លោកយាយអាយុជាង៧០ឆ្នាំម្នាក់ ត្រូវភ្លើងឆេះរួញក្រញ៉ង់

អង្គារ, 09 មិនា 2010 16:18

សាក្សីនិយាយថា ជាអំពើអារ.ក ប្លន់ តែក្រុមប៉ូលិសថាឆេះទុស្សេភ្លើង

កណ្ដាល ៖ សាកសពលោកយាយអាយុជាង៧០ឆ្នាំម្នាក់ បានត្រូវគេអះអាងថា មានជនមិន ស្គាល់មុខចូលមកអារ.ក សម្លាប់ប្លន់យកទ្រព្យសម្បត្តិរួចដុតកំទេចសាកសពនិងផ្ទះទៀមមួយ ឲ្យ ក្លាយជាផេះ។ ប៉ុន្តែសមត្ថកិច្ចជំនាញ ដែលបានចុះធ្វើការពិនិត្យបានបញ្ជាក់ថា សាកសពដែលក្លាយ ជាផេះនោះ ត្រូវភ្លើងឆេះដែលមូលហេតុបណ្ដាលមកពីការទុស្សេខ្សែភ្លើង ហើយប៉ះកំប៉ុងហ្គាស។

ហេតុការណ៍នេះបានកើតឡើង នៅវេលាម៉ោង២ និង៤០នាទី រំលងអាធ្រាត្រថ្ងៃទី៩ ខែមិនា ឆ្នាំ២០១០ នៅភូមិកោះគរ ឃុំរកាខ្ពស់ ស្រុកស្អាង ខេត្តកណ្ដាល។

សាក្សីនិយាយថា ជនរងគ្រោះឈ្មោះអ៊ុច អំ ភេទស្រី អាយុ៧២ឆ្នាំ ស្នាក់នៅក្នុងផ្ទះទៀម ២ខ្នង ធ្វើអំពីឈើប្រក់ស័ង្កសី មានទំហំ៥គុណនឹង៧ម៉ែត្រ ស្ថិតនៅភូមិឃុំកើតហេតុ។

សាក្សីនិយាយថា មុនពេលកើតហេតុនៅព្រលប់ថ្ងៃទី៨ ខែមីនា ឆ្នាំ២០១០ លោកយាយរង គ្រោះត្រូវបានក្មួយយកលុយមកឲ្យចំនួន១លាន២សែនរៀល ដែលលោកយាយដេញតុងទីនបាន។ ក្រោយពីឲ្យលុយយាយរួចហើយ ក្មួយនោះបានទៅផ្ទះរបស់ខ្លួនវិញ បន្ទាប់មកក៏ឃើញលោកយាយ ចាស់ៗ២នាក់ ជាញាតិជិតខាងបានមកអង្គុយនិយាយលេងជាមួយលោកយាយរងគ្រោះ រហូត ដល់ ម៉ោង២២យប់ ទើបឃើញពួកគាត់ទាំង២នាក់នោះ ត្រឡប់ទៅផ្ទះវិញ ហើយលោកយាយរងគ្រោះ ក៏ពន្លត់ភ្លើងចូលសំរាកម្នាក់ឯងលង់លក់បាត់ទៅ។

សាក្សីនិយាយថា នៅវេលាម៉ោងប្រហែល២រំលងអាធ្រាត្រ ស្រាប់តែមានសំលេងស្រែកឲ្យ ជួយ តែសំលេងរបស់លោកយាយ ដែលស្រែកឲ្យគេជួយនោះ គឺលឺខ្សាវៗ រួចក៏បាត់ទៅមួយសន្ទុះ ក្រោយមកក៏ឃើញអណ្ដាតភ្លើងឆាបឆេះផ្ទះដែលលោកយាយរងគ្រោះដេកនោះ យ៉ាងសន្ធោរសន្ធៅ ទើបអ្នកជិតខាងផ្អើលឆោឡោឡើង ទៅពន្លត់ភ្លើងនិងទៅជួយសង្រ្គោះលោកយាយ រងគ្រោះ។ ប៉ុន្តែ អណ្ដាតភ្លើងឆេះពេញបន្ទុកពេក ទើបធ្វើឲ្យអ្នកជិតខាងមិនអាចជួយបាន បណ្ដាលឲ្យកំលាំង ភ្លើងនោះ ឆាបឆេះផ្ទះនិងខ្លួនប្រាណលោកយាយរងគ្រោះ ក្លាយទៅជាផេះ។

សាក្សីបន្តថា ក្នុងពេលដែលកំពុងមានហេតុការណ៍នោះ មានលោកអនុភូមិម្នាក់បានមកស្រែកបញ្ជាឲ្យបងប្អូនអ្នកជិតខាងជួយពន្លត់ភ្លើង និងរំដោះជន រងគ្រោះ និងបានទូរស័ព្ទទៅលេខរបស់លោកមេឃុំ និងប៉ូលិស ស្រុកស្អាងដែរ ប៉ុន្តែលេខទូរស័ព្ទទាំងអស់នោះបិតរហូត ទើបគ្មានឃើញកំលាំងសមត្ថកិច្ចណា ម្នាក់ បានមកទាន់ហេតុការណ៍ នោះឡើយ។ លុះព្រឹកឡើង ម៉ោង៧និង៣០នាទី ទើបគេឃើញមានប៉ូលិស ប៉េអឹមស្រុកស្អាង មកពិនិត្យសាកសពលោកយាយ និងផ្ទះទៀម២ខ្នងដែលក្លាយជាផេះនោះ។

បើតាមសាក្សីនាំគ្នាអះអាងថា លោកយាយដែលស្លាប់ក្នុងភ្នក់ភ្លើងផ្ទះរបស់ខ្លួន នោះ ទំនង ជាត្រូវជនមិនស្គាល់មុខ ចូលមកអារ.ក សម្លាប់ប្លន់យកលុយតុងទីន ដែលក្មួយបានយកឲ្យ។ រួចហើយជនដៃដល់នោះបំផ្លាញភស្ដុតាងចោល ដោយដុតផ្ទះឲ្យឆេះខ្លួនប្រាណរបស់ជនរងគ្រោះ។

ក៏ប៉ុន្តែ បើតាមក្រុមសមត្ថកិច្ចជំនាញផ្នែកពិនិត្យសាកសព បានធ្វើការបញ្ជាក់ថា ជនរងគ្រោះ ស្លាប់ដោយត្រូវភ្លើងឆេះ ហើយអគ្គិភ័យដែលបានកើតឡើងនោះ គឺបណ្ដាលមកពីការទុស្សេខ្សែភ្លើង ប៉ះទៅនឹងកំប៉ុងហ្គាស ហើយអណ្ដាតភ្លើងក៏បានឆាបឆេះឡើងតែម្ដង។

ប៉ូលិសបានធ្វើការបញ្ជាក់ទៀតថា ករណីខាងលើនេះ មិនមែនជាអំពើមនុស្សឃាត សម្លាប់ ប្លន់យកទ្រព្យសម្បត្តិនោះទេ៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៨ ខែកញ្ញា ឆ្នាំ២០១០ មានចំនួន១៦លើក ស្លាប់៤នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៨ ខែកញ្ញា កើតឡើងចំនួន១៦លើក បណ្ដាលឲ្យមនុស្សស្លាប់ ៤នាក់(ប្រុស) រងរបួសធ្ងន់១៤នាក់(ប្រុស៧) របួសស្រាល១១នាក់(ប្រុស៨)។ គ្រោះថ្នាក់ចរាចរសម្រាប់ថ្ងៃទី៨ ខែកញ្ញានេះ បើប្រៀបធៀបថ្ងៃទី៧ ខែកញ្ញាកន្លងទៅឃើញថា មានការកើនឡើង៧លើកនិងអ្នកស្លាប់មានការកើនឡើង២នាក់៕