រថយន្តកូរ៉េ៥តោន ដឹកដំឡូងមីដាច់ប៉ុងក្រឡាប់ផ្ងារជើង

ច័ន្ទ, 08 មិនា 2010 18:23

ខេត្តឧត្ដរមានជ័យ ៖ រថយន្តកូរ៉េ៥តោនមួយគ្រឿង ដឹកដំឡូងមីដាច់ប៉ុងកង់ខាងក្រោយ ក្រ ឡាប់ផ្ងារជើង តែសំណាងល្អមិនមានគ្រោះថ្នាក់ដល់អាយុជីវិត គ្រាន់តែរងរបួសបន្តិចបន្តួចតែប៉ុណ្ណោះ។

ហេតុការណ៍នោះកើតឡើងកាលពីវេលាម៉ោង ៧និង៣០នាទី ព្រឹកថ្ងៃទី០៥ ខែមីនា ឆ្នាំ២០១០ នៅចំណុចផ្លូវទៅស្រុកត្រពាំងប្រាសាទ ស្ថិតនៅក្នុងភូមិទួលគ្រោះ ឃុំថ្លាត ព្រំប្រទល់ស្រុក ត្រពាំងប្រាសាទ និងស្រុកអន្លង់វែង ខេត្តឧត្ដរមានជ័យ។

សាក្សីដែលបានឃើញហេតុការណ៍ផ្ទាល់ភ្នែកបានឲ្យដឹងថា នៅមុនពេលកើត ហេតុ គេបាន ឃើញរថយន្តកូរ៉េ ៥តោនមួយគ្រឿងបានបើកពីទិសខាងកើត មកទិសខាងលិចក្នុងល្បឿនលឿន ពេលមកដល់ចំណុចកើតហេតុខាងលើស្រាប់ តែឮសំលេងគ្រាំងផ្អើលប្រជាពលរដ្ឋ ដែលនៅសង ខាងថ្នល់ បាននាំគ្នាចេញមកមើលឃើញរថយន្តកូរ៉េមួយគ្រឿង នោះក្រឡាប់ផ្ងារជើងចាក់ចោលដំឡូងមី ពេញចិញ្ចើមផ្លូវថ្នល់ រួចហើយគេបានឃើញមនុស្សចំនួន៤នាក់ បានវារលូនចេញពីកាប៊ីន រថយន្តចេញមកខាងក្រៅមានអ្នកខ្លះឈាមក្បាល និងអ្នកខ្លះទៀតពកមុខ ពកក្បាល តែគ្មានអ្នកបាត់បង់ជីវិតនោះទេ គ្រាន់តែខូចខាតតែរថយន្តប៉ុណ្ណោះ។

អ្នកភូមិជិតនោះបានយកគោយន្តកន្រ្តៃជួយដឹកអ្នករងគ្រោះ ទៅសង្គ្រោះនៅ មន្ទីរពេទ្យបង្អែក ស្រុកអន្លង់វែងផងដែរ។

លោកវរសេនីយ៍ត្រី កែវ តាន់ អធិការនគរបាលស្រុកត្រពាំងប្រាសាទ បានឲ្យកម្ពុជាថ្មីដឹងថា រថយន្តកូរ៉េ៥តោនដែលជួបគ្រោះថ្នាក់ចរាចរពេលដឹកដំឡូងមី ក្រៀមពីភូមិព្រៃស្អាក ស្រុកត្រពាំង ប្រាសាទ ខេត្តឧត្ដរមានជ័យ ហើយក៏មកដល់ចំណុចកើតហេតុខាងលើ បានដាច់ប៉ុងកង់ខាងក្រោយ បណ្ដាលឲ្យក្រឡាប់ធ្លាក់ទីម្ខាងថ្នល់តែម្ដង តែសំណាងល្អមិនមានប៉ះពាល់ដល់អ្នកដ៏ទៃ នោះទេ ហើយអ្នកជិះលើរថយន្តនោះមានគ្នា៤នាក់ តៃកុងម្នាក់ ព្រូឡានម្នាក់ និងប្រជាពលរដ្ឋ២នាក់ ។ លោកអធិការបានបន្តថាអ្នកបើករថយន្តនោះឈ្មោះ អន ភេទប្រុស អាយុ៥៥ឆ្នាំ រស់នៅភូមិបឹង កំផ្លោក ឃុំព្រៃស្អាក ស្រុកត្រពាំងប្រាសាទ ខេត្តឧត្តរមានជ័យ ស៊ីឈ្នួលបើករថយន្តដឹកដំឡូងមីឲ្យគេយកទៅលក់នៅប្រទេសវៀតណាម៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៨ ខែកញ្ញា ឆ្នាំ២០១០ មានចំនួន១៦លើក ស្លាប់៤នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៨ ខែកញ្ញា កើតឡើងចំនួន១៦លើក បណ្ដាលឲ្យមនុស្សស្លាប់ ៤នាក់(ប្រុស) រងរបួសធ្ងន់១៤នាក់(ប្រុស៧) របួសស្រាល១១នាក់(ប្រុស៨)។ គ្រោះថ្នាក់ចរាចរសម្រាប់ថ្ងៃទី៨ ខែកញ្ញានេះ បើប្រៀបធៀបថ្ងៃទី៧ ខែកញ្ញាកន្លងទៅឃើញថា មានការកើនឡើង៧លើកនិងអ្នកស្លាប់មានការកើនឡើង២នាក់៕