លោកឧកញ៉ា ឧត្ដមសេនីយ៍ទោ ឌឿន សុវណ្ណ បាននាំយកអំណោយជូនកងទ័ពនៅតំបន់ប្រាសាទ ព្រះវិហារ

លោកឧកញ៉ា ឧត្ដមសេនីយ៍ទោ ឌឿន សុវណ្ណ បាននាំយកអំណោយជូនកងទ័ពនៅតំបន់ប្រាសាទ ព្រះវិហារ

ច័ន្ទ, 08 កុម្ភៈ 2010 17:08

ភ្នំពេញ ៖ ដើម្បីជាការលើកទឹកចិត្តនិងមានសន្តានចិត្តស្រឡាញ់ជាតិផង លោកឧកញ៉ា ឧត្ដម សេនីយ៍ទោ ឌឿន សុវណ្ណ ទីប្រឹក្សាក្រសួងមហាផ្ទៃ និងលោកស្រី រួមទាំងសាច់ញាតិក្រុមគ្រួសារ បាននាំយកនូវ អំណោយ និងថវិកាផ្ទាល់ខ្លួនរបស់លោកយកទៅចែក ជូនដល់កងទ័ពកម្ពុជា ដែល កំពុងឈរជើងការពារបូរណភាពទឹកដីកម្ពុជា នៅតំបន់ប្រាសាទព្រះវិហារ។ ទោះបីលោកមិនបាន ចេញទៅការពារនៅសមរភូមិដោយផ្ទាល់ដៃ ក៏លោកបានជួយជ្រោមជ្រែងដល់កងទ័ពយើងបានមួយ ផ្នែកដែរ។

អំណោយនិងថវិកាទាំងនោះត្រូវបានលោកឧកញ៉ា ឧត្តមសេនីយ៍ទោ ឌឿន សុវណ្ណ យកទៅ ប្រគល់ជូនដល់លោកឧត្តមសេនីយ៍ឯក ហ៊ីង ប៊ុនហៀង អគ្គមេបញ្ជាការរងកងយោធពលខេមរភូមិន្ទ និងជាប្រធានអង្គរក្សសម្ដេចអគ្គ មហាសេនាបតីតេជោ ហ៊ុន សែន នាយករដ្ឋមន្ត្រិ នៃព្រះរាជាណា ចក្រកម្ពុជា កាលពីថ្ងៃទី០៣ ខែកុម្ភៈ ឆ្នាំ២០១០ ព្រមទាំងមាននាយទាហានជាន់ខ្ពស់ និងកងទ័ព កម្ពុជាជាច្រើនរូបទៀត បានទទួលស្វាគមន៍ក្នុងទឹកចិត្តសប្បាយរីករាយយ៉ាងក្រៃលែង។

លោកឧកញ៉ា ឧត្ដមសេនីយ៍ទោឌឿន សុវណ្ណ បានថ្លែងក្នុងពិធីប្រគល់អំណោយនោះថា ថ្នាក់ ដឹកនាំកំពូលៗនៃប្រទេសកម្ពុជា បានយកចិត្តទុកដាក់ខ្លាំងណាស់ ចំពោះកងទ័ពកម្ពុជាដែលកំពុង ឈរជើងការពារទឹកដីនៅតំបន់ប្រាសាទព្រះវិហារ។ ប៉ុន្តែ ដើម្បីបំពេញបន្ថែមទៀត ជាការលើកទឹក ចិត្តដល់កងទ័ព និងមានសន្ដានចិត្តស្រឡាញ់ជាតិផង ទើបរូបលោកនិងភរិយា រួមទាំងសាច់ញាតិ ក្រុមគ្រួសារផង បាននាំយកអំណោយទៅចែកជូនដល់កងទ័ពកម្ពុជា ដែលកំពុងឈរជើងនៅតំបន់ ប្រាសាទព្រះវិហារយើងនេះ។

នាឱកាសនោះដែរ លោកឧត្តមសេនីយ៍ហ៊ីង ប៊ុនហៀង បានកោតសរសើរ និងថ្លែងអំណរគុណដល់លោកឧកញ៉ា ឧត្តមសេនីយ៍ទោ ឌឿន សុវណ្ណ ដែលបានចំណាយពេលវេលាចុះមកសួរ សុខទុក្ខដល់កងទ័ពកម្ពុជា ដល់សមរភូមិមុខព្រមទាំងជួយផ្ដល់ស្បៀង និងថវិការបស់ក្រុមគ្រួសារ របស់លោកផ្ទាល់យកមកជួយឧបត្ថម្ភដល់កងទ័ពនៅតំបន់ប្រាសាទព្រះវិហារយើងនេះ។ ការជួយ ឧបត្ថម្ភក្នុងសន្ដានចិត្តជ្រះថ្លាបែបនេះ ធ្វើឲ្យកងទ័ពរបស់យើងចាត់ទុកលោក ឌឿន សុវណ្ណ ជាអ្នក សេ្នហាជាតិខ្មែរមួយរូប ដែលបានជួយឧបត្ថម្ភដល់កងទ័ពដែលកំពុងត្រូវការជួយឧបត្ថម្ភស្បៀងអា ហារបានទាន់ពេលវេលា។

សូមបញ្ជាក់ថា អំណោយដែលលោកឧកញ៉ា ឧត្ដមសេនីយ៍ទោ ឌឿន សុវណ្ណ បានជួយឧបត្ថម្ភដល់កងទ័ពកម្ពុជានៅតំបន់ប្រាសាទព្រះវិហារ កាលពីថ្ងៃទី០៣ កុម្ភៈនេះរួមមាន មីចំនួន១០០០កេស ទឹកបរិសុទ្ធ ៦០០កេស ស្រា ៤០កេស និងថវិកាចំនួន៧៥លានរៀល៕