កែវ ប៊ុនហេងផ្ដួលខន មករា ឲ្យសន្លប់ក្នុងទឹកទី៣

សៅរ៍, 03 កក្កដា 2010 16:11

កែវ ប៊ុនហេង អ្នកប្រដាល់ក្លឹបព្រះខ័នរាជបានផ្ដួលខន មករា អ្នកប្រដាល់ក្លឹបកីឡាក្រសួងការពារជាតិឲ្យសន្លប់នៅក្នុងទឹកទី៣ កាលពីល្ងាចថ្ងៃសុក្រ ទី២ ខែកក្កដា ឆ្នាំ២០១០ លើសង្វៀនTV5 ភូមិ ព្រែកថ្លឹង។

ខន មករា ប្រកួតទឹកដំបូងមានប្រៀបលើកែវ ប៊ុនហេង ដោយនៅក្នុងទឹកទី២ គេបានប្រើស្នៀតកែងវាយទៅលើប៊ុនហេង ធ្វើឲ្យកែវ ប៊ុនហេង បែកឈាមលើភ្នែកខាងស្ដាំ។

នៅក្នុងការប្រកួតទឹកទី៣កែវ ប៊ុនហេងបានប្រើស្នៀតជើងទាត់ទៅលើខន មករា។ មួយជើងៗដែលប៊ុន ហេងទាត់ចេញទៅនេះ បានធ្វើឲ្យខន មករា ខ្ទាតថយក្រោយ ហើយឆ្លៀតដែលមករា ខូច ជំហរប្រកួតនោះ កែវ ប៊ុនហេង បានស្ទុះចូលទៅដាល់ចំចុងដង្ហើមមករាមួយដៃ ព្រមទាំងចាប់អុកនឹងជង្គង់ត្រូវពោះបណ្ដាលឲ្យខន មករា ដួលដេកសន្លប់លើរេញ។

លោកមាស សារិន អាជ្ញាកណ្ដាលចាប់រាប់ខន មករា រហូតដល់ដប់ ប៉ុន្តែមករា មិនអាចក្រោក បន្តការប្រកួតបានទៀតឡើយ ធ្វើឲ្យកែវ ប៊ុនហេង ទទួលជ័យជំនះក្នុងទឹកទី៣៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៧ ខែកញ្ញា ឆ្នាំ២០១០ មានចំនួន៩លើក ស្លាប់២នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៧ ខែកញ្ញា កើតឡើងចំនួន៩លើក បណ្ដាលឲ្យមនុស្សស្លាប់ ២នាក់(ប្រុស) រងរបួសធ្ងន់១០នាក់(ប្រុស៩) របួសស្រាល៤នាក់(ប្រុស)។ គ្រោះថ្នាក់ចរាចរសម្រាប់ថ្ងៃទី៧ ខែកញ្ញានេះ បើប្រៀបធៀបថ្ងៃទី៦ ខែកញ្ញាកន្លងទៅឃើញថា មានសភាពថយចុះ៣លើកនិងអ្នកស្លាប់មានការថយចុះ៤នាក់៕