ឡានបែនដឹកឈើអារពេញណែនមួយគ្រឿង ចេញពីស្រអែមឆ្ពោះទៅកាន់ខេត្តព្រះវិហារយ៉ាងព្រហើន

ឡានបែនដឹកឈើអារពេញណែនមួយគ្រឿង ចេញពីស្រអែមឆ្ពោះទៅកាន់ខេត្តព្រះវិហារយ៉ាងព្រហើន

ច័ន្ទ, 08 កុម្ភៈ 2010 17:40

ខេត្តព្រះវិហារ ៖ នៅស្រអែមមានបទល្មើសដឹកជញ្ជូន ឈើគ្រប់ប្រភេទចល័តពីកន្លែងមួយ ទៅកន្លែងមួយ យ៉ាងអនាធិបតេយ្យខ្លះដឹកមកកាន់ខេត្តសៀមរាប ឆ្លង កាត់ខេត្តឧត្ដរមានជ័យ តាម ច្រកអន្លង់វែងផ្លូវជាតិលេខ៦៧ ជាពិសេសឈើប្រណិតតែម្ដងដោយប្រើ ឡានកាមរី និងឡង់គ្រីស័រ ស៊េរីថ្មីទំនើបៗ ជាក់ស្ដែងមានឡានបែនដឹកឈើអារមួយគ្រឿងទៅដោយរលូន តាមផ្លូវជាតិលេខ៦២ ពីស្រអែមបន្តទៅមុខ ដើម្បីស្ដុកទុករង់ចាំឱកាសល្អដើម្បីដឹកមកកាន់ខេត្តព្រះវិហារ ដោយគ្មានមន្ត្រីមេព្រៃ ណាម្នាក់ហ៊ានសួរនាំនិងធ្វើការបង្ក្រាបឡើយ កាលពីថ្ងៃទី០៦ កុម្ភៈ ២០១០ វេលាម៉ោង៣និង ១២នាទីរសៀល។

មន្ត្រីសង្កាត់រដ្ឋបាលព្រៃឈើកន្ទួតជាំក្សាន្តមួយរូប បានឲ្យដឹងថា បទល្មើសដឹកឈើនៅតាម ដងផ្លូវរាល់ថ្ងៃភាគច្រើនមានទាហាននៅពីក្រោយខ្នង ការបង្រ្កាបចាប់បទល្មើសពុំអាចធ្វើទៅរួចទេ បើមេព្រៃធ្វើខ្លាំង បានត្រឹមប្រឈមមុខដាក់គ្នា ពីសំណាក់កំលាំងទាហានដែលមានអាវុធគ្រប់ដៃ។

រីឯតៃកុងឡានបែនដឹកឈើ និយាយថា គាត់មិនដឹងម្ចាស់ឈើជានរណាទេ គឺគាត់ដឹកស៊ីឈ្នួលគេតែប៉ុណ្ណោះ។

ប្រជាជនរស់នៅស្រអែមមួយចំនួនបាននិយាយក្នុងន័យដូចគ្នា ថាឈើនៅតំបន់នេះដឹកទៅមកបានតែទាហានទេ រីឯប្រជាជនពុំហ៊ានប្រព្រឹត្តឡើយ។ ពួកគាត់បានធ្វើការរិះគន់ថា ពួកគាត់ជា ជនស្លូតត្រង់ទន់ខ្សោយ ចង់ធ្វើផ្ទះឈើទាល់តែមានលុយទិញគឺមិនអាចចូលទៅកាប់ឈើក្នុងព្រៃ បានទេ។ គ្មានលុយគ្មានផ្ទះត្រឹមត្រូវរស់នៅទេ បានត្រឹមធ្វើខ្ទមវ៉ៃជញ្ជាំងក្ដារបួនដប់សន្លឹកប្រក់ស្បូវ រស់នៅបណ្ដោះអាសន្នតែប៉ុណ្ណោះ ខុសពីកំលាំងទាហានចូលកាប់ឈើក្នុងព្រៃបាន យ៉ាងស្រួល ដោយមន្ត្រីមេព្រៃពុំហ៊ានធ្វើអ្វី ផេ្ដសផ្ដាសឲ្យមានកំហុស ទោះបីច្បាប់បង្ក្រាបបទល្មើសព្រៃឈើ ស្ថិត នៅក្នុងដៃពួកគេយ៉ាងណាក៏ដោយគឺធ្វើបានតែពលរដ្ឋតូចតាច។

កាលពីថ្ងៃទី០៦ ខែកុម្ភៈ ២០១០ សម្ដេចអគ្គមហាសេនាបតីតេជោ ហ៊ុន សែន បានថ្លែងក្នុង ពិធីសម្ពោធទីបញ្ជាការកងពលធំអន្តរាគមន៍លេខ៣ ដោយម៉ឺងម៉ាត់ថា កងទ័ពត្រូវនៅឲ្យឆ្ងាយពីបទ ល្មើសព្រៃឈើ កុំកាប់ឈើ កុំដឹកឈើ រកមុខមេខ្លោងបំផ្លាញព្រៃឈើឲ្យឃើញ កងទ័ពត្រូវចូលរួម សហការជាមួយមន្ត្រីជំនាញដើម្បីទប់ស្កាត់ការកាប់បំផ្លាញព្រៃឈើ កាប់ទន្រ្ទានព្រៃឈើរាប់រយ ហិក តាយកធ្វើជាកម្មសិទ្ធិផ្ទាល់ខ្លួន៕