ចូលផ្ទះគេប៉ងលួចទ្រព្យសម្បត្តិ ត្រូវម្ចាស់គេទាន់ដេញចាប់វាយទ្រមខ្លួន រួចទើបប្រគល់ឲ្យ

សៅរ៍, 06 កុម្ភៈ 2010 17:34

ភ្នំពេញ ៖ បុរសម្នាក់ត្រូវបានគេចាប់វាយទ្រោមខ្លួន រួចទើបយកមកប្រគល់ឲ្យប៉ូលិសមូលដ្ឋាន ចាត់ការបន្តដោយចោទប្រកាន់ថា បុរសរូបនោះ បានផ្លោះរបងចូលមកប៉ងលួចទ្រព្យសម្បត្តិនៅក្នុង ផ្ទះ...។

ហេតុការណ៍នេះបានកើតឡើង កាលពីវេលាម៉ោងប្រហែល៣យប់ នាថ្ងៃទី០៤ ឈានចូលថ្ងៃ ទី០៥ ខែកុម្ភៈ ឆ្នាំ២០១០ នៅចំណុចផ្ទះលេខ៩៩B ផ្លូវលំ ក្រុមទី២ ភូមិសេប៉េសេ(CPC) សង្កាត់ទឹកថ្លា ខណ្ឌសែនសុខ រាជធានីភ្នំពេញ។

ជនជាប់ចោទដែលត្រូវបានប៉ូលិសឃាត់ខ្លួនខាងលើ ឈ្មោះយ៉ែម ភក្ដី ភេទប្រុស អាយុ២៦ឆ្នាំ គ្មានមុខរបរពិតប្រាកដ ស្នាក់នៅផ្ទះជួលមួយកន្លែង ក្នុងភូមិចុងថ្នល់ខាងលិច ស្ថិតក្នុងសង្កាត់ទឹកថ្លា ខណ្ឌសែនសុខ។ ប៉ូលិសនិយាយថា សមត្ថកិច្ចបានឃាត់ខ្លួនជនជាប់ចោទតាមបណ្ដឹងរបស់ជនរង គ្រោះ ឈ្មោះកង វិចិត្រ ភេទប្រុស អាយុ១៩ឆ្នាំ ស្នាក់នៅផ្ទះកើតហេតុ ប្រកបមុខរបរលក់ដូរ។ ប៉ូលិសបញ្ជាក់ថា យោងតាមការអះអាងរបស់ជនរងគ្រោះបានឲ្យដឹងថា នៅមុនពេលកើតហេតុ នៅ វេលាម៉ោងប្រហែល៣ទៀបភ្លឺ ស្រាប់តែមានមនុស្ស(ជនល្មើសខាងលើ) ផ្លោះរបងចូលមកក្បែរផ្ទះ ពេលនោះក៏មានគេស្រែកចោរៗ ជនល្មើសក៏រត់ចេញក្រៅរបងវិញ ហើយអ្នកជិតខាងនិងក្រុមគ្រួសារដេញតាមចាប់ ខ្លួនបានភ្លាមៗ ដោយវាយតប់ឲ្យទ្រោមខ្លួន រត់លែងរួចទើបយកមកប្រគល់ឲ្យ ប៉ូលិសប៉ុស្ដិ៍ទឹកថ្លាចាត់ការ។

ជនជាប់ចោទបានសារភាពថា រូបគេពិតជាបានធ្វើសកម្មភាព ផ្លោះរបងចូលទៅប៉ងលួចទ្រព្យ សម្បត្តិគេ នៅក្នុងផ្ទះនោះពិតមែន ប៉ុន្តែចំថ្ងៃស៊យពុំទាន់បានលួចយកទ្រព្យសម្បត្តិអ្វីផង ក៏ត្រូវម្ចាស់គេទាត់វាយតប់ជាំភ្នែក និងឈឺពេញដងខ្លួនទើបយកមកប្រគល់ឲ្យប៉ូលិស៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៤ ខែកញ្ញា ឆ្នាំ២០១០ មានចំនួន១០លើក ស្លាប់៤នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៤ ខែកញ្ញា កើតឡើងចំនួន១០លើក បណ្ដាលឲ្យមនុស្សស្លាប់ ៤នាក់(ប្រុស) រងរបួសធ្ងន់៩នាក់(ប្រុស៧) របួសស្រាល៣នាក់(ប្រុស១)។ គ្រោះថ្នាក់ចរាចរសម្រាប់ថ្ងៃទី៤ ខែកញ្ញានេះ បើប្រៀបធៀបថ្ងៃទី៣ ខែកញ្ញាកន្លងទៅឃើញថា មានសភាពកើនឡើង២លើកនិងអ្នកស្លាប់មានការកើនឡើងម្នាក់៕