វ៉ែន សារ៉ាត់ សុំសងសឹកសូយ សំនៀង

ពុធ, 19 ឧសភា 2010 15:31

វ៉ែន សារ៉ាត់ អ្នកប្រដាល់ក្លឹបកងកេងខេត្តបាត់ដំបង បានសុំឡើងប្រកួតសងសឹកជាមួយ សូយ សំនៀង អ្នកប្រដាល់ក្លឹបអូដឹមកីឡា នៅលើសង្វៀន TV5 ភូមិព្រែកថ្លឹង នាល្ងាចថ្ងៃអាទិត្យ ទី ២៣ ខែឧសភា ឆ្នាំ២០១០ខាងមុខនេះ។

សូយ សំនៀង បានប្រកួតឈ្នះវ៉ែន សារ៉ាត់ នៅក្នុងទឹកទី៣ កាលពីជួបប្រកួតថ្ងៃទី២៤ មេសា ឆ្នាំ២០១០។ កាលណោះវ៉ែន សារ៉ាត់ ត្រូវសូយ សំនៀង ចាប់អុកនឹងជង្គង់បណ្ដាលឲ្យដួលសន្លប់ លែងក្រោក។

សំនៀង មានកណ្ដាប់ដៃចាញ់វ៉ែន សារ៉ាត់ទេ តែបើចូលកៀកឡើងជង្គង់ គេមានប្រៀបឈ្នះ សារ៉ាត់ ដោយសារគេមានកម្លាំងកាយសម្បទាខ្លាំង អាចចាប់ក្រៀកសារ៉ាត់ មិនឲ្យរើខ្លួនកើត ហើយ ស្នៀតជង្គង់របស់គេមានផ្លែល្អ ដោយអុកចំគោលដៅសំខាន់ៗ។ ក្រោយពីឈ្នះវ៉ែន សារ៉ាត់ហើយ សូយ សំនៀងបានឡើងប្រកួតជាមួយជើងខ្លាំងពេជ្រ សីហា អ្នកប្រដាល់សមាគមកីឡាក្រសួងការ ពារជាតិ នាថ្ងៃទី០៧ ឧសភាកន្លងមកនេះ ប៉ុន្តែត្រូវចាញ់កណ្ដាប់ដៃរបស់ពេជ្រ សីហា ធ្វើឲ្យគេប្រកួត ចាញ់ពេជ្រ សីហា ដោយពិន្ទុ។

វ៉ែន សារ៉ាត់ ចាប់តាំងពីវាយចាញ់សូយ សំនៀងមក គេមិនដែលឡើងប្រកួតទៀតទេ ទើបតែ ពេលនេះគេសុំប្រកួតសងសឹកសំនៀង។ សារ៉ាត់ កណ្ដាប់ដៃ និងជើងទាត់របស់គេល្អ ហើយខ្លាំង តែ អ្វីដែលគេអន់ខ្សោយគឺចិត្តប្រដាល់តូច មិនសូវហ៊ានតស៊ូនៅពេលដែលគូប្រកួតវាយត្រូវបន្តិចបន្តួច នោះ។ ចិត្តកំសាករបស់វ៉ែន សារ៉ាត់ បានធ្វើឲ្យគេប្រកួតចាញ់រហូត ប៉ុន្មានប្រកួតចុងក្រោយនេះ។

ចាំមើល ការឡើងប្រកួតសងសឹកលើកនេះ វ៉ែន សារ៉ាត់ អាចយកឈ្នះលើ សូយ សំនៀង បានឬអត់?

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៧ ខែកញ្ញា ឆ្នាំ២០១០ មានចំនួន៩លើក ស្លាប់២នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៧ ខែកញ្ញា កើតឡើងចំនួន៩លើក បណ្ដាលឲ្យមនុស្សស្លាប់ ២នាក់(ប្រុស) រងរបួសធ្ងន់១០នាក់(ប្រុស៩) របួសស្រាល៤នាក់(ប្រុស)។ គ្រោះថ្នាក់ចរាចរសម្រាប់ថ្ងៃទី៧ ខែកញ្ញានេះ បើប្រៀបធៀបថ្ងៃទី៦ ខែកញ្ញាកន្លងទៅឃើញថា មានសភាពថយចុះ៣លើកនិងអ្នកស្លាប់មានការថយចុះ៤នាក់៕