកដំណើរធ្វើការឆ្លង កាត់ ពីព្រោះខ្លាចខ្សែភ្លើងឆក់ ហើយបន្ទាប់មកប៉ូលិសមូលដ្ឋានបានរាយការណ៍ទៅជំនាញអគ្គិសនី បានចុះមកបិទភ្លើងនិងធ្វើការតឡើងវិញផងដែរ៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៤ ខែកញ្ញា ឆ្នាំ២០១០ មានចំនួន១០លើក ស្លាប់៤នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៤ ខែកញ្ញា កើតឡើងចំនួន១០លើក បណ្ដាលឲ្យមនុស្សស្លាប់ ៤នាក់(ប្រុស) រងរបួសធ្ងន់៩នាក់(ប្រុស៧) របួសស្រាល៣នាក់(ប្រុស១)។ គ្រោះថ្នាក់ចរាចរសម្រាប់ថ្ងៃទី៤ ខែកញ្ញានេះ បើប្រៀបធៀបថ្ងៃទី៣ ខែកញ្ញាកន្លងទៅឃើញថា មានសភាពកើនឡើង២លើកនិងអ្នកស្លាប់មានការកើនឡើងម្នាក់៕