ពលរដ្ឋក្នុងឃុំញ៉ែងញ៉ង ស្រុកត្រាំកក់ ទទួលបានផ្លូវបេតុងប្រវែង២ ៩១០ម៉ែត្រ ខណៈការស្ថាបនាសម្រេចបាន៥០%

គម្រោងស្ថាបនាផ្លូវបេតុងអាមេ មូលនិធិឃុំញ៉ែងញ៉ង នៃស្រុកត្រាំកក់ ក្នុងឆ្នាំ២០២៥ កំពុងអនុវត្តបានល្អ ត្រូវតាមស្តង់ដាបច្ចេកទេស ដែលសាងសង់ដោយក្រុមហ៊ុន សំណង់ក្រុងដូនកែវ គិតមកដល់ថ្ងៃទី២១ ខែតុលានេះ ការស្ថាបនាសម្រេចបាន៥០%ហើយ។

ផ្លូវបេតុងអាមេនេះ មានបណ្ដោយប្រវែង ២,៩១០ ម៉ែត្រ ទទឹង៥ម៉ែត្រ និងកម្រាស់១,៥ តឹក ឆ្លងកាត់ចំនួន២ភូមិ គឺភូមិ អូរស្ងើន និងភូមិតាតៃ ឃុំញ៉ែងញ៉ង ស្រុកត្រាំកក់ ខេត្តតាកែវ។ សម្រាប់គម្រោងនេះដែរ កន្លងមក លោកមេភូមិ មេឃុំញ៉ែងញ៉ង និងមន្ត្រីជំនាញបច្ចេកទេសខេត្តតាកែវ បានចុះត្រួតពិនិត្យជាក់ស្ដែង ឃើញថា ផ្លូវបេតុងអាមេដែលជាគម្រោងមូលនិធិឃុំញ៉ែងញ៉ង ឆ្នាំ២០២៥ ដែលកំពុងអនុវត្តដោយក្រុមហ៊ុន សំណង់ក្រុងដូនកែវ បានអនុវត្តបានល្អត្រឹមត្រូវតាមស្តង់ដាបច្ចេកទេស ដែលមានក្នុងកិច្ចសន្យា។

សមិទ្ធផលថ្មីមួយនេះ លោកមេភូមិ មេឃុំ និងប្រជាពលរដ្ឋក្នុងមូលដ្ឋាន មានការសាទរ រីករាយយ៉ាងខ្លាំង ដោយបានឃើញផ្លូវបេតុងអាមេ១ខ្សែនេះ សាងសង់ត្រឹមត្រូវតាមស្តង់ដាបច្ចេកទេស រឹងមាំ ដើម្បីងាយស្រួលធ្វើដំណើរទាំងអស់គ្នា៕

អត្ថបទ៖ វីរៈ