តំបន់ព្រៃស្អាក កំពុងទទួលរងការកាប់បំផ្លាញយកដីធ្វើកម្មសិទ្ធិ

សៅរ៍, 06 កុម្ភៈ 2010 17:28

ឧត្ដរមានជ័យ ៖ បច្ចុប្បន្ននេះនៅក្នុងភូមិសាស្រ្ត ព្រៃស្អាក ស្រុកអន្លង់វែង ខេត្តឧត្តរមានជ័យ បាននិងកំពុងតែកើតមានចលនាកាប់រានដីព្រៃរដ្ឋ ដើម្បីយកធ្វើ កម្មសិទ្ធិ។

តាមប្រភពព័ត៌មានបានឲ្យដឹងថា បើគេធ្វើដំណើរទៅដល់តំបន់ព្រៃស្អាក នៃទឹកដីស្រុកអន្លង់ វែង គេសង្កេតឃើញនៅតាមដងផ្លូវមានខ្ទមតូចៗ រាប់សិបកន្លែង ដែលកន្លែងខ្ទមខ្លះសាងសង់ទុកពី មុនមក ហើយកន្លែងខ្លះទៀត ទើបតែសាងសង់ថ្មីៗ។ ប្រភពព័ត៌មានបានបញ្ជាក់ទៀតថា ខ្ទមតូចៗ ប្រក់ស្បូវទាំងនោះសុទ្ធតែមានម្ចាស់កម្មសិទ្ធិទាំងអស់។

កត្តាទាំងនេះ អាជ្ញាធរដែនដីគួរតែមានវិធានការទប់ស្កាត់ ដើម្បីកុំឲ្យកើតមានបន្តទៀត ដោយ ហេតុថា តំបន់នោះគឺជាតំបន់ដីព្រៃរបស់រដ្ឋ ដែលត្រូវអភិរក្ស ជាពិសេសប្រជាពលរដ្ឋដែលជាម្ចាស់ ខ្ទមស្បូវទាំងនោះគួរតែធ្វើការពិចារណា ឡើងវិញ ព្រោះទង្វើបែបនេះមិនត្រឹមត្រូវនោះទេ ពោលគឺវា ធ្វើឲ្យប៉ះពាល់យ៉ាងខ្លាំងពាក់ព័ន្ធទៅនឹងច្បាប់រដ្ឋបាលព្រៃឈើ ដូចបងប្អូនប្រជាពលរដ្ឋទាំងអស់ បាន ឃើញគ្រប់ៗគ្នាហើយថា នៅតាមដើមឈើនាតំបន់ព្រៃស្អាកនេះ គឺគេមានសរសេរស្លាកសញ្ញាដាក់ ថាដីព្រៃរបស់រដ្ឋ ចុះហេតុអ្វីបានជាបងប្អូននៅតែនាំគ្នាធ្វើយ៉ាងដូច្នេះទៅវិញ។

តាមប្រភពព័ត៌មានពីមន្ត្រីរដ្ឋបាលព្រៃឈើអន្លង់វែង បាននិយាយថាតាមពិតទៅជានិច្ចកាល ទាំងអាជ្ញាធរដែនដី ទាំងមន្ត្រីជំនាញដែលពាក់ព័ន្ធ ជាពិសេសមន្ត្រីរដ្ឋបាលព្រៃឈើតែងតែចុះធ្វើការ ណែនាំ ហាមឃាត់ប្រជាពលរដ្ឋ ដើម្បីកុំឲ្យកាប់រានដីព្រៃរដ្ឋយកធ្វើកម្មសិទ្ធិ ប៉ុន្តែទោះបីជាបែបនេះ ក៏ដោយក៏នៅតែសង្កេតឃើញសកម្មភាពទាំងនេះ នៅតែកើតមានជាដដែល។

ពាក់ព័ន្ធទៅនឹងរឿងរ៉ាវខាងលើនេះ លោកអភិបាលស្រុកអន្លង់វែង បានប្រាប់កម្ពុជាថ្មីថា កន្លងមកក៏ដូចជាសព្វថ្ងៃនេះ អាជ្ញាធរស្រុកក៏ដូចជា មន្ត្រីរដ្ឋបាលព្រៃឈើអន្លង់វែង បានចុះធ្វើការ ណែនាំជាញឹកញាប់ដល់ប្រជាជនទាំងនោះ រហូតដល់ឲ្យអាជ្ញាធរឃុំរៀបចំដីមួយចំនួន ដែលមិន ពាក់ព័ន្ធទៅនឹងដីព្រៃរដ្ឋ ដើម្បីធ្វើការដោះដូរឲ្យប្រជាពលរដ្ឋរស់នៅ ប៉ុន្តែវិធានការនេះមិនត្រូវបាន ប្រជាពលរដ្ឋធ្វើតាមនោះឡើយ៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៤ ខែកញ្ញា ឆ្នាំ២០១០ មានចំនួន១០លើក ស្លាប់៤នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៤ ខែកញ្ញា កើតឡើងចំនួន១០លើក បណ្ដាលឲ្យមនុស្សស្លាប់ ៤នាក់(ប្រុស) រងរបួសធ្ងន់៩នាក់(ប្រុស៧) របួសស្រាល៣នាក់(ប្រុស១)។ គ្រោះថ្នាក់ចរាចរសម្រាប់ថ្ងៃទី៤ ខែកញ្ញានេះ បើប្រៀបធៀបថ្ងៃទី៣ ខែកញ្ញាកន្លងទៅឃើញថា មានសភាពកើនឡើង២លើកនិងអ្នកស្លាប់មានការកើនឡើងម្នាក់៕