តៃវ៉ាន់ រកឃើញករណីដំបូង នៃវីរុសបំប្លែងខ្លួន Omicron

កាលពីថ្ងៃសៅរ៍ទី១១ខែធ្នូឆ្នាំ២០២១ កោះតៃវ៉ាន់ បានរាយការណ៍ពីករណីលើកដំបូងនៃវីរុសបំប្លែងខ្លួន Omicron នៅក្នុងខ្លួនមនុស្សចំនួន៣នាក់ ដែលមកពីបរទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មជ្ឈមណ្ឌលគ្រប់គ្រងរោគរាតត្បាតរបស់កោះតៃវ៉ាន់ បាននិយាយថា ករណីទាំងនេះ ទំនងជាមិននាំឲ្យមានការឆ្លងក្នុងសហគមន៍ទេ ដោយសារករណីទាំងអស់ត្រូវបានរកឃើញនៅព្រំដែន។

អ្នកទាំងបី ដែលមានជនជាតិតៃវ៉ាន់ពីរនាក់ និងអាមេរិកម្នាក់ គឺជាអ្នកដំណើរមកពីប្រទេសអេស្វាទីនី នៅទ្វីបអាហ្វ្រិកភាគខាងត្បូង, ចក្រភពអង់គ្លេស និងសហរដ្ឋអាមេរិក។ ពួកគេត្រូវបានដាក់ឲ្យធ្វើចត្តាឡីស័ក។

យោងតាមមជ្ឈមណ្ឌលនេះបានឲ្យដឹងថា មនុស្ស១០នាក់ផ្សេងទៀតដែលអង្គុយជិត អ្នកដែលមកពីប្រទេសអេស្វាទីនី ក្នុងជើងហោះហើរដូចគ្នា គឺបានធ្វើតេស្តអវិជ្ជមានចំពោះវីរុសបំប្លែងខ្លួននេះ៕

ប្រែសម្រួល៖ Vann Vann

ប្រភព៖ Asia Nikkei

ចុចអាន៖ អ្នកឆ្លង Omicron ភាគច្រើននៅអាមេរិក គឺជាអ្នកចាក់វ៉ាក់សាំងគ្រប់ដូស