សមេ្ដចហ៊ុន សែន ៖ កម្ពុជាគ្មានតំបន់ត្រួតស៊ីគ្នា៤.៦នោះទេ

អាទិត្យ, 07 កុម្ភៈ 2010 09:29

ភ្នំពេញ ៖ នៅក្នុងពិធីសម្ពោធទីបញ្ជាការកងពលធំអន្តរាគមន៍លេខ៣ នាព្រឹកថ្ងៃទី៦ ខែកុម្ភៈ ឆ្នាំ២០១០ សម្ដេចអគ្គមហាសេនាបតីតេជោ ហ៊ុន សែន នាយឧត្តមសេនីយ៍ផុតលេខផ្កាយមាស៥ នាយករដ្ឋមន្ត្រីនៃ ព្រះរាជាណាចក្រកម្ពុជា មានប្រសាសន៍ថា កម្ពុជាគ្មានតំបន់ត្រួតស៊ីគ្នា៤.៦គីឡូម៉ែត្រនោះទេ គឺមានតែទឹកដីដែលកងទ័ពថៃឈ្លានពានកាន់កាប់តែប៉ុណ្ណោះ។

សម្ដេចនាយករដ្ឋមន្ត្រីថ្លែងថា អាប់ភីស៊ីត នាយករដ្ឋមន្ត្រីថៃបាននិយាយថា មុនពេលនាយក រដ្ឋមន្ត្រីកម្ពុជាហ៊ុន សែន ទស្សនកិច្ចតំបន់៤.៦ ត្រូវតែធ្វើការចរចាជាមួយថៃសិន។ ខ្ញុំសុំប្រាប់ទៅអាប់ភីស៊ីតឲ្យបានច្បាស់ទីមួយ៤.៦នៅឯណា ជាផែនទីដែលកងទ័ពឈ្លានពានគូសតែប៉ុណ្ណោះ។ កម្ពុជាមិនដែលទទួល ស្គាល់នូវផែនទីឯកតោភាគីរបស់ថៃម្ដងណាទេ ដូច្នេះកម្ពុជាគ្មានតំបន់ត្រួតស៊ី គ្នា៤.៦នោះទេ គឺមានតែទឹកដីដែលកងទ័ពថៃឈ្លានពានកាន់កាប់តែប៉ុណ្ណោះ សូមប្រាប់ទៅអ្នកឲ្យ ច្បាស់។ កម្ពុជាគោរពផែនទីដែលបន្សល់ទុកដោយអនុសញ្ញា និងសន្ធិសញ្ញាបារាំង-សៀម ១៩០៤- ១៩០៧ ហើយដែលតុលាការអន្តរជាតិទីក្រុងឡាអេ បានកាត់ក្ដីដោយភ្ជាប់ទៅនឹងឧបសម្ព័ន្ធ។ ទីពីរ ហេតុអ្វី បានជាតំរូវឲ្យមានការចរចា បើខ្ញុំអត់មានទំនាស់ជាមួយលោកលើបញ្ហាផែនទី លើបញ្ហា.... បើ ការចរចាណាមួយកើតឡើងគ្រាន់តែចរចាឲ្យកងទ័ពរបស់លោកដកតែប៉ុណ្ណោះ ខ្ញុំអត់មានរឿងអ្វីត្រូវ ដកទេ! ខ្ញុំអត់ត្រូវការចរចាជាមួយលោកឯងទេពីរឿងតំបន់៤.៦ ព្រោះខ្ញុំមិនដែលទទួលស្គាល់ថា អាហ្នឹងជាបញ្ហានោះទេ។

សម្ដេចនាយករដ្ឋមន្ត្រីបន្តថា ស៊ូថេប បាននិយាយថា ចាត់ឲ្យអភិបាលខេត្តស៊ីសាកេត និងមេ បញ្ជាការភូមិភាគទី២របស់ថៃមកធ្វើបដិសណ្ឋារកិច្ចចំពោះនាយករដ្ឋមន្ត្រីហ៊ុន សែន តើជាការគួរឲ្យ ខ្មាសអៀនទេ នៅពេលដែលនាយករដ្ឋមន្ត្រីប្រទេសមួយធ្វើដំណើរសួរសុខទុក្ខកងទ័ពនិងប្រជាជន ក្នុងទឹកដីរបស់ ខ្លួនបែរជាតំរូវឲ្យមានអភិបាលខេត្ត និងមេបញ្ជាការភូមិភាគរបស់ថៃមកធ្វើ បដិសណ្ឋារ កិច្ចលើទឹកដីកម្ពុជា។ ឧបនាយករដ្ឋមន្ត្រីស៊ូថេប ត្រូវពិនិត្យសំដីខ្លួនឯងឡើងវិញឲ្យច្បាស់។ ខ្ញុំមាន អភិបាលខេត្តព្រះវិហារ ខ្ញុំមានមេបញ្ជាការយោធភូមិភាគទី៤របស់ខ្ញុំហើយដីរបស់ខ្ញុំគ្មានការចាំបាច់ ដើម្បីឲ្យលោកមក ស្វាគមន៍ខ្ញុំលើទឹកដីខ្មែរទេ! លោកចង់ប្រើប្រាស់បដិសណ្ឋារកិច្ចរបស់លោកចំពោះខ្ញុំនៅវត្តកែវសិក្ខាគីរីស្វារៈ ដើម្បីឲ្យខ្ញុំទទួលស្គាល់ថា លោកជាម្ចាស់កម្មសិទ្ធិតែប៉ុណ្ណោះ ឬ សហគមន៍សិទ្ធិតែប៉ុណ្ណោះ ខ្ញុំស្គាល់ក្រយៅរបស់លោក។ ឥឡូវចង់មកក៏មកទៅខ្ញុំមកលើប្រាសាទ ព្រះវិហារ ខ្ញុំអត់ត្រូវការជួបលោកឯងនៅវត្តកែវសិក្ខាគីរីស្វារៈនោះទេ។

សម្ដេចគូសបញ្ជាក់ទៀតថា នេះជារបៀបឧបាយកលដ៏ខ្មៅកខ្វក់ ដែលមកស្វាគមន៍នាយក រដ្ឋមន្ត្រីកម្ពុជា លើទឹកដីកម្ពុជា អ្នកឯងកុំស្មានថា ហ៊ុន សែនឆោតល្ងង់ ហើយកុំមើលងាយប្រជាជន កម្ពុជាថាអ្នកឆោតល្ងង់។ កងទ័ពក្ដីនិងសារព័ត៌មានក្រៅប្រទេសមួយចំនួនថា ទស្សនកិច្ចរបស់លោក ហ៊ុន សែន ពេលនេះដូចជា ពេលវេលាមិនសមស្របមិនសមរម្យ! តើខ្ញុំជានាយករដ្ឋមន្ត្រីរបស់ប្រទេសអ្នកឯងឬជានាយករដ្ឋមន្រ្តីប្រទេសកម្ពុជាមួយឯករាជ្យ។ បើខ្ញុំជា នាយករដ្ឋមន្ត្រីថៃ ទើបអ្នកឯង មានសិទ្ធិនិយាយថា ពេលនេះស្របឬពេលនេះមិនស្រប តែខ្ញុំជានាយករដ្ឋមន្ត្រីកម្ពុជា ខ្ញុំចង់ទៅទី ណាស្រេចតែខ្ញុំ មិនមែនស្រេចលោកឯងទេ។ ខ្ញុំចង់នៅពេលណាស្រេចតែខ្ញុំ មិនមែនស្រេចលោក ឯងទេ។ បើអ្នកឯងកុំលើកពីម្សិលមិញ និងម្សិលម្ង៉ៃគ្មានរឿងខ្ញុំឆ្លើយតបថ្ងៃនេះទេ។ ដូច្នេះ ពីម្សិលមិញនេះ បង្ហាញឲ្យឃើញបំណងអាក្រក់ការចិញ្ចឹមមហិច្ឆតាឈ្លានពានទឹកដីកម្ពុជាគ្មានទីបញ្ចប់ ដូច្នេះបានជាយើងត្រូវពង្រឹងសមត្ថភាព កងទ័ព ខ្ញុំអនុញ្ញាតឲ្យប្រើមិនថា៣ម៉ឺននាក់ ឬត្រូវការកំលាំង លើសពីនេះក៏អនុញ្ញាតឲ្យប្រើ តែយើងមិនចង់ច្បាំងទេ តែបើសភាពការណ៍បង្ខំឲ្យច្បាំងយើងគ្មាន ជំរើសដទៃទៀតទេ។ គេថាឲ្យក្រសួងការបរទេសមកស្វាគមន៍ខ្ញុំ... តាមពិតអាចោរលួចដីឯងសោះ! សំណាងហើយដែលយើងអត់ធ្មត់ទុកអាយុ១០នាក់អត់អាវុធឲ្យនៅត្រង់ហ្នឹង ឥឡូវនេះខ្ញុំបានប្រាប់ ទាំងអាប់ភីស៊ីត ខ្ញុំថាទុកធ្វើអ្វីអា១០នាក់នៅវត្តដកចេញទៅ រួចហើយបើកទេសចរឡើងវិញ ឥឡូវ អ្នកឯងមិនធ្វើក៏ហីទៅ ខ្ញុំរង់ចាំកំដរជូនជានិច្ច។ សូមអាប់ភីស៊ីត ស្ដាប់ឲ្យបានហ៊ុន សែន នៅទីនេះ បញ្ជាទ័ពបញ្ជាកំលាំងប្រដាប់អាវុធ បញ្ជាឆ្វេងៗ ស្ដាំៗខុសពីលោក! ច្បាស់ឲ្យហើយ៕