កងអន្តរាគមន៍ពិសេសអាវុធហត្ថខេត្តបន្ទាយមានជ័យហ្វឹកហាត់បាញ់គ្រាប់ពិតនៅភ្នំផ្គាំ

ពុធ, 10 មិនា 2010 18:02

ខេត្តបន្ទាយមានជ័យ ៖ កងអន្តរាគមន៍ពិសេសដែលមានប៉េអឹម ប៉ូលិស ពីរាជធានី និងខេត្តចំនួន១៥៣នាក់ ដែលត្រូវបានបើកវគ្គហ្វឹកហាត់នៅទីបញ្ជាការអាវុធហត្ថខេត្ត ដោយនាយឧត្ដម សេនីយ៍ សៅ សុខា អគ្គមេបញ្ជាការរង កងយុទ្ធពលខេមរភូមិន្ទ និងជាមេបញ្ជាការអាវុធហត្ថលើផ្ទៃ ប្រទេស បានធ្វើការហ្វឹកហាត់បាញ់គ្រាប់ពិត នៅក្នុងភូមិសាស្រ្តជើងភ្នំផ្គាំ ស្រុកស្វាយចេក ខេត្ត បន្ទាយមានជ័យ កាលពីថ្ងៃទី០៨ ខែមីនា ឆ្នាំ២០១០ ក្រោមការចុះសួរសុខទុក្ខសិក្ខាកាម និងយោធា ដោយលោកអ៊ុង អឿន គណៈអភិបាលខេត្ត និងជាប្រធានគណៈបញ្ជាការឯកភាពខេត្តរួមជាមួយ លោកឧត្ដមសេនីយ៍ រ័ត្ន ស្រ៊ាង មេបញ្ជាការរងអាវុធហត្ថខេត្ត និងមន្ត្រីពាក់ព័ន្ធជាច្រើនទៀត។

ការហ្វឹកហាត់នោះ កងអន្តរាគមន៍ទាំង១៥៣នាក់ បានអនុវត្តយុទ្ធវិធីចំនួន៧ ក្នុងនោះមាន យុទ្ធវិធីវាយលុកយកទីតាំង, លេនដ្ឋានស៊ើបការ, ការវាយលុកជាក្រុម, យុទ្ធវិធីឆ្លងផ្លូវ និងជ្រោះ, លេនដ្ឋានការពារទីតាំង និងទ័ពព្រៃប្រឆាំងទ័ពព្រៃ។

ក្នុងសកម្មភាពហ្វឺកហាត់នោះសិក្ខាកាមបានប្រើគ្រាប់ពិត ធ្វើការវាយលុកទី តាំង ប្រើអាវុធ AK និងការបាញ់កំទេចទីតាំងដោយប្រើអាវុធធុន B ។ ការបាញ់ក្នុងយុទ្ធវិធីនីមួយៗ គឺសុទ្ធតែអនុវត្តបានយ៉ាងល្អចំគោលដៅទាំងអស់។

លោកអ៊ុង អឿន គណៈអភិបាលខេត្តបន្ទាយមានជ័យ និងជាប្រធានគណៈបញ្ជាការឯកភាព ខេត្តបានមានប្រសាសន៍ទៅកាន់សិក្ខាកាមថា ការហ្វឹកហាត់នេះគឺមានលទ្ធផលល្អ ក្នុងការវាយលុក។ លោកក៏បានកោតសរសើរ និងវាយតម្លៃខ្ពស់ ចំពោះការខិតខំរបស់លោកមេបញ្ជាការ មេបញ្ជាការរងកងរាជអាវុធហត្ថ ពិសេសលោកឧត្ដមសេនីយ៍ សៅ សុខា និងសិក្ខាកាមទាំងអស់ ដែលបានខិតខំអនុវត្តតាមការប្ដេជ្ញាចិត្តប្រកបដោយការទទួលខុសត្រូវ៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៨ ខែកញ្ញា ឆ្នាំ២០១០ មានចំនួន១៦លើក ស្លាប់៤នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៨ ខែកញ្ញា កើតឡើងចំនួន១៦លើក បណ្ដាលឲ្យមនុស្សស្លាប់ ៤នាក់(ប្រុស) រងរបួសធ្ងន់១៤នាក់(ប្រុស៧) របួសស្រាល១១នាក់(ប្រុស៨)។ គ្រោះថ្នាក់ចរាចរសម្រាប់ថ្ងៃទី៨ ខែកញ្ញានេះ បើប្រៀបធៀបថ្ងៃទី៧ ខែកញ្ញាកន្លងទៅឃើញថា មានការកើនឡើង៧លើកនិងអ្នកស្លាប់មានការកើនឡើង២នាក់៕