ក្លឹប West Ham ប្រកាសទិញកីឡាករដែលស៊ីប្រាក់ខែ១០ម៉ឺនផោនក្នុងមួយសប្តាហ៍

សុក្រ, 22 មករា 2010 16:24

David_Sullivan-web លោកDavid Sullivan ម្ចាស់ថ្មីរបស់ក្លឹបWest Ham បានផ្ដល់ជូនប្រាក់ខែកីឡាករដ៏ពិសេសមួយ ១០ម៉ឺនផោនក្នុង១សប្តាហ៍ ដើម្បីឲ្យចូលលេងជាមួយក្លឹប។

លោក Sullivan ដែលនៅពេលឥឡូវនេះគ្រប់គ្រងក្លឹប West Ham រួមគ្នាជាមួយលោក David Gold នោះបាននិយាយថា ក្លឹបនៅជំពាក់បំណុលគេ១១០លានផោន នៅឡើយទេ។ ក៏ប៉ុន្តែដោយ ក្រុម West Ham កំពុងតែត្រដាបត្រដួសនៅក្រុម Premier League នោះលោក Sullivan បានធ្វើការផ្ដល់ ជូនបែបនេះដើម្បីចៀសឲ្យផុតពីការធ្លាក់ពីតារាង។

លោក Sullivan អត់បាននិយាយចុះឈ្មោះកីឡាករណាម្នាក់ឡើយ ក៏ប៉ុន្តែខ្សែប្រយុទ្ធអស់តំរូវ ការរបស់ក្លឹបយក្សអេស៉្បាញ Real Madrid គឺកីឡាករ Ruud van Nistelrooy បានជាប់ពាក់ព័ន្ធនឹងការ ដូរមកកាន់ក្លឹបមួយនេះ។

BBC បានទទួលព័ត៌មានមកមុនពេលមានការផ្ទេរក្លឹបបន្តនេះ នាយកប្រតិបត្តិរបស់ក្លឹប West Ham លោក Scott Duxbury បានព្យាយាមនាំយកកីឡាករ Van Nistelrooy មកកាន់ទឹកដី Upton Park។

ក្លឹបមាន់ខ្នាយមាស Spurs និងក្លឹប Stoke City បានប្រកាសចំណាប់អារម្មណ៍លើកីឡាករ សញ្ជាតិហុល្លង់វ័យ៣៣ឆ្នាំម្នាក់នេះផងដែរ ដែលបានចូលលេងឲ្យក្លឹប Real Madrid ដូរចេញពីក្លឹប បិសាចក្រហម Man Utd កាលពីឆ្នាំ២០០៦៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៤ ខែកញ្ញា ឆ្នាំ២០១០ មានចំនួន១០លើក ស្លាប់៤នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៤ ខែកញ្ញា កើតឡើងចំនួន១០លើក បណ្ដាលឲ្យមនុស្សស្លាប់ ៤នាក់(ប្រុស) រងរបួសធ្ងន់៩នាក់(ប្រុស៧) របួសស្រាល៣នាក់(ប្រុស១)។ គ្រោះថ្នាក់ចរាចរសម្រាប់ថ្ងៃទី៤ ខែកញ្ញានេះ បើប្រៀបធៀបថ្ងៃទី៣ ខែកញ្ញាកន្លងទៅឃើញថា មានសភាពកើនឡើង២លើកនិងអ្នកស្លាប់មានការកើនឡើងម្នាក់៕