សម្ដេចនាយករដ្ឋមន្រ្តីទទួលជួបក្រុមហ៊ុនវិនិយោគអគ្គិសនីមកពីប្រទេសចិន

សុក្រ, 05 កុម្ភៈ 2010 14:28

ភ្នំពេញ ៖ សមេ្ដចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រ កម្ពុជា បានអនុញ្ញាតឲ្យលោក SI ZEFI ប្រធានក្រុមហ៊ុន DONG FANG ELECTRIC COOPERTION ចូលជួបសំដែងការគួរសម នារសៀលថ្ងៃទី០៣ ខែកុម្ភៈ ឆ្នាំ២០១០ នៅគេហដ្ឋានរាជធានីភ្នំពេញ។

លោកអ៊ាង សុផល្លែត ជំនួយការសម្ដេចនាយករដ្ឋមន្ត្រីបានប្រាប់អ្នកយកព័ត៌មាន ក្រោយជំនួបនោះថា លោក SI ZEFI បានជំរាបសម្ដេចនាយករដ្ឋមន្ត្រីថា លោកធ្លាប់បានមកកាន់ប្រទេស កម្ពុជា លើកដំបូងនៅឆ្នាំ២០០៦ ហើយនៅពេលនេះលោកបានកត់សំគាល់ឃើញថា ប្រទេសកម្ពុជា ពិសេសរាជធានីភ្នំពេញមានការអភិវឌ្ឍន៍យ៉ាងខ្លាំងលើវិស័យសំណង់ ដោយមានអគារខ្ពស់ៗ ដែល នេះបានបង្ហាញឲ្យឃើញថា កម្ពុជាកំពុងតែត្រូវការចាំបាច់នូវអគ្គិសនី។ លោកបានបន្តថា ក្រុមហ៊ុន របស់លោក គឺជាក្រុមហ៊ុនដ៏ធំមួយ ដែលផលិតម៉ាស៊ីននិងបរិក្ខារផេ្សងៗទៀត ដើម្បីបំរើឲ្យរោងចក្រ អគ្គិសនី លោកក៏មានបំណងពិភាក្សាក្នុងការអភិវឌ្ឍន៍អគ្គិសនីនៅក្នុងព្រះរាជាណាចក្រកម្ពុជា។

ជាការឆ្លើយតប សមេ្ដចនាយករដ្ឋមន្ត្រីបានសំដែងការរីករាយចំពោះគោលគំនិតនៃការសិក្សា លើបញ្ហាអគ្គិសនី ដែលប្រើប្រាស់ពន្លឺព្រះអាទិត្យ និងថាមពលខ្យល់នោះ ហើយសម្ដេចក៏បាន ស្វាគមន៍ចំពោះការសិក្សានេះ ដើម្បីធ្វើយ៉ាងណាអាចឈានទៅដល់ការអភិវឌ្ឍន៍អគ្គិសនី ដែលប្រើ ប្រាស់ដោយពន្លឺព្រះអាទិត្យ និងថាមពលខ្យល់នោះ។ សម្ដេចក៏បានណែនាំឲ្យក្រុមហ៊ុនធ្វើការជាមួយលោកស៊ុយ សែម ជាពិសេសក្នុងករណីមួយដែលក្រុមហ៊ុនលើកឡើងថា ក្រុមហ៊ុនមានលទ្ធភាព ដើម្បីធ្វើការអភិវឌ្ឍន៍ដាក់វិនិយោគលើការតបណ្ដាញអគ្គិសនីនៅទូទាំងប្រទេសតែម្ដង ព្រោះថា កម្ពុជាយើងពុំមានបណ្ដាញអគ្គិសនីថ្នាក់ជាតិនៅឡើយទេ៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៤ ខែកញ្ញា ឆ្នាំ២០១០ មានចំនួន១០លើក ស្លាប់៤នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៤ ខែកញ្ញា កើតឡើងចំនួន១០លើក បណ្ដាលឲ្យមនុស្សស្លាប់ ៤នាក់(ប្រុស) រងរបួសធ្ងន់៩នាក់(ប្រុស៧) របួសស្រាល៣នាក់(ប្រុស១)។ គ្រោះថ្នាក់ចរាចរសម្រាប់ថ្ងៃទី៤ ខែកញ្ញានេះ បើប្រៀបធៀបថ្ងៃទី៣ ខែកញ្ញាកន្លងទៅឃើញថា មានសភាពកើនឡើង២លើកនិងអ្នកស្លាប់មានការកើនឡើងម្នាក់៕