សៀមដឹកជញ្ជូនគ្រាប់បន្ថែមមកមុខព្រះវិហារ

ច័ន្ទ, 08 កុម្ភៈ 2010 19:45

លោកឧត្ដមសេនីយ៍ទោ ស្រី ឌឹក បានប្រាប់កម្ពុជាថ្មីថា កងទ័ពនៅព្រះវិហារប្រុងជើងការខ្ពស់ ដើម្បីប្រយុទ្ធ បើសិនជាទ័ពសៀម ហ៊ានរុលតែមួយជំហានចូលទឹកដី កម្ពុជា។

លោកស្រី ឌឹក និយាយថា នៅថ្ងៃទី០៨ ខែកុម្ភៈម្សិលមិញនេះ រថយន្តដឹកគ្រាប់របស់កងទ័ព សៀមត្រូវបានជញ្ជូនមកខាងមុខដែលយើងគិតថា ពួកនេះត្រៀមធ្វើសង្គ្រាមបំពានមកលើដែនដី កម្ពុជាយើង។

ជាក់ស្ដែងដូចកាលពីដំណើរទស្សនកិច្ច របស់សម្ដេចឡើងមកលើប្រាសាទពួក ទាហានសៀម បានព្រមានមុនបន្ទាប់ពីដំណើរមកដល់របស់សម្ដេចតេជោហ៊ុន សែន។

សម្ដេចមកដល់ប្រាសាទនៅថ្ងៃទី០៦ ខែកុម្ភៈ តែថ្ងៃទី០៥ ខែកុម្ភៈ មេទ័ពសៀមបានហៅមេទ័ពខ្មែរទៅជួបចរចាមុននៅផ្ទះក្រហម។

ជំនួបចរចារយៈពេលជាង២ម៉ោង លោកឧត្ដមសេនីយ៍ឯកជា តារា មេទ័ពកម្ពុជាបានប្រាប់ទៅ មេទ័ពសៀមប្រធានភូមិភាគ២ លោកវីវ៉ាលីត ស្នើឲ្យមានស្ថានភាពតាមព្រំដែនស្ងប់ស្ងៀម ខណៈដែលដំណើរទស្សនកិច្ចរបស់នាយករដ្ឋមន្ត្រី កម្ពុជាមកទីនោះ។ ពេលនោះមេទ័ពសៀមសុំតារាងដំណើរទស្សនកិច្ចនាយក រដ្ឋមន្រ្តីកម្ពុជាជាក់លាក់មួយតើទៅកន្លែងណាខ្លះ តែកម្ពុជាមិនឲ្យ? បន្ទាប់មកទៀត គេបានសុំចូលខ្លួនមកស្វាគមន៍នាយករដ្ឋមន្ត្រីកម្ពុជានៅវត្តកែវសិក្ខាគិរីស្វារៈ តែបើមិនអនុញ្ញាតឲ្យពួកគេចូលមកស្វាគមន៍ទេ ដំណើរទស្សនកិច្ចរបស់នាយករដ្ឋមន្រ្តីខ្មែរក៏មិនអនុញ្ញាតបាន ដែរ។ លោកជា តារា បានប្រើពាក្យខ្លាំងៗនៅក្នុងជំនួបនោះថា ហេតុអ្វីបានជារដ្ឋាភិបាលកម្ពុជា ដើរ ទស្សនកិច្ចលើទឹកដីកម្ពុជា និងប្រាសាទរបស់កម្ពុជាបែរជាត្រូវសុំច្បាប់ភាគី សៀមទៅវិញ។ លោកជា តារា ប្រាប់ថា បើធ្វើបែបនេះជាការបង្ករឿងយ៉ាងពិតប្រាកដ តែបើពិបាកពេកចង់បាញ់គ្នាក៏បានដែរ។ ពេលនេះហើយដែលធ្វើឲ្យស្ថានភាពតានតឹងខ្លាំងស្ទើរតែផ្ទុះអាវុធ មុនពេលសម្ដេចនាយករដ្ឋមន្ត្រី បានទៅដល់ប្រាសាទ។ តែស្ថានភាពនោះបានសំរួលទៅវិញ ក្រោយពេលដែលសម្ដេចតេជោ ហ៊ុន សែន យល់ព្រមឲ្យពួកមេទ័ពសៀមចូលជួបស្វាគមន៍នៅលើប្រាសាទ។ ដូច្នេះ រឿងរ៉ាវតានតឹងតាម ព្រំដែនថ្មីៗនេះ ព្រោះតែភាគីសៀមចូលជួបស្វាគមន៍នៅលើប្រាសាទ។ ដូច្នេះរឿងរ៉ាវតានតឹង តាម ព្រំដែនថ្មីៗនេះ ព្រោះតែភាគីសៀមនៅតែទទូចថា ដីជុំវិញប្រាសាទទំហំ៤,៦គីឡូម៉ែត្រការ៉េជាកម្ម សិទ្ធិរបស់ខ្លួន។ ដូច្នេះ ស្ថានភាពព្រំដែនកាន់តែទុំជោរបែបនេះ គេគិតថាការផ្ទុះអាវុធអាចនឹងមិន គេចរួចឡើយក្នុងរយៈពេលខាងមុខ៕