ព័ត៌មានជាតិ

បន្ទាន់!! ផ្សារដេប៉ូសម្រេចផ្អាកដំណើរការជាបណ្តោះអាសន្ន ហើយប្រសិនមានការសង្ស័យ សូមទៅយកសំណាកតេស្តនៅបរិវេណផ្សារ

បានផុស

៤ years មុន

នៅ

ថ្ងៃព្រហស្បតិ៍ ២២ មេសា ២០២១

ដោយ

ភ្នំពេញ ៖ រដ្ឋបាលខណ្ឌទួលគោក បានចេញសេចក្តីជូនដំណឹងដល់អាជីវករផ្សារដេប៉ូទាំងអស់ស្តីពីសម្រេចការផ្អាកដំណើរការផ្សារជាបណ្តោះអាសន្ន ស្ថិតក្នុងសង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ។

រដ្ឋបាលខណ្ឌទួលគោក ក៏បានបញ្ជាក់ផងដែរថា ការសម្រេចផ្អាកជាបណ្តោះអាសន្ននេះ រយៈពេល១៤ថ្ងៃ គឺចាប់ពីម៉ោងសូន្យថ្ងៃទី២១ ខែមេសា ឆ្នាំ២០២១ រហូតដល់ថ្ងៃទី៥ ខែឧសភា ឆ្នាំ២០២១ ដើម្បីបង្ការនិងទប់ស្កាត់ការឆ្លងរីករាលដាលវីរុសកូវីដ១៩ ដល់បងប្អូនអាជីវករ អតិថិជន ក៏ដូចជាបងប្អូនចេញចូលក្នុងទីតាំងខាងលើ។

រដ្ឋបាលក៏បានសូមធ្វើការអំពាវនាវដល់បងប្អូនអាជីវករ សន្តិសុខ បុគ្គលិក កម្មករ បម្រើការងារក្នុងផ្សារ និងក្រុមគ្រួសារអាជីវករពាក់ព័ន្ធ និងប្រជាពលរដ្ឋចេញចូលផ្សារ ចាប់ពីថ្ងៃទី៧ ខែមេសា ឆ្នាំ២០២១ ដល់ថ្ងៃទី១៤ ខែមេសា ឆ្នាំ២០២១ បើសិនជាមានអាការៈក្តៅខ្លួន ក្អក ពិបាកដកដង្ហើម ហើយមានការសង្ស័យថាបានឆ្លងកូវីដ១៩ សូមអញ្ជើញមកយកសំណាកតេស្តរកកូវីដ១៩ជាបន្ទាន់នៅបរិវេណទីរួមផ្សារដេប៉ូ ស្ថិតក្នុងសង្កាត់ផ្សារដេប៉ូទី១ ព្រមទាំងអនុវត្តវិធានការចត្តាឡីស័ក ស្របតាមការណែនាំរបស់ក្រសួងសុខាភិបាលឲ្យបានត្រឹមត្រូវ។

អានពិស្តារ ៖