ខេត្តកោះកុងអាចយកឈ្នះក្រុមក្រសួងការពារជាតិបានឬអត់នៅក្នុងការជួបគ្នាល្ងាចថ្ងៃសៅរ៍

ព្រហស្បតិ, 04 កុម្ភៈ 2010 14:54

ក្រុមបាល់ទាត់ខេត្តកោះកុង បានឡើងមកដល់វគ្គ១ ភាគ៨ ផ្ដាច់ព្រ័ត្រឬវគ្គ១៦ក្រុមចុងក្រោយ ជាលើកទី៣ នៅក្នុងការប្រកួត HUN SEN CUP ចំនួន៤រដូវកាលនេះ។

កោះកុងជាប់លេខ១ពូលF មណ្ឌលកែបក្នុងការប្រកួតជម្រុះ HUN SEN CUP 2010 ដែលត្រូវ បានឡើងមកប្រកួតនៅវគ្គ១ភាគ៨ ផ្ដាច់ព្រ័ត្រនៅពហុកីឡាដ្ឋានជាតិនាល្ងាចថ្ងៃសៅរ៍ ទី៦ ខែកុម្ភៈ នេះ។ ក្រុមបាល់ទាត់ក្រសួងការពារជាតិ ជាក្រុមដែលមានចំណាត់ថ្នាក់លេខ៥ ក្នុងឆ្នាំ២០០៩ និង មានចំណាត់ថ្នាក់លេខ២ នៅឆ្នាំ២០០៨កន្លងមក។ ប៉ុន្តែសំរាប់ការចូលរួមប្រកួត HUN SEN CUP ក្រុមក្រសួងការពារជាតិ មិនដែលឆ្លងផុតវគ្គ១ភាគ៤ ផ្ដាច់ព្រ័ត្រទេ រយៈពេល២ឆ្នាំចុងក្រោយនេះ។ ក្រុមបាល់ទាត់ខេត្តកោះកុងវិញ ក៏ពុំដែលឆ្លងផុតវគ្គ១ភាគ៨ផ្ដាច់ព្រ័ត្រដែរ ក្នុងការប្រកួត HUN SEN CUP ។ កាលពីរដូវកាលឆ្នាំ២០០៧ ក្រុមកោះកុងបានឡើងវគ្គ១ភាគ៨ផ្ដាច់ព្រ័ត្រ តែត្រូវជ្រុះធ្លាក់ទៅវិញ បន្ទាប់ពីប្រកួតចាញ់បៀលប្រាយ១-៣ និងឆ្នាំ២០០៩ កោះកុងឡើងមកដល់១ភាគ៨ម្ដងទៀត ហើយ ត្រូវជ្រុះធ្លាក់ទៀតក្រោយពីលេងចាញ់ក្រុមណាហ្គាខប ០-២។ ដូច្នេះក្នុងឆ្នាំ២០១០នេះ ជាលើកទី៣ សំរាប់ក្រុមខេត្តកោះកុង ហើយដែលឡើងមកដល់វគ្គ១ភាគ៨ ផ្ដាច់ព្រ័ត្រហើយក៏មិនដឹងថាកោះកុង អាចឆ្លងផុតឬអត់នោះទេ៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៤ ខែកញ្ញា ឆ្នាំ២០១០ មានចំនួន១០លើក ស្លាប់៤នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៤ ខែកញ្ញា កើតឡើងចំនួន១០លើក បណ្ដាលឲ្យមនុស្សស្លាប់ ៤នាក់(ប្រុស) រងរបួសធ្ងន់៩នាក់(ប្រុស៧) របួសស្រាល៣នាក់(ប្រុស១)។ គ្រោះថ្នាក់ចរាចរសម្រាប់ថ្ងៃទី៤ ខែកញ្ញានេះ បើប្រៀបធៀបថ្ងៃទី៣ ខែកញ្ញាកន្លងទៅឃើញថា មានសភាពកើនឡើង២លើកនិងអ្នកស្លាប់មានការកើនឡើងម្នាក់៕