មន្រ្តីយោធាអភិវឌ្ឍន៍ភូមិភាគពិសេសស្រវឹងអត់មកយាម ចោរគាស់បន្ទប់យកAK 3ដើម គ្រាប់ B403គ្រាប់

ច័ន្ទ, 08 មិនា 2010 16:38

កំពង់ឆ្នាំង ៖ លោកស្នងការរងនគរបាលខេត្តម្នាក់ បាននិយាយនៅព្រឹកថ្ងៃច័ន្ទនេះថា តាម របាយការណ៍របស់យោធាតំបន់អភិវឌ្ឍន៍យោធភូមិភាគពិសេស ចុះថ្ងៃទី០៥ ខែមីនា ឆ្នាំ២០១០នេះ ថា នៅទីតាំងឈរជើងរបស់អង្គភាព ចំណុចផ្ទះថ្ម៥ជាន់ ក្នុងភូមិឃ្នាំងប្រាក់ សង្កាត់ប្អេរ ក្រុងកំពង់ឆ្នាំង ត្រូវពួកចោរបានគាស់បន្ទប់ធ្វើការយកអាវុធ AK 3ដើម គ្រាប់ B40 អត់សាស់ ចំនួន 3គ្រាប់ កាលពីយប់ថ្ងៃទី០៤ ខែមីនា ឆ្នាំ២០១០។

ការបាត់បង់នេះដោយសារមន្រ្តីយោធា ដែលទៅយាមប្រចាំការអត់មកដេក យាមនៅកន្លែង ទើបក្រុមចោរធ្វើសកម្មភាពលួចគាស់ទ្វារបន្ទប់ លួចយក បានដោយសុវត្ថិភាព។ ប៉ុន្តែ តាមរបាយការណ៍ថា អាវុធទាំង៣ដើម និងគ្រាប់B40 ទាំងនោះ សុទ្ធ តែចាស់ៗ។ ប្រភពព័ត៌មានពីមន្ត្រីការិយាល័យទី២ ទ័ពជើងគោកប្រចាំទិសកំពង់ឆ្នាំងថា អាវុធAK ដែលបាត់នោះ ២ដើមជាអាកាស្វាយបត់ ១ដើមទៀតជាអាកាកាត់ស្វាយ។ ប្រភពបន្តថា មន្រ្តីនគរបាលមូលដ្ឋាន ដែលបានចុះស្រាវជ្រាវរឿងនោះឲ្យដឹងថា នៅក្នុងបន្ទប់ធ្វើការងាររបស់យោធាតំបន់ អភិវឌ្ឍន៍ភូមិភាគពិសេសដែលចោរចូលគាស់នោះ ក្រៅពីអាវុធដែលចោរលួច យកទៅ នៅមានអាវុធអាកា៥៧ M16 និងកាណុង B40 ទៀត ដែលនៅសល់ក្នុងបន្ទប់ ដែលចោរអត់បានយកទៅ។ តាម ការសន្និដ្ឋានរបស់សមត្ថកិច្ច ពួកចោរនោះមានគ្នាពី២ទៅ៣នាក់។ មន្ត្រីដែលនៅយាមប្រចាំក្នុងទី តាំងនោះមានគ្នា៣នាក់ គឺទី១ លោកអនុសេនីយ៍ឯក លឹម ខេង ជានាយគិលានដ្ឋាន និងមន្រ្តី២នាក់ ទៀត។ ប៉ុន្តែ នៅយប់កើតហេតុតាមគេដឹងថា អត់មានអ្នកណាមកដេកយាមនៅក្នុងកន្លែងទេ ព្រោះ តែទៅស៊ីការគេស្រវឹងដេកតាមផ្ទះអស់ ទើបពួកចោរគាស់បន្ទប់លួចយកអាវុធ និងគ្រាប់ B40បែបនេះ៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៨ ខែកញ្ញា ឆ្នាំ២០១០ មានចំនួន១៦លើក ស្លាប់៤នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៨ ខែកញ្ញា កើតឡើងចំនួន១៦លើក បណ្ដាលឲ្យមនុស្សស្លាប់ ៤នាក់(ប្រុស) រងរបួសធ្ងន់១៤នាក់(ប្រុស៧) របួសស្រាល១១នាក់(ប្រុស៨)។ គ្រោះថ្នាក់ចរាចរសម្រាប់ថ្ងៃទី៨ ខែកញ្ញានេះ បើប្រៀបធៀបថ្ងៃទី៧ ខែកញ្ញាកន្លងទៅឃើញថា មានការកើនឡើង៧លើកនិងអ្នកស្លាប់មានការកើនឡើង២នាក់៕