កំពុងអង្គុយមើលទូរទស្សន៍ត្រូវគេលបបាញ់ស្លាប់ម្នាក់របួសម្នាក់

ច័ន្ទ, 08 កុម្ភៈ 2010 18:37

ខេត្តស្វាយរៀង ៖ មានករណីលបបាញ់ប្រហារមួយបានកើតឡើង កាលពីថ្ងៃទី៧ ខែកុម្ភៈ ឆ្នាំ២០១០ វេលាម៉ោង ៧និង៣០នាទីយប់ នៅផ្ទះជនរងគ្រោះ។ ហេតុការណ៍ករណីជនមិនស្គាល់ មុខលបបាញ់ប្រហារនោះ បានកើតឡើងក្នុងភូមិសាស្រ្តភូមិស្វាយគុយ ឃុំមេស ថ្ងក ស្រុកចន្រ្ទា ខេត្ត ស្វាយរៀង។

បុរសរងគ្រោះត្រូវស្លាប់ ក្នុងអំពើលបបាញ់ប្រហារពីជនមិនស្គាល់មុខនោះ ឈ្មោះ ផល សារិន ភេទប្រុស អាយុ៤៩ឆ្នាំ ត្រូវឃាតកបាញ់ត្រូវមួយគ្រាប់ចំកណ្ដាលដើមទ្រូងខាងឆ្វេង បៀមគ្រាប់ និង ជនរងគ្រោះទី២ ដែលត្រូវជាក្មួយឈ្មោះសុខ សំអន ភេទស្រី អាយុ២១ឆ្នាំ ធ្វើការនៅរោងចក្រ ឃីងមែកឃ័រ (KING MAKER)។

បើតាមសំដីជនរងគ្រោះ ឈ្មោះសុខ សំអន បានឲ្យដឹងថា នៅពេលកើតហេតុនោះរូបនាង ស្មានថា ផ្ទុះធុងអាគុយប៉ុន្តែដល់ក្រឡេកមើលទៅពូក៏ឃើញដួលបាត់មាត់បាត់ក ហើយក៏ប្រុងស្ទុះទៅមើល ក៏ឮសម្លេងផ្ទុះផូងម្តងទៀត ត្រូវជើងរបស់ខ្លួន ក្រោមជង្គង់ស្ដាំ ពេលនោះទើបដឹងថា គេលួចបាញ់ ក៏ស្រែកឆោឡោឲ្យអ្នកភូមិជួយ ពេលនោះឃាតកនោះក៏រត់ទៅតាមក្រោយផ្ទះបាត់ទៅ។

ចំពោះមូលហេតុ ដែលត្រូវជនមិនស្គាល់មុខលួចបាញ់នោះ នាងបានឲ្យដឹងថា ៖ រូបនាងពុំ ធ្លាប់ឈ្លោះប្រកែកឬមានគំនុំជាមួយអ្នកណានោះទេ ចំណែកពូរបស់នាងឈ្មោះផល សារិន កន្លង មកពុំធ្លាប់មានទំនាស់ជាមួយអ្នកណានោះទេ ព្រោះគាត់មានជម្ងឺរ៉ាំរ៉ៃក្នុងខ្លួន ធ្វើអ្វីមិនកើតទេ នៅតែ ផ្ទះប៉ុណ្ណោះ។ ប៉ុន្តែក៏ធ្លាប់មានទំនាស់ជាមួយកូនប្រសាប្រុសឈ្មោះចែន នៅភូមិក្បែរគ្នា រហូតកូន ប្រសាជេរឪពុកក្មេកថា អាត្រង៉ោល ពេលនោះឪក្មេកទ្រាំលែងបានក៏វាយកូនប្រសាបីបួនដៃ ហើយក៏ដេញឲ្យទៅផ្ទះបាត់ទៅ៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៤ ខែកញ្ញា ឆ្នាំ២០១០ មានចំនួន១០លើក ស្លាប់៤នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៤ ខែកញ្ញា កើតឡើងចំនួន១០លើក បណ្ដាលឲ្យមនុស្សស្លាប់ ៤នាក់(ប្រុស) រងរបួសធ្ងន់៩នាក់(ប្រុស៧) របួសស្រាល៣នាក់(ប្រុស១)។ គ្រោះថ្នាក់ចរាចរសម្រាប់ថ្ងៃទី៤ ខែកញ្ញានេះ បើប្រៀបធៀបថ្ងៃទី៣ ខែកញ្ញាកន្លងទៅឃើញថា មានសភាពកើនឡើង២លើកនិងអ្នកស្លាប់មានការកើនឡើងម្នាក់៕