កីឡា

ក្រុមស្នងការភ្នំពេញ ឈ្នះជើងឯកសម្តេច ស ខេង អមដោយប្រាន់រង្វាន់ ៥០ លានរៀល

បានផុស

៣ ខែ មុន

នៅ

ថ្ងៃចន្ទ ២ មីនា ២០២៦

ដោយ

ក្រុមបាល់ទះស្នងការរាជធានីភ្នំពេញ បានគ្រងជើងឯកពានរង្វាន់សម្តេចក្រឡាហោម ស ខេង លើកទី៤ បន្ទាប់ពីបានយកឈ្នះក្រុមស្នងការខេត្តកោះកុង ដោយលទ្ធផល ៣-០ ក្នុងវគ្គផ្តាច់ព្រ័ត្រ នៅថ្ងៃអាទិត្យ ទី១ ខែមីនា ឆ្នាំ ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមស្នងការរាជធានីភ្នំពេញ បានបង្កើតកំណត់ត្រាយ៉ាងល្អឥតខ្ចោះក្នុងព្រឹត្តិការណ៍លើកទី៤នេះ។ ពួកគេបានឈ្នះទាំងអស់នៅវគ្គសន្សំពិន្ទុក្នុងពូល។ នៅវគ្គ ១៦ ក្រុមចុងក្រោយ ពួកគេបានយកឈ្នះ ក្រុមស្នងការខេត្តត្បូងឃ្មុំដោយលទ្ធផល ៣-០។

ភាពភ្ញាក់ផ្អើលបានកើតមានឡើងនៅពេលពួកគេបានទម្លាក់ក្រុមការពារតំណែងជើងឯកឆ្នាំចាស់ ស្នងការខេត្តស្វាយរៀង តាមរយៈជ័យជម្នះ ៣-០ នៅវគ្គ ៨ ក្រុមចុងក្រោយ ហើយនៅវគ្គពាក់កណ្តាលផ្តាច់ព្រ័ត្រ ពួកគេបានយកឈ្នះ វិសាខា ដោយលទ្ធផល ៣-០ ទៀត មុនពេលលត់ក្រុមស្នងការខេត្តកោះកុងដោយលទ្ធផល ៣-០ ដើម្បីគ្រងជើងឯក លើកដំបូងរបស់ខ្លួនក្នុងប្រវត្តិពានរង្វាន់សម្តេចក្រឡាហោម ស ខេង។

ជាមួយគ្នានេះ ក្រុមអកសមុទ្រនារី បានឈ្នះជើងឯកផ្នែកនារី បន្ទាប់ពីបានយកឈ្នះលើក្រុមស្នងការរាជធានីភ្នំពេញ ដោយលទ្ធផល ៣-២។ ដូច្នេះក្រុមស្នងការរាជធានីភ្នំពេញបុរសបានឈ្នះជើងឯក និងផ្នែកនារីបានជើងឯករង។

ជ័យលាភីបុរស

លេខ១៖ ស្នងការរាជធានីភ្នំពេញ ទទួលបានប្រាក់រង្វាន់ ៥០ លានរៀល
លេខ២៖ ស្នងការខេត្តកោះកុង ទទួលបានប្រាក់រង្វាន់ ២០ លានរៀល
លេខ៣៖ វិសាខា ទទួលបានប្រាក់រង្វាន់ ១២ លានរៀល
លេខ៤៖ កងពលធំអន្តរាគមន៍លេខ៣ ទទួលបានប្រាក់រង្វាន់ ៨ លានរៀល

ជ័យលាភីនារី

លេខ១៖ អកសមុទ្រ ទទួលបានប្រាក់រង្វាន់ ១៥ លានរៀល
លេខ២៖ ស្នងការរាជធានីភ្នំពេញ ទទួលបានប្រាក់រង្វាន់ ៨ លានរៀល
លេខ៣៖ ក្រសួងមហាផ្ទៃ ទទួលបានប្រាក់រង្វាន់ ៤ លានរៀល
លេខ៤៖ ខេត្តពោធិ៍សាត់ ទទួលបានប្រាក់រង្វាន់ ២ លានរៀល

ជ័យលាភីឯកត្តជន

ចាន់ វាសនា ជាកីឡាករល្អផ្តាច់គេប្រចាំព្រឹត្តិការណ៍
ចាន់ វាសនា ជាកីឡាករល្អប្រយុទ្ធស្តាំ
សុខ រ៉ាដូ ជាកីឡាករល្អប្រយុទ្ធស្លាបស្តាំ
រុន សុខជា ជាកីឡាករល្អប្រយុទ្ធឆ្វេង
ឧក រដ្ឋា ជាកីឡាករល្អរនាំងការពារ
សោម សេរីសម្បត្តិ ជាកីឡាករល្អរនាំងការពារ
យ៉ុន ខេមរៈ ជាកីឡាករលើកបាល់ល្អជាងគេ

អត្ថបទ៖ វិរបុត្រ

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា