សេដ្ឋកិច្ច
កម្ពុជារកចំណូលបានជាង ៤ ពាន់លានដុល្លារ ពីការនាំចេញផលិតផលកសិផលទៅកាន់ទិសដៅ ៩០ ប្រទេស
គិតចាប់ពីខែមករា ដល់ខែតុលា ឆ្នាំ ២០២៥ កម្ពុជារកប្រាក់ចំណូលបានជាង ៤,១៨ ពាន់លានដុល្លារ ពីការនាំចេញកសិផលជាង ១១,៨ លានតោន ទៅកាន់ទីផ្សារអន្តរជាតិ។
របាយការណ៍របស់អគ្គនាយកដ្ឋានកសិកម្ម នៃក្រសួងកសិកម្ម រុក្ខាប្រមាញ់ និងនេសាទ បង្ហាញថា ក្នុងរយៈពេល ១០ ខែ ការនាំចេញកសិផលទៅក្រៅប្រទេស មានបរិមាណសរុប ១១ ៨៩០ ០០៥ តោន ក្នុងនោះផលិតផលដំណាំក្រៅពីស្រូវ-អង្ករចំនួន ៥ ៧៤៤ ៤៥៥តោន ស្រូវចំនួន ៤ ៤៤៦ ៦១១ តោន និងអង្ករចំនួន ៦៩៨ ៩៣៩ តោន ទៅកាន់ទិសដៅ ៩០ ប្រទេស កើនឡើង ២៨,៥៧% ធៀបនឹងរយៈពេលដូចគ្នានៅឆ្នាំ ២០២៤។
ប្រភពដដែលបង្ហាញថា ការប៉ាន់ស្មានតម្លៃគិតជាទឹកប្រាក់ចំនួន ៤,១៨ ពាន់លានដុល្លារ ក្នុងនោះការនាំចេញស្រូវមានតម្លៃប្រមាណ ១ ពាន់លានដុល្លារ និងអង្ករមានតម្លៃជាង ៥៥៦ លានដុល្លារ និងផលិតផលក្រៅពីស្រូវអង្ករជាង ២,៥៣ ពាន់លានដុល្លារ។
លោក ងិន ឆាយ អគ្គនាយក នៃអគ្គនាយកដ្ឋានកសិកម្ម បានឱ្យដឹងថា ការនាំចេញផលិតផលដំណាំ ក្នុងរយៈពេល ១០ ខែ ឆ្នាំនេះ ទោះបីមានកំណើន ២៨,៥៧% ក៏ពិតមែន តែផលិតផលមួយចំនួនមានការថយចុះ ដោយសារប្រជាកសិករកែច្នៃកសិផលមួយចំនួនដូចជាដំឡូងមី ស្វាយជាដើម។
លោក ងិន ឆាយ បន្ថែមថា បន្ទាប់ពីមានការបិទច្រកព្រំដែនផ្លូវគោកជាឯកតោភាគីរបស់ប្រទេសថៃមកកម្ពុជាបាននាំចេញផលិតផលដំណាំទៅប្រទេសថៃតាមផ្លូវទឹកចំនួន ២ ៣៩៨ តោន ស្មើនឹងប្រមាណ ៧ លានដុល្លារ (គិតចាប់ពីថ្ងៃ ២៤ ដល់ដំណាច់ខែតុលា ២០២៥)៕
អត្ថបទ៖ ឡេង ដេត
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម