ព័ត៌មានជាតិ

មន្ត្រីជាន់ខ្ពស់អប់រំ ៖ ការស្ម័គ្រចិត្តមិនត្រឹមតែជាអំពើល្អទេ តែជាកម្លាំងចលករក្នុងការសម្រេចគោលដៅអភិវឌ្ឍន៍ប្រកបដោយចីរភាព

បានផុស

៦ ខែ មុន

នៅ

ថ្ងៃព្រហស្បតិ៍ ៤ ធ្នូ ២០២៥

ដោយ

មន្ត្រីជាន់ខ្ពស់ នៃក្រសួងអប់រំ យុវជន និងកីឡា បានលើកឡើងថា ការស្ម័គ្រចិត្តមិនត្រឹមតែជាអំពើល្អប៉ុណ្ណោះទេ ប៉ុន្តែជាកម្លាំងចលករដ៏សំខាន់ ក្នុងការកសាងភាពធន់សហគមន៍ និងការសម្រេចបាននូវគោលដៅអភិវឌ្ឍន៍ប្រកបដោយចីរភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងពិធីបើកការប្រកួតវគ្គផ្ដាច់ព្រ័ត្រថ្នាក់ជាតិ កម្មវិធីការស្ម័គ្រចិត្ត ដើម្បីសហគមន៍ខ្ញុំ ឆ្នាំ ២០២៥ កាលពីរសៀលថ្ងៃទី ៣ ធ្នូ លោក សេរី ជំនះ រដ្ឋលេខាធិការក្រសួងអប់រំ យុវជន និងកីឡា បានបន្តថា «រាល់ការរួមចំណែកទាំងអស់សុទ្ធតែមានតម្លៃ។ នេះមានន័យថា រាល់ទង្វើស្ម័គ្រចិត្តទាំងអស់ ទោះតូចក្តីធំក្តី ដូចជាការចំណាយពេលតិចតួច ការប្រើជំនាញជាក់លាក់ ឬការផ្តល់កម្លាំងកាយ ជាដើម គឺសុទ្ធតែមានឥទ្ធិពលរួមចំណែកក្នុងការកសាងសហគមន៍ឱ្យកាន់តែរឹងមាំ និងជួយជំរុញការសម្រេចបាននូវគោលដៅអភិវឌ្ឍន៍ប្រកបដោយចីរភាព (SDGs)»។

លោករដ្ឋលេខាធិការ បានបន្តទៀតថា ការស្ម័គ្រចិត្ត មិនត្រឹមតែជាអំពើល្អប៉ុណ្ណោះទេ ប៉ុន្តែជាកម្លាំងចលករដ៏សំខាន់ ក្នុងការកសាងភាពធន់សហគមន៍ និងការសម្រេចបាននូវគោលដៅអភិវឌ្ឍន៍ប្រកបដោយចីរភាព។ ការងារស្ម័គ្រចិត្ត ពិតជាមានសារៈសំខាន់សម្រាប់សិស្សានុសិស្ស ព្រោះជាផ្នែកបន្ថែមដ៏ល្អ នៃការអប់រំក្នុងថ្នាក់រៀន ឬជា “ថ្នាក់រៀនក្រៅជញ្ជាំង” ដែលបំពាក់ឱ្យសិស្សានុសិស្សនូវទាំងជំនាញ និងស្មារតី ដើម្បីក្លាយជាអ្នកដឹកនាំនាពេលអនាគត។

លោករដ្ឋលេខាធិការ បានបន្ថែមថា ការចូលរួមកិច្ចការស្ម័គ្រចិត្តបានផ្តល់ផលប្រយោជន៍ទាំងសម្រាប់ខ្លួនបុគ្គលផ្ទាល់ សហគមន៍ និងសង្គមជាតិទាំងមូល។ នេះជាសកម្មភាពមួយដែលបង្កើតផលប្រយោជន៍ទៅវិញទៅមក ទាំងផ្នែកជំនាញ ទំនាក់ទំនង និងសុខុមាលភាពផ្លូវចិត្ត។ល។

លោករដ្ឋលេខាធិការ បានបញ្ជាក់ថា ក្រសួងអប់រំ យុវជន និងកីឡា និងអង្គការដៃគូនានា បានលើកកម្ពស់ការងារស្ម័គ្រចិត្តតាមគ្រប់រូបភាពក្នុងចំណោមមហាជន និងយុវជន ក្នុងគោលបំណងផ្តល់ឱកាសដល់ប្រជាពលរដ្ឋគ្រប់រូបបានចូលរួមចំណែកក្នុងការអភិវឌ្ឍសហគមន៍ ដែលពួកគេកំពុងរស់នៅ និងធ្វើឱ្យសម្រេចបានតាមចក្ខុវិស័យរបស់រាជរដ្ឋាភិបាលក្នុងការប្រែក្លាយកម្ពុជាជាប្រទេស មានចំណូលមធ្យមកម្រិតខ្ពស់ក្នុងឆ្នាំ ២០៣០ និងជាប្រទេសមានចំណូលខ្ពស់ក្នុងឆ្នាំ ២០៥០៕

អត្ថបទ ៖ សំអឿន

ព័ត៌មានអន្ដរជាតិ១៣ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច២ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា