ចិន រកឃើញមេរោគកូវីដ-១៩ លើកញ្ចប់ផ្លែទុរេន នាំចូលពី ថៃ

ការិយាល័យកិច្ចការកសិកម្មនៅក្រោមស្ថានទូតថៃ ក្នុងទីក្រុងប៉េកាំងបានរាយការណ៍ថា ទីផ្សារមួយនៅទីក្រុង Ganzhou ប្រទេសចិន បានរកឃើញមេរោគកូវីដ-១៩ នៅលើកញ្ចប់ផ្លែទុរេន ដែលនាំចូលពីប្រទេសថៃ។

ការិយាល័យនេះបានពន្យល់ថា ការពិនិត្យនិងរកឃើញមេរោគនេះ បានកើតឡើងនៅផ្សារ Haudongcheng កាលពីថ្ងៃទី១៣ខែសីហា។

មនុស្សទាំងអស់ដែលបានប៉ះពាល់កញ្ចប់នោះ ត្រូវបានដាក់ឲ្យនៅដាច់ដោយឡែក ហើយពួកគេ បានធ្វើតេស្តអវិជ្ជមាន។

មិនតែប៉ុណ្ណោះ កញ្ចប់ទុរេនទាំងអស់ត្រូវបានរក្សាទុកដើម្បីសុវត្ថិភាព ចំណែកផ្លែឈើនិងតំបន់ពាក់ព័ន្ធមួយចំនួននៃទីផ្សារ ត្រូវបានបាញ់ថ្នាំសម្លាប់មេរោគ។

ការិយាល័យបានបង្ហាញថា ខ្លួនកំពុងពិភាក្សាបញ្ហានេះជាមួយអគ្គនាយកដ្ឋានគយចិន។ អាជ្ញាធរនិយាយថា ការនាំចូលផលិតផលពីអ្នកផ្គត់ផ្គង់ថៃ នឹងមិនត្រូវបានផ្អាកឡើយ ព្រោះលទ្ធផលត្រួតពិនិត្យនេះ ត្រូវបានរកឃើញនៅក្នុងស្រុកនិងមិនមែននៅច្រកត្រួតពិនិត្យទេ៕

ប្រែសម្រួល៖ Vann Vann

ប្រភព៖ The Nation 

ចុចអាន៖ វ៉ាក់សាំងកូវីដផលិតពីរុក្ខជាតិ មានតម្លៃថោកនិង បង្កើតភាពស៊ាំកាន់តែខ្លាំង ជាពិសេស មិនចាំបាច់ចាក់