ព័ត៌មានជាតិ
ចុះបិទទីតាំងផលិតនិងកន្លែងលក់ស្រាជាង ១ ៦០០ កន្លែង ក្រោយមានករណីស្លាប់៨នាក់
ក្រោយពីមានករណីពុលស្រាស្លាប់៨នាក់ នៅស្រុកទឹកផុស លោកឧត្ដមសេនីយ៍ត្រី ប៊ុន ធឿន ស្នងការរងនគរបាល ខេត្តកំពង់ឆ្នាំង បានឲ្យដឹងថា ចាប់ពីថ្ងៃទី២៨ ខែវិច្ឆិកាដល់ថ្ងៃទី១២ ខែធ្នូនេះ សមត្ថកិច្ចបានសមត្ថកិច្ច បានចុះបិទទីតាំងផលិតស្រាសរុបចំនួន ៥១៧កន្លែង និងបិទកន្លែងលក់ស្រាចំនួន ១ ១១៥ កន្លែង។ ក្នុងនោះដែរ បានឃាត់ខ្លួនអ្នកបិទស្រានិងលក់ស្រាចំនួនជាង ១០ នាក់ ក្នុងនោះមនុស្សចំនួន ៦នាក់ បានកសាងសំណុំរឿងបញ្ជូនទៅតុលាការចាត់ការបន្តតាមនីតិវិធី។
ដោយឡែកសមត្ថកិច្ច ដកហូតស្រាចំនួន ៣ ៨៩៥ លីត្រ និង ៥៣២ កានកន្លះ មេស្រាស ៧៥ លីត្រ មេដំបែមួយកញ្ចប់ និងមេស្រាកាច់ កន្លះលីត្រ។ ក្នុងនោះដែរ សមត្ថកិច្ចក៏បានកម្ទេចចោលអង្ករកាវស្រាប់បិតស្រាចំនួន ២១ ខាប់ និង ២១ ធុងប៉េត្រូ ផងដែរ។ លោកស្នងការរង បានបញ្ជាក់ឲ្យដឹងទៀតថា ក្រោយពីប្រតិបត្តិធ្វើការដកហូតស្រាខាងលើនេះ ក្រុមសមត្ថកិច្ចជំនាញបានរកឃើញថា នៅក្នុងស្រាស ស្រាថ្នាំខាងលើនេះ មានជាតិមេតាណុលមកខ្ពស់គឺ ១៤.១៥ ភាគរយ ដែលជាធម្មតា គឺគេអនុញ្ញាតឲ្យមានកម្រិតតែ ០៥.១០ ភាគរយតែប៉ុណ្ណោះ។ ហេតុនេះហើយ ទើបអ្នកហូបស្រា នៅក្នុងស្រុកទឹកផុសបានពុលស្រា ១៣១ នាក់ ក្នុងនោះមានមនុស្សចំនួន ៨ នាក់ក៏បានពុលស្លាប់។
ចំពោះវិធានការនោះ គឺអាជ្ញាធរក៏ដូចជាសមត្ថកិច្ចជំនាញមិនអនុញ្ញាតឲ្យមានការផលិតស្រាអានាធិបតេយ្យទៀតទេ។ ចំពោះអ្នកផលិតស្រា ត្រូវតែមានច្បាប់អនុញ្ញាតត្រឹមត្រូវ និងក៏ត្រូវផលិតស្រាទៅតាមបច្ចេកទេស ដែលជំនាញបានកំណត់។ ដោយឡែកចំពោះស្រាសស្រាថ្នាំនិងមេស្រា ដែលសមត្ថកិច្ចបានដកហូតខាងលើនេះ អាជ្ញាធរខេត្តនិងសមត្ថកិច្ចស្នើសុំទៅតុលាការខេត្តដុតកម្ទេចចោលនៅថ្ងៃខាងមុខនេះ៕
អត្ថបទ៖ ឈៀង ថារិទ្ធ
-
ព័ត៌មានអន្ដរជាតិ១៥ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ