ការរិះគន់របស់អ្នកកំប្លែងអាមេរិកចំពោះ Pacquiao ធ្វើអោយហ្វ៊ីលីពីនមានកំហឹង

ច័ន្ទ, 26 មេសា 2010 08:51

កាលពីថ្ងៃចន្ទ ប្រទេសហ្វ៊ីលីន បានប្រតិកម្មតតបវិញដោយកំហឹង ចំពោះការធ្វើអត្ថាធិប្បាយរបស់វិទ្យុអាមេរិកមួយ ដែលបាននិយាយថា ប្រទេសហ្វ៊ីលីពីនមិនមានអ្វីក្រៅតែពីវីរបុរសអ្នកប្រដាល់ Manny Pacquiao និងទេសចរណ៍ផ្លូវភេទប៉ុណ្ណោះ ហើយបានចាត់ទុកអ្នកប្រដាល់រូបនេះថាជា “ មនុស្សខ្វះការយល់ដឹង ” ។

នៅក្នុងការធ្វើអត្ថាធិប្បាយដែលខ្វះការគោរពនេះ លោក Adam Carolla អ្នកធ្វើអត្ថាធិប្បាយរបស់វិទ្យុអាមេរិកនេះ ក៏បានហៅ លោក Pacquiao ថា “ ជាមនុស្សល្ងង់ខ្លៅ ”ផងដែរ ដែលជាមនុស្សកំសាក ដោយបដិសេធនូវការទាមទាររបស់លោក Floyd Mayweather ដែលជាអ្នកប្រដាល់អាមេរិក និងជាគូប្រជែងរបស់ខ្លួន ចំពោះការធ្វើតេស្តិ៍រកជាតិថ្នាំលើកកម្លាំងមុនពេលការប្រកួត ។

លោក Adam Carolla បានធ្វើអត្ថាធិប្បាយថា “ ពួកគេ (ហ្វ៊ីលីពីន) មានអ្នកប្រដាល់នេះ និង ទេសចរណ៍ផ្លូវភេទ ដែលទាំងអស់នោះគឺជាអ្វីដែលគេមាន ។ ខ្ញុំចង់មានន័យថា តើវាជាការមោទនភាព របស់ជនរួមជាតិរបស់អ្នកឬ ? ចំពោះអ្វីអ្នកមាននេះ ? ។

ការធ្វើអត្ថាធិប្បាយទាំងនេះ បានញ៉ាំងអោយមានប្រតិកម្មតវ៉ាដ៏ខ្លាំងក្លា នៅក្នុងប្រទេសហ្វ៊ីលីពីន ៕

ព័ត៌មានថ្មីបំផុត

សំរាប់បុគ្គលិក

ព័ត៌មានស្ដីពីគ្រោះថ្នាក់ចរាចរនៅទូទាំងប្រទេសសម្រាប់ថ្ងៃទី០៧ ខែកញ្ញា ឆ្នាំ២០១០ មានចំនួន៩លើក ស្លាប់២នាក់

ភ្នំពេញ ៖ យោងតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គស្នងការនគរបាលជាតិ បានឲ្យដឹងថាគ្រោះថ្នាក់ចរាចរសម្រាប់ថ្ងៃទី៧ ខែកញ្ញា កើតឡើងចំនួន៩លើក បណ្ដាលឲ្យមនុស្សស្លាប់ ២នាក់(ប្រុស) រងរបួសធ្ងន់១០នាក់(ប្រុស៩) របួសស្រាល៤នាក់(ប្រុស)។ គ្រោះថ្នាក់ចរាចរសម្រាប់ថ្ងៃទី៧ ខែកញ្ញានេះ បើប្រៀបធៀបថ្ងៃទី៦ ខែកញ្ញាកន្លងទៅឃើញថា មានសភាពថយចុះ៣លើកនិងអ្នកស្លាប់មានការថយចុះ៤នាក់៕